تورکیه مطبوعاتی اؤزتی 01.02.2015
صاباح قزئتی، "آنکارا سارکیسیانی قینادی" باش‌لیق‌لی خبرینده، پرزیدنت رجب طیب اردوغانین چاناققالا ساواشی‌نین ایل دؤنومونده ائدیله‌جک مراسیم‌لره دعوت ائتدیگی ارمنیستان پرزیدنتی سارکیسیانین، دعوتی الوئریش‌سیز سؤزلرله تنقیدینه آنکارانین اعتراضی‌نین آغیر اولدوغونو یازیر. پرزیدنت سؤزچوسو ابراهیم قالین، "سارکیسیانین، بیر دولت آدامی‌نین آغزینا یاراشمایا‌جاق ایفاده‌لرینی عینیله اعاده ائدیریک" دئدی. خاریجی ایشلر ناظیرلیگی دا، "نه قونشو بیر دولتین لیدرینه، نه ده قدیم ارمنی میللتی‌نین بیر نماینده‌سینه یاراشان بو اوسلوبو شدتله قیناییریق" دئدی.
ایستار قزئتی، "مرمره لودوس کابوسو" خبرینده، ساعت‌داکی سرعتی 100 کیلومتری بولان توفانین مرمره بؤلگه‌سینده حیاتی فلج ائتدیگینی بیلدیریر. بیر چوخ ائوین دامی اوچدو، چوخ سایدا آغاج یئرین‌دن سؤکولدو، هاوا و دنیز سفرلری لغو ائدیلدی.
یئنی شفق قزئتی، "یابانجی لیدرلری توبیتاک اؤیره‌دیر" باشلیغییلا، توبیتاک TÜBİTAK TÜSSİDE (تورکیه صنایع سوق و ایداره انستیتوسو) طرفین‌دن حیاتا کئچیریلن "اولوسلار آراسی لیدرلیک آکادمیسی پروژه‌سی" چرچیوه‌سینده خاریج‌دن گلن اوست سویه ایدارچی و بوروکرات‌لارا نظری و تطبیقی تحصیل وئریلدیگینی ایفاده ائدیر. آکادئمی‌یه بو گونه قدر بوسنی و هرزگوئین، کوسووو، تونیس و قازاخیستان‌دان اوست سویه ایدارچی و بوروکرات‌لار قاتیلدی.
حریت قزئتی، "ایقتیصادین لیدرلری اولو داغدا اجلاس ائده‌جک" باش‌لیق‌لی خبرده، اولوداغ ایقتیصاد ذیروه‌سی‌نین دؤردونجوسونون 13-14 مارتدا بورسا دا رئاللاشاجاغینی ائشیتدیریر. خاریج‌دن چوخ سایدا ایشتیراکچی‌نین دا یئرآلاجاغی ذیروه‌ده، دیجیتال‌لشمه‌نین و دیجیتال شیرکت اولمانین اهمیتی ایضاح ائدیله‌جک، آفریقا و چین بازارلارین‌داکی فورصت‌لر دیرلندیریلمه‌لی.
میللیت قزئتی، "'ایدمان اولسون دئیه 900 میلیون دو‌لار خرجله‌دی‌لر" خبرینده، تورکیه‌ده ایدمان ائدن خاریجی توریست‌لرین سایسی 2014-جو ایلده 550 مینی آشارکن، ائتدیک‌لری خرج‌لرین ده 900 میلیون دولارین اوزرینه چیخدیغینی یازیر. ایدمان مقصدلی گلن توریست‌لر، نورمال توریستین ایکی قاتی خرجلمه ائتدی. پایین ان بؤیوک قیسیمینی ایسه گولف و فوتبال تشکیل ائدیر.
وطن "اوبزیته ایله مباریزه مکتبینده باشلایا‌جاق" باش‌لیق‌لی خبرده، ساغلیق ناظیرلیگی‌نین اوبز اها‌لی نیسبتی‌نین سالینماسی اوچون 3-6 یاش اوشاق باغچاسی اوشاقلاریندان باشلاماق عذره بیر سیرا تدبیرلری حیاتا کئچیرجگینی بیلدیریر. مشق پروقرام‌لاری اینکیشاف ائتدیریله‌جک، اوشاق‌لیق و یئتکین‌لیک دؤورون‌دکی فردلره یؤنلیک ساغلام بسلنمه پروقرام‌لاری ایجرا ائدیله‌جک.
صاباح قزئتی، "اولدوزلارین رستورانجی‌سی اردم-ه اؤدول" خبرینده، نیو یورکدا، آمریکا سوسیئته‌سی و سیاستچی‌لری‌نین تئز-تئز اوغرادیغی رستورانین تورک صاحبی زینل اردم‌ین، بیر آمریکان قزئتی طرفین‌دن ایلین ان موفقیت‌لی 40 یاش آلتی ایش آدامی اؤدولونه لایق گؤرولدوگونو یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
