تورکیه مطبوعاتی اؤزتی 08.02.2015
آخشام قزئتی، "اردوغان لاتین آمریکا یولجوسو" باش‌لیق‌لی خبرده، پرزیدنت اردوغانین بو گون چیخاجاغی کولومبیا، مکزیک و کوبانی ایچه‌رن جنوبی آمریکا تورونا یئر آییریر.
قزئت، پرزیدنت اردوغان 9-10 فوریه‌ده کولومبیانین، 10-11 فوریه‌ده کوبانی، 11-12 فوریه‌ده دا مکزیکی زیارت ائده‌جگینی. اردوغانین بو 3 اؤلکه‌نین لیدرلری ده اهمیت‌لی دانیشیق‌لار گئچیره جگینینی ائشیتدیریر.
خبرده، خصوصیله کوبا سفری ماراقلا گؤزلنیلن اردوغانین، ساغلیق وضعیتی ال وئرمه‌سی وضعیتینده کوبانین افسانه دولت باشقانی فیدل کاسترو ایله بیر گؤروشمه گئچیره جگی، زیارت‌لر اثناسیندا بیر سیرا موقاویله‌لرین ایمضالانماسی گؤزلنیلرکن، اردوغانین ائده‌جگی زیارت‌لرله علاقه‌لرین داها دا اینکیشاف ائتدیریلمه‌سی مقصد قویولدوغو کؤچورولور.
خبر تورک قزئتی؛ "مرکلین تورکیه‌یه تعریف" باش‌لیق‌لی خبرده، آلمانیا باش ناظیری آنگلا مرکلین، تورکیه‌نین سوریه‌لی قاچقین‌لار اوچون ائتدیک‌لری‌نین تقدیره لاییق اولدوغونو وورغولادیغینی یازیر.
قزئت، 51. مونیخ‌ین گوونلیک کونفرانسیندا ائتدیگی دانیشمادا مرکلین سوریه‌دکی وطنداش ساواشیندا 4 ایلده 220 مین اینسانین حیاتینی ایتیردیگینی، مین‌لرله قادین و اوشاغین شدت قوربانی اولدوغونو خاطیرلاددیغینی ائشیتدیریر. خبرده سوریه پروبلمی‌نین حل چتین اولدوغونو ایفاده ائدن مرکلین روسیا ایله ده امکداشلیغا گئدیلمه‌سی لازیم اولدوغونو وورغولادیغی پایلاشیلیر.
یئنی شفق: "یونانیستان اوروپا بیرلیگی بایراغینی ائندیردی" باش‌لیق‌لی خبرینده اوروپا بیرلیگی‌نین "امیل ایله تعلیمات" یاغدیرماسینا آغیر اعترض گؤسترن یونانیستانین یئنی باش ناظیری آلکسیس چیپراسا اؤلکه‌نین یئرلی رهبرلیک‌لرینه ده بؤیوک دستک گلدیگینی یازیر.
قزئت، کوممونیست پارتی رهبرلیگین‌دکی پاترا بلدیه‌سی‌نین، باش ناظیر چیپراسا برکسل قارشی‌سیندا دستک اولماق مقصدیله بلدیه بیناسین‌داکی اوروپا بیرلیگی بایراغینی گؤیدن ائندیردیگینی. یئرینه ده بلدیه‌نین آمبلمی‌نین اولدوغو بیر بایراق آسیلدیغینی ائشیتدیریر.
ایستار قزئتی، میصیردا کودتا ایله رهبرلیگه گلن عبدالفتاح السیسی‌نین قورمایلارییلا ائتدیگی دانیشماسی‌نین سس قیدی‌نین چیخدیغینا یئر وئریر.
قزئت، سس قیدی‌نین سیسی‌نین پرزیدنت‌لیگه نامیزد اولما‌دان بیر از اوّل قورمایلارییلا ائتدیگی بیر ییغینجاغا عایید اولدوغونو کؤچورور. خبرده، سیسی‌نین سس قیدینده، "کؤرفز اؤلکلریله عینیله 1990-جی ایلده سوریه رژیمینه ائتدیک‌لری کیمی 'آلوئر اثناسیندا علاقه قورماغیمیز لازیم‌دیر" دئدیگی یئر آلیر.
صاباح قزئتی، "اوکراین ساواشین قارشی‌سینی آلماق اوچون سون شانس" باش‌لیق‌لی خبرده، آلمانیا باش ناظیری آنگلا مرکل ایله فرانسا پرزیدنتی فرانسوا اوللاندین 4 گون‌دور ایجرا ائتدیگی سورپریز اوکراین دیپلوماسیسی‌نین دونن ده داوام ائتدیگینی بیلدیریر.
قزئت، اوللاندین اوکراین‌ین شرقین‌دکی روسیا یانلی‌سی آیریلیکچی‌لارا ایستیقامت‌لی داها گئنیش احاطه‌لی بیر مختاریت چاغیریسی و سیلاحسیزلاندیریلمیش بیر بؤلگه چاغیریسی ائتدیگینی یازیر. خبرده، غرب ایله امکداش‌لیق ایچینده اولماق ایستدیک‌لرینی ایفاده ائدن روسیا دولت باشقانی ولادیمیر پوتین‌ین ده، "ساواشی داوام ائتدیرمه نیّتیمیز یوخ‌دور، اما قلوبال سیستم علیهیمیزه ایشلییر" دئدیگینه یئر وئریلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
