تورکیه مطبوعاتی اؤزتی 31.01.2015
صاباح قزئتی: "'تاناپ بیزیم اوچون وازگئچیلمز بیر پروژهدیر
خاریجی ایشلر باخانی مولوت چاووشاوغلو، ترانس آنادولو طبیعی گاز بورو خطی پروژهسینین (تاناپ)، تورکیه اوچون وازگئچیلمز بیر پروژه اولدوغونو و اوچ ایل ایچینده پروژهنین تاماملانماسینین پلانلاشدیریلدیغینی سؤیلهدی. چاووش اوغلو، "ایلک آددیملار آتیلدی، آچیق آرتیرمالار ائدیلدی، بورولار سیفاریش ائدیلدی. تورکمن گازینین دا تورکیه اوزریندن گئچن بو پروژهلره داخیل اولماسینی، هم تورکیه، هم ده آذربایجان ایستهییر" دئیه دانیشدی. "
حریت قزئتی: "'ژاپون خالقینین آجیسینی پایلاشیریق
شانلی اورفانین آکچاکاله ائلچهسینده گئچیردیگی یول قضاسیندا حیاتینی ایتیرن ژاپون ژورنالیست کازومی تاکایانین اؤلومو، هم مملکتی ژاپونیانی هم ده 22 ایلدیر یاشادیغی تورکیهنی اوزدو. ایشیدین اردنلو پیلوت و ژاپونلو ژورنالیست کنژی گوتویو آکچاکالهده سربست بوراخاجاغی ادعالاری اوزرینه، سرحد قاپیسینا گئدهرک گلیشمهلری تعقیب ائدن فوژی تو موخبیری تاکایا، آکچاکالهده میدانا گلن یول قضاسیندا حیاتینی ایتیردی. باشباخان یاردیمچیسی یالچین آکدوغان ژاپونجا آتدیغی توییتده، "یاخینلارینین و ژاپون خالقینین آجیسینی پایلاشیریق" دئدی.
یئنی شفق قزئتی: "تورک لیراسینین صادراتدا ایستیفادهسی یوزده 25 آرتدی
تورکیه استاتیستیک قورومو (تویک) وئریلریندن درلهنن بیلگیلره گؤره، تورک لیراسینین صادراتدا ایستیفادهسی 2014.جو ایلده، قاباقکی ایله گؤره یوزده 25 آرتدی. سون 10 ایللیک دؤورده، تورک لیراسینین خاریجی تیجارتده ایستیفادهسی ایسه تخمینا 11 قات آرتدی. "
وطن قزئتی: 2014 ایلینه گؤره یوزده 6،2 آرتدی
تورکیهنین توریزم گلیری، 2014ده، بیر اؤنجهکی ایله گؤره یوزده 6،2 آرتاراق 34 میلیارد 305 میلیون 904 مین دلار اولدو. سؤز قونوسو گلیرین یوزده 81،5ی خاریجی گزگینلر، یوزده 18،5ی ایسه خاریجده یاشایان وطنداشلاردان الده ائدیلدی. عینی ایل، تورکیهدن چیخان گزگین ساییسی ایسه یوزده 2،1 آرتدی و 8 میلیون 298 مین 198 نفر اولدو. "
ایستار قزئتی: "سیگار قاداغاسیندا یئنی اویقولامالار گلیر ...
ساغلیق باخانلیغی یئنی ائیلم پلانییلا توتون محصوللاری ایستیفادهسینی آزالتماغی و توپلومو بیلینجلندیرمهیی هدفلهییر. بو چرچیوهده حاضرلانان اولوسال توتون کنترل پروگرامی 2015-2018 ائیلم پلانی آچیقلاندی. یئنی پلانلا، آلیش وئریش مرکزلری، سینما و بنزر یئرلرین بینا گیریشلرینده ده سیگار چئکیلمهیهجک. ایلک دفعه استرالیانین اویقولادیغی قارا پاکات دئیه ده بیلینن تک تیپ پاکات اویقولاماسی قونوسوندا ایسه گزکلی قانون دییشیکلیکلری حاضرلاناجاق. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.