تورکیه مطبوعاتی اؤزتی 11.01.2015
سلام حؤرمتلی اوخویوچولار، تورک مطبوعاتیندا یئر آلان بعضی خبرلرین خلاصهلرینی سیزلرله پایلاشاجاغیق.
یئنی شفق قزئتی، "ایسلاموفوبیگیه پاریس دوپینگی" باشلیقلی خبرینده، فرانساداکی سالدیری مسلمانلارا یؤنلیک یئنی بیر دوشمنلیک دالغاسینا چئویرن ایسلاموفوبیک دایرهلرین، غرب مئدیاسی اوزریندن اوروپا توپلومو ایسلام دونیاسینا قارشی حرکته کئچیردیگینی یازیر. خبرده داها اوّل خاریجی دوشمنلیگی شکلینده اؤزونو گؤسترن آیری-سئچکیلیگین بو گونلرده ایسلام و مسلمان دوشمنلیگی شکلینده یئنیدن فورماتلاندیغینا ایشاره ائدیر.
خبرتورک قزئتی، "مسلمان صندوقدار یهودیلری قورتاردی" باشلیقلی خبرینده، پاریسده یهودیلرین آلوئر ائتدیگی سوپرمارکت سالدیریسندا اهمیتلی بیر آیرنتینین داها اورتایا چیخدیغینی ایفاده ائدیر. قزئت، سوپرمارکت صندوقدار اولاراق چالیشان مالی اصیللی مسلمان گنجین، بیری 1 آیلیق کؤرپه 15 نفرین حیاتینی خلاص ایفاده ائدیر. قزئت، سالدیرگان آمادی جوولیبالی گیریب آتش آچدیغی سیرادا سوپرمارکتین سویوق هاوا آنباریندا اولان گنجین، حادثه بیتینجه 15 نفری چؤله چیخارتدیغینی، هامیسینین بو مسلمان گنجه چوخ تشککور ائتدیگینی بیلدیریر.
وطن قزئتی، گؤمروک و تیجارت ناظیری نورالدین جانیکلینین عراق مرزینده قاپی سایسینی قیسا مدتده 4-ه چیخاراجاقلارینی سؤیلهدیگینی کؤچورور. قزئت، عراقدا هله ده آچیق تک قاپینین هابور مرز قاپیسی اولدوغونو و بونون احتیاجی قارشیلامیر ایفاده ائدن ناظیر جانیکلینین بئله دئدیگینی یازیر: "هابوردان گوندهلیک اورتالاما 2 مین گیریش، 2 مین چیخیش اولماقلا 4 مین ماشین کئچیر. آرتیق اوست سطحه گلیندی. اؤنوموزدکی دؤور آرتیمین داها سیخ اولماسینی گؤزلییریک. او سببله عراق ایله علاقهدار قاپی ° آرتیریریق. "
صاباح قزئتی، "1 میلیارد دولارلیق معلومات ساتدیق" باشلیغی آلتیندا یاییملانان خبرینده، علم صنایع و تکنولوژی ناظیری فیکری ایشیغین، تورکیهنین، 2014-جی ایلده بیر میلیارد دولار اطرافیندا معلومات ایخراج ائتدیگینی سؤیلدیگینی یازیر. قزئت، ناظیر ایشیغین، "2015-جی ایلده بونو آشاجاغیق" شکلینده دانیشدیغینی یازیر.
یئنی شفق قزئتی، "کارداوی اوچون اورتاق آچیقلاما" باشلیقلی خبرینده، میصیر رهبرلیگینین ایسگی اینترپول (international Criminal Police Organization - اولوسلار آراسی جینایت پولیس تشکیلاتی) طرفیندن حاقیندا قیرمیزی بولتن چیخاردیلان دونیا مسلمان عالیملر بیرلیگی باشقانی یوسوف قرداوینین تورکیهلی عالیملرین یالنیز قویمادیغینی ایفاده ائدیر. قزئت، 30 ایمضالی اورتاق معلوماتدا، "بو ایسلام عالیمینی، کودتاچی میصیر رهبرلیگینین اینصافینا بوراخماماق اوچون لازیم اولان هر جور تدبیر آلینمالیدیر" دئییلدیگینی یازیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719066099)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.