تورکیه مطبوعاتی اؤزتی 04.01.2015
سلام حؤرمت‌لی اوخوچو‌لار، تورک مطبوعاتیندا یئر آلان بعضی خبرلرین خلاصه‌لرینی سیزلرله پایلاشاجاغیق.
خبرتورک قزئتی، "ایسراییل‌لی مهاجیرلر آمریکا‌لی‌لاری داشلادی" باش‌لیق‌لی خبرینده غرب شرعییه‌دکی ایسراییل‌لی مهاجیرلر، بؤلگه‌ده آراشدیرما ائدن آمریکالی دیپلوماتیک هیاتی داشلادیغینی ایفاده ائدیر. قزئت، ایسراییل‌لی قیرخ عائله‌نین یاشادیغی آدئی آددا ایسراییل‌لی‌لرین فیلیسطین‌لی‌لره عاید آغاج‌لاری کسدیگی ادعا‌لارینی آراش‌دیرماق اوچون یارادیلان و ایسراییل رهبرلیگین‌دن ایجازه آلان هیاتین واسطه‌لری‌نین، بؤلگه‌یه یاخینلاشارکن داش یاغیشینا توتولدوغونو یازیر. هیاتین گئری دؤندوگو ایفاده ائدیلن خبرده، ایسراییل‌لی بیر مسئولون غرب شرعییه‌دکی چؤکدوروجو ساییی‌نین 400 مینه یئتیشدیغینی سؤیلدیگینه دقت چکیلیر. قزئت، ایسراییل مجلیسی خاریجی علاقه‌لر سوروملوسو دانی دایانین، " اولوسلار آراسی توپلوملارادا بیر فیلیسطین دولتی قورولامایاجاغینی بیلیر" دئدیگینی یازیر.
وطن قزئتینده "مسجیدیمیز توخونما" باش‌لیغی آلتیندا یاییم‌لانان خبرده بیر هفته‌ده 3 مسجیدین یاندیریلدیغی سوئدده مسلمان‌لارا دستک اوچون سون سالدیری‌نین اولدوغو مسجیدین گیریشی‌نین اورک شکلینده دستک مساژلاری سوسلندیگی بیلدیریلیر. خبرده 'مسجیدیمیز توخونما شعارییلا ائدیلن گئدیش‌لره ایسه مین‌لرله سوئد‌لی‌نین قاتیلدیغینا وورغو ائدیلیر.
ایستار قزئتی، "قهرمان توغچه‌نی دعا و ایلاهی ایله آنما" باش‌لیق‌لی خبرینده، آلمانیادا کئچن 15 نوامبردا بیر رستوراندا تجاووزه اوغرایان ایکی گنج قیزی قوروماق ایستیرکن اوغرادیغی سالدیریدا حیاتینی ایتیرن 22 یاشین‌داکی توغچه آلبایراق اوچون قورآن اوخودولدوغونو ایفاده ائدیر. قزئت، مونیخ‌دکی DİTİB پاسینگ حاجی بایرام مسجیدینده تدریس قورآن و ایلاهی‌لر سونراسی مسجیدی دول‌دوران‌لار توغچه اوچون دعا ائتدیگینی ایفاده ائدیر.
صاباح قزئتی، "ابولا تهدیدی بو ایل بیته‌جک" باش‌لیغی آلتیندا یاییم‌لانان خبرینده، بیرلشمیش میللت‌لر تشکیلاتی‌نین (بمت) ابولا ایله مباریزه قروپونون باشین‌داکی آد آنتونی بانبوری‌نین، 2015-جی ایلده ائبولا ایله موباریزه علاقه‌دار ائتدیگی آچیقلاماده ادعا‌لی دانیشدیغینی ائشیتدیریر. قزئت، ائپیدئمیانین بو ایل ایچینده قطعی‌لیکله بیته‌جگینی وورغولایان بانبوری‌نین، "تشکیلات اولا‌راق قهرمانجا مباریزه وئریریک. بو ایل بیزیم اوچون چتین کئچه‌جک، اما اینانیرام کی 2015-جی ایلده ابولا بحرانینی چیخاجاغیق "دئدیگینی یازیلیر.
یئنی شفق قزئتی، "یئنی ایله یئنی سرمایه گیریریک" باش‌لیق‌لی خبرینده، تورک-ژاپون اورتاق‌لاری عثمانیه‌ده قورولا‌جاق اولان توسیا‌لی-تویو چلیک کارخاناسی‌نین تملی‌نین آتیلدیغینی ایفاده ائدیر. قزئت، باش ناظیر احمد داوود اوغلونون دا تمل آتما مراسیمینه قاتیلدیغی تاسیس‌دن، اوروپا، آسیا و آفریقایا ایخراج ائدیله‌جگینی یازیر. داوود اوغلونون، مراسیمده ائتدیگی دانیشمادا "یئنی ایله یئنی سرمایه باشلاماق خوشبخت‌لیک وئریجی" دئدیگی کؤچورولن خبرده قورولا‌جاق اولان تاسیس‌ده 10 مین نفرین استیخدام ائدیله‌جگی ایفاده ائدیلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
