تورکیه مطبوعاتی اؤزتی 24.01.2015

صاباح قازئته‌‌سی، "یئنی سعودی کرا‌لی ایله جنازه‌ده صف توتدو" باشلیغییلا وئردیگی خبرده، پرزیدنت رجب طیب اردوغانین، آفریقا پروگرامینی دییشدیریب عربیستان کرا‌لی‌نین جنازه‌سینه قاتیلدیغینی یازیر.
قزئتین خبرینه گؤره، اتیوپی سفری‌نین آردین‌دان ریاضا گئچن اردوغان، وفات ائدن کرال عبدالله بن عبدالعزیزین جنازه مراسیمینده ایشتیراک ائتدی. نامازدا یئنی کرال سلمان بن عبدالعزیز و کرالیت عائله‌سی عضو‌لری ایله صف توتان اردوغان، مراسیم سونراسیندا جیبوتییه گئتدی. تورکیه، کرال عبدالله اوچون بیر گونلوک یاس اعلان ائتدی.
ایستار قزئتی، باشباخان احمد داووداوغلونون 'گوج‌لو تورکیه‌دن قورخورلار سؤزونو تیتر اولاراق وئریر ...
قزئتین خبرینه گؤره، داووسدا دانیشان باشباخان داووداوغلو، تورکیه‌نین آ.ب-یه قاتیلماق اوچون هر شئیی ائتدیگینی سؤیله‌یه‌رک، "داها اول 'تورکیه، آوروپا بیرلیگی اوچون چوخ یوخسول، آ.ب-یه یوک اولاجاق بهانه‌سی واردی". ایندی "تورکیه آ.ب-یه اینتگره اولماق اوچون چوخ گوج‌لو" دئییرلر. اونلار قبول ائتمه‌سین، تورکیه گله‌جکده ده گوج‌لو اولماغا داوام ائده‌جک" دئدی. ایسوئچره‌ده تورک توپلومونا دا سس‌لنن داووداوغلو، "آ.ب-یه دینیمیزله، عرفوموزلا، باشیمیز دیک گله‌جییک" دئیه دانیشدی.
میلیت قزئتی ده، داووداوغلونون "ایشسیز آوروپا‌لی تورکیه‌یه گلسین" سؤزونو باش‌لیق‌دان وئریر.
قزئتین خبرینه گؤره، زوریخده یاشایان تورک‌لرله گؤروشن داووداوغلو، گئچمیشده تورک اقتصادی‌نین قوربتچی ارزلرینه مؤهتاج وضعیتده اولدوغونو خاطیرلاتدی و "ایندی آوروپا‌لی‌لارین ایشه احتیاجی وارسا، اونلارا ایش قاپی‌سی اولابیله‌جک، یوکسه‌لن بؤیوک بیر تورکیه وار" دئدی.
حریت قزئتی، "فایزده دوشوش داوام ائده‌جک" باشلیغییلا وئردیگی خبرده، مرکز بانکی باشقانی اردم باشچی‌نین، داووسدا ائتدیگی آچیقلامادا، اؤنوموزدکی دؤورده انفلیاسیونون و رئال فایزلرین دوشمه‌یه داوام ائدجیینی ایفاده بیلدیریر.
قزئت آیریجا، باشچی‌نین، تورک لیراسی‌نین فایزلری‌نین گله‌جکده ایزلیه‌جیی احتیمالی سیرله علاقه‌لی آیرینتی‌لارینی چرشنبه آخشامی گونو آنکارادا ائدجیی مطبوعات کنفرانسیندا ایجتیمایت ایله پایلاشاجاغینی سؤیلدیگینی یازیر.
وطن قزئتی، "دونیانین ان سرعت‌لی بؤیوین 2.جی شهری ایزمیر" باشلیغییلا وئردیگی خبرده، آمریکالی آراشدیرما تشکیلات‌لاری برووکینگس اینستیتوتو و مورگان چیس طرفین‌دن حاضرلانان 'گلوبال مترو مونیتور 2014 راپورونا گؤره، ایزمیرین دونیانین ان سرعت‌لی بؤیوین ایکینجی شهری سئچیلدیگینه دقت چئکیر.
خبر تورک قزئتی، "دونیانین چاتیسینی آشدی، 67 یاشیندا رکورد قیردی" باشلیغییلا وئردی خبرده، کانادادا تکنیک اوخول اؤیرتمنی آماتور تورک دنیزچی ارکان گورسویون، اؤزو یاپدیغی گمیله 10 آیلیق سفرین آردین‌دان قوزئی گئچیدیندن گئچمه‌یی باجاران ان یاش‌لی دنیزیچی عنوانینی آلدیغینی بیلدیریر.