تورکیه مطبوعاتی اؤزتی 05.02.2015
میلیت قزئتی: "ارتوغرول فرقتینی‌ندن سوورولان پول‌لار تاپیلدی
ژاپون ایمپراتورو میژی ایله ائدیلن گؤروشمه‌دن قاییدارکن 1890.جی ایلده ساکیت اقیانوسوندا 550 دنیزچیسیله باتان ارتوغرول گمیسینده ائدیلن قازی و قورتارما ایشلرینده گمی‌نین صاندیغین‌دان سوورولان، ژاپون، اینگیلیس و هنگ کنگا عاید قیزیل، گوموش و برنز پول‌لار تاپیلدی. باشقا بیر باتیغین اولمادیغی بؤلگه‌ده تاپیلان پول‌لار، سرگیلنمک اوزره کوشیموتو شهرین‌دکی تورک موزه‌سی یئتکی‌لی‌لرینه تسلیم ائدیلدی. صاندیغین تاپیلماسی اوچون سو آلتیندا ایشلر داوام ائدیر. "
ایستار قزئتی: "باخان ایشیق: سلاح‌لاریمیزین پروگرامینی اؤزوموز اوره‌تیریک
بیلیم، صنایع و تکنولوژی باخانی فیکری ایشیق، اونیورسیته‌لرله صنایعین موطلق آکتیو امکداش‌لیق ائتمه‌سی لازیم اولدوغونو سؤیله‌دی. سون دؤورده، خصوصیله مدافعه صنایعینده بؤیوک بیر یول قطع ائتدیک‌لرینی ایضاح ائدن ایشیق، "بونون موتور گوجو ده اونیورسیته‌لر و صنایعمیز اولدو. ایندی بوتون صنایعده بونو باجارماق مجبوریتیندییک" دئدی.
صاباح قزئتی: "9 مین 915 نفر اوچون تورکیه‌یه گیریش یاساغی
خاریجی ایشلر باخانی چاووش اوغلو، عراق و سوریه‌یه گئچمه‌یه چالیشان‌لارا دایر، "9 مین 915 نفر اوچون تورکیه‌یه گیریش قاداغانی قویولدو" دئدی.
عراق و سوریه‌یه گئچمک ایسته‌ین خاریجی ساواشچی‌لارلا مباریزه‌ده تورکیه و باشقا اؤلکه‌لر آراسین‌داکی امکداشلیغین گوجلندیگینی ایضاح ائدن چاووش اوغلو، تورکیه‌نین سینیر دیشی ائتدیگی شخص‌لرین کنترل آلتیندا توتولماسی قونوسوندا مخاطب اؤلکه‌لرین آلماسی لازیم اولان تدبیرلر اولدوغونو ایفاده ائتدی. "
خبرتورک قزئتی: "اردوغانین باشقان‌لیق سیستمی
آک پارتینین سئچیم بیاننامه‌سینده یئر وئرجگی ادعا ائدیلن باشقان‌لیق سیستمیله علاقه‌لی ایشلر داوام ائدیر. "تورکیه‌یه اؤزگو/خاص باشقان‌لیق مد‌لی" دئیه آدلان‌دیریلان مئلده؛ یاساما، یئریتمه و یارغی ارکلری بیر بیرین‌دن آیریلیر. سیستمین آیرینتی‌لاری بون‌لار: "باشقان، جمهورباشقانی یئرینه" دؤولت باشقانی "صیفتینی آلا‌جاق. یئریتمه صلاحیتی دؤولت باشقانینا عاید اولا‌جاق. تورکیه جمهوریتینی و تورک میلتی‌نین بیرلیگینی تمثیل ائده‌جک. '
آخشام قزئتی: آ.ب‌نین تورکیه‌نی عضو ائتممه سئچه‌نگی یوخدور
واشینگتوندا اولان آ.ب باخانی وولکان بوزقیر، تورکیه‌نین بو گون رقم‌لره باخیلدیغیندا اقتصادی اولا‌راق هارداسا، اوچه قاتلانمیش بیر اؤلکه حالینا گلدیگینی ایضاح ائده‌رک، "تورکیه‌نین 2023-جو ایلده 2 تریلیون د‌لارلیق بیر اؤلکه اولاجاغینی سؤیلدیکده،" 500 میلیارد د‌لار صادراتی اولان اؤلکه اولا‌جاق دئدیگیمیزده، آدام باشینا دوشن گلیر 25 مین د‌لار اولا‌جاق دئدیگیمیزده آرتیق کیمسه‌نین دوداغیندا گولومسه‌مه قالمادی. بونا قارشیلیق تورکیه‌نین بونو گرچکلشدیرجگینه اولان اینانج دا چوخ داها چوخالدی" دئیه دانیشدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
