تورکیه مطبوعاتی اؤزتی 06.02.2015
ایستار قزئتی "داعش وحشتینه قارشی اورتاق موباریزه" باشلیقلی خبرینده، پرزیدنت اردوغانین، اردن کرالی عبداللهی تلفونلا آرایاراق، داعشین وحشیجهسینه قتل ائتدیگی پیلوت معاذ اوچون تعزیهلرینی دیله گتیردی. قزئت، هر ایکی لیدئرین ترورا قارشی اورتاق موباریزهنین واجیبلیگینه وورغو ائتدیگینی و سوریادا اسد ظلمونه قارشی امکداشلیق ائتمهنین واجیبلیگینه دتوخوندوغونو یازیر.
حریت قزئتی، "تورکیهیه اؤنجو گوج طلبی" خبرینده، ناتونون، آلتی یئنی امر نکنترل مرکزی و یوکسک توتوملو بیر اؤنجو گوجو دؤورهیه سوخاجاغینی یازیر. قزئت، اؤنجو گوج اوچون تورکیهیه قاتقی طلبی اولدوغونو آنجاق آنکارانین قرارینی هله وئرمدیگینی ایفاده ائدیر. مدافعه ناظرلری ییغینجاغیندا هر هانسی بیر سؤز اولمایان تورکیه مومکون قاتقیسینی اؤنوموزدکی دؤورده آچیقلایاجاق. میلی مدافعه ناظری ییلماز، قرارین آلینماسینین ژوئن آیینا قدر سوره جگینی سؤیلهدی.
یئنی شفق قزئتی "آ.ب بؤیومه تخمینینی یوکسلتدی" باشلیغییلا وئردیگی خبرده، آوروپا بیرلیگی کمیسیونونون، تورکیهنین 2015-جی ایل بؤیومه تخمینینی یوزده 3،3دن 3،7یه یوکسلتدیگینی بیلدیریر.
وطن قزئتی، "ژنرال تورکیهنی مرکز ائدیر" باشلیقلی خبرده، 25 ایلدیر تورکیهده دیستریبیوتور واسطهسیله محصوللاری ساتیلان دونیانین قاباقدا گلن کلیما شرکتلریندن گنرالین، تورکیهده اؤز ساتیش و خیدمت شبکهسینی قورماق قراری آلدیغینی یازیر. تورکیه ایداره هیاتی باشچیسی توشیاسو اوهنو، "سرعتله اینکیشاف ائدن و بؤیوین تورکیه بازاری، بیزی اؤز ساتیش و خیدمت شبکهمیزی قورماغا یؤنلتدی. بؤلگهدکی گوجوموزو داها دا آرتیراجاغیق" دئدی.
خبر تورک قزئتی ده، آتاتورک و صبیحه گؤکچن هاوالیمانلارینین، سرنیشین یول پرفورمانسی باخیمیندان اؤز ساحهلرینده 2014-جو ایلده ان چوخ بؤیوین هاوالیمانلاری اولدوغونو بیلدیریر اوخوجولارینا. آوروپا اولوسلارآراسی هاوالیمانلاری شوراسینین ائتدیگی آراشدیرمایا گؤره، 25 میلیون و اوزری سرنیشینی آفیرلایان هاوالیمانلاری آراسیندا ایستانبول آتاتورک هاوالیمانی، سرنیشین ترافیکینی یوزده 10.6 بؤیودهرک ان چوخ بؤیوین هاوالیمانی، صبیحه گؤکچن ایسه، 10-25 میلیون سرنیشین آراسی کسیمده یوزده 25.4لوک بؤیومه ایله ترافیکی ان چوخ آرتیش گؤسترن هاوالیمانی اولدو.
صاباح قزئتی، 1890دا ژاپونیادا باتان تورک فیرقتینی ارتوغرولون حکایهسینین سینمایا اویارلاندیغینی یازیر. ژاپونیاداکی چئکیلیشلری تاماملانان فیلمین تورکیه چئکیلیشلری مارسدا ایستانبولدا باشلایاجاق. تخمینی بودجهسینین 12 میلیون لیرا اولماسی گؤزلنیلن فیلمین، ایل سونوندا نوماییشیمه گیرمهسی پلانلاشدیریلیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718954024)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.