تورکیه مطبوعاتی اؤزتی 02.02.2015

آخشام قزئتی: "تورک آخیمینا سورپریز تکلیف
روسیانین جنوب آخیمی لغو ائده‌رک، تکلیف ائتدیگی "تورک آخیمی" پروژه‌‌سینه یؤنلیک سورج داوام ائدرکن، 'قارداش اؤلکه روتاسی گوندمه گلدی. اولوسلار آراسی انرژی ایقتیصاد بیرلیگی (IAEE) باشقانی پروفسور دوکتور گورکان کومباروغلو، تورک آخیمی کمری‌نین، تراکیا‌دان سونراکی حیسه‌سینده مقدونیه، کوسووو و بوسنی و هرزگوئین کیمی اؤلکه‌لره اوزادیلابیله‌جگینی سؤیله‌دی. "
ایستار قزئتی: "عراق‌دان تورک بانک‌لارینا دعوت
بؤیوک‌لوگو 2 تریلیون لیره‌یه سؤیکنن تورک بانکچی‌لیق سکتورونا دعوت یاغیر. قونشو و اطراف اؤلکه‌لر تورک بانک‌لاری‌نین اؤز اؤلکه‌لرینده شعبه آچماسی و مالی سکتوروندا آغیرلیق گؤسترمه‌سینی ایستییر. مالی سکتورونون قاپیسینی سون اولا‌راق تورکیه‌نین ان اهمیت‌لی تیجارت پارتنرلریندن‌ بیری اولان قونشو اؤلکه عراق چالدی. کئچن ایل سونوندا تورکیه‌یه گلن عراق باش ناظیری حیدر العبادی‌نین تورک بانک‌لاری‌نین اؤز اؤلکه‌سینده ان آز 10 قات داها بؤیومه‌سی طلبینده اولدوغو اؤیرنیلدی. "
میللیت قزئتی: "تورکیه آلبینو کندی قورور.
دونیانین ان کاسیب 25ینجی اؤلکه‌سی تانزانیادا، پیس رفتار گؤرن آلبینولاری یاشاتماق اوچون مباریزه وئرن تورکیه‌نین دارالسلام سفیری آلی داوود اوغلونون حیات یولداشی یئشیم داوود اوغلو، 'تورکیه 500 آلبینو اوشاغین دالدالانماغا کند قورور دئدی. تورکیه-تانزانیا کؤمک وقفی‌نین دستگی حیاتا کئچن پروژه، تورک معمار و ایشچی‌لرین ائتمه‌سی پلان‌لاش‌دیریلان کندده 500 آلبینو اوشاق یئنی‌دن حیات تاپا‌جاق. داوود اوغلو، تورکیه‌نین احترمینی آرتیران بو ایشلرین دیپلوماتیک علاقه‌لری ده سههتینی یاخشیلاشدیردیغینی وورغولادی. "
خبر تورک قزئتی: "ایدمان توریزمینده 900 میلیون $
تورکیه سیاحت آژانسلاری بیرلیگی (TÜRSAB)، 2014 ایدمان توریزمی راپورونون یایینلادی. بونا گؤره کئچن ایل، ایدمان فعالیت‌لری مقصدیله تورکیه‌یه گلن 550 مین‌دن چوخ توریست، 900 میلیون دو‌لارین اوزرینده ده خرجلمه ائتدی. بیر ایدمان توریستی‌نین اورتالاما بیر توریستین ایکی قاتی خرجلمه ائتدیگی ایفاده ائدیلن راپوردا، ایدمان توریزمی‌نین سکتوردان یوزده 1،5لیک پای آلدیغی دا وورغولاندی. "
صاباح قزئتی: "فلوریدا‌لی تروپیکانا‌دان بورسایا هلو مکتبی
تروپیکانا، 2013 تورکیه بازارینا گیرنده یئرلی میوه‌لرین اهمیتینی درک ائدن، متخصص‌لرله 2،5 ایللیک ایش سونراسی بیر تورکیه آنلاییشی میدانا گتیرن آمریکا‌لی بیر شیرکت. ایندی، یئرلی رقیب‌لرینی بورسانین هولوسو، مالاتیانین اریگی سیلیفکه‌نین توت فرنگی وورما قراری آلدی. بوغازیچی اونیورسیته‌سی حیات بویو تحصیل مرکزی‌نین (BÜTEM) ده دستگیله، داوام‌لی میوه باغچه‌چیلیغینی جوتچولره اؤیردمک اوچون 'باغچه مکتب‌لری پروژه‌سی حاضرلایان شیرکت، بورسا و مالاتیادا، 3 ایلده مین‌دن چوخ اکینچییه ایتیم وئره‌جک. "...