تورکیه مطبوعاتی اؤزتی 03.02.2015
یئنی شفق قزئتی: "اردوغاندان دؤرد قارّهیه سفر
وظیفهیه گلدیگی آوقوست آییندان بو یانا 16 اؤلکهنی زیارت ائدن پرزیدنت اردوغان بو ایل 30 اؤلکهیه داها گئدهجک. اردوغانین دایاناجاقلاری آراسیندا آفریقا، لاتین آمریکا، اورتا آسیا و اوروپا وار. ایلک سیرادا کولومبیا، کوبا و مکزیک وار. پرزیدنت اردوغان آوریل آییندا، استراسبوورگداکی اوروپا پارلامنتینده ائدهجگی دانیشما ایله تورکیهنین اوروپا بیرلیگی عضولوگو موضوعسوندا قرارلیلیق مساژی وئریب، بوتون اوروپا بیرلیگی اؤلکهلرینی ایسلام مخالیفلیغی ایله اورتاق مباریزهیه دعوت ائدهجک. "
حریت قزئتی: "تورکیهدن کؤمک ایستنملیدی
عراق- شام ایسلام دولتی ترور اؤرگوتونون ایکی ژاپون گیروونو اعدام ائتمهسینین آردیندان گؤزلر ژاپون رهبرلیگینه دؤندو. کیوتوداکی دوشیشا اونیورسیتهسی یاخین شرق تدقیقاتلاری پروفسورو ماسانوری نایتو، داها اوّل عراق- شام ایسلام دولتی ترور اؤرگوتونون الیندکی گیرووولارینی قورتارمیش اولان تورکیهدن کؤمک ایستنمسینین ژاپون اوچون منطقلی بیر آددیم اولا بیلهجگینی آنجاق بونون ائدیلممهسینین بؤیوک بیر سهو اولدوغونو ایفاده ائتدی.
آخشام قزئتی: "ان بؤیوک درمانین مرکزی تورکیه
تام ساتیشلاردا 58 میلیارد دولارلیق بیر بؤیوکلویه صاحب اولان نووارتیس، ان چوخ ساتدیغی درمانینین دونیا اوره تیم مرکزی اولاراق تورکیهنی سئچدی. نووارتیس قرووبون دونیا CEO-سو ژو ژیمنز، تورکیهنین نووارتیس اوچون اهمیتلی اوره تیم مرکزلریندن بیری اولدوغونو ایفاده ائتدی و علاوه ائتدی: "کورتکؤیدکی اوره تیم تاسیسینه یاتیریم ائدیریک. ان چوخ ساتدیغیمیز محصول اولان قیزدیرما درمانینی دونیادا یالنیز کورتکؤیده چیخاریب ایخراج ائدجگیک. "
ایستار قزئتی: "اویونا تورکیهنین داخیل اولماسی اوروپانی نیگران ائتدی
جی.بی پرس، روسیانین یئنی اقتصادی قرارلارینا باغلی بیر خبر ائتدی. خبرده، "جنوب آخین پروژهسینین باغلانیلماسی دولت باشقانی پوتینین اوروپا بیرلیگی ایله امکداشلیغی محدودلاشدیرماق ایستدیگینین دلیلیدیر. اویونا تورکیهنین داخیل اولماسی اوروپالی اؤلکهلری ناراحاتلیغا سالدی. پروژهنین لغو ائدیلدیگی اعلان ائدیلدیگی زامان هر کس پوتینین اعتبارینین سارسیلدیغینی دیله گتیردی، لاکین یئنی مسیر بلیرلنینجه گولمهیه سون وئردیلر. شرقده چین، غربده تورکیه. دولت باشقانی پوتین تورک و چینلی لیدرلریله امکداشلیق سایهسینده یئنی اولوسلار آراسی سیاستینین تملینی آتماغا باشلادی 'ایفادهلرینه یئر وئریلدی. "
رادیکال قزئتی اینترنت سایتی: "کارسلی کیچیک اویونچولاری برلین هیجانی قوجاقلادی
'کار پیراتس آدلی فیلم، دونیانین ان اهمیتلی سینماسی تدبیرلرده 65. برلین فیلم فستیوالینا حاظیرلاشیر. فستیوالین ،نسیل، حیسهسینده دونیا پرؤمیری ائدهجک فیلمینین یؤنتمنی فاروک حاجی حافیظ اوغلونون یانیندا، کارسلی گنج باش رول اویونچولاری تاها تگین اؤزدمیر، یاقوب اؤزگور کورتال ایله عمر اولوچون هیجان قوجاقلادی. چونکی گنج اویونچولار، فیلمین دونیا پرئمیراسی اوچون 7 فوریهده برلینده اولاجاقلار. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718991480)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.