تورکیه مطبوعاتی اؤزتی 02.01.2015
وطن قزئتی، "قندیلینیز موبا‌رک اولسون" باش‌لیق‌لی خبرینده، بو گئجه‌نین مؤولود قندیلی اولدوغونو ایفاده ائدیر. قزئت، بو گئجه ایسلام پیغمبری حضرتی محمدین دونیایا گلیشی‌نین 1444.جو ایل دؤنومو اولدوغونو ایفاده ائدیر.
ایستار قزئتی، "آزادلیغین بو مو آوروپا" باش‌لیق‌لی خبرینده، تورکیه بؤیوک میلت مجلیسی اینسان حاق‌لاری کمیسیونونون آلمانیا، اتریش، بولقاریستان، بلژیک، هلند، ایسوئچ و فرانسادا ائتدیگی آراشدیرما‌لار نتیجه‌سینده حاضیرلادیغی راپور، آوروپا‌داکی عرقچیلیغین ایسلام دوشمن‌لیگینه چئوریلدیگینی اورتایا قویدوغونا وورغو ائدیر . قزئت، راپوردا مسجید یاندیرما، تهدید یازی‌لاری، قرآن یاندیرما کیمی حرکت‌لرین فاعل‌لرینه جزا وئریلمدیگی و جزا‌سیزلیغین هوجوم‌لاری آرتیردیغی‌نین ایفاده ائدیلدیگینه وورغو ائدیر. خبرده، راپورا گؤره ایسلاموفوبینین آلمانیادا ذیروه‌یه اولاشدیغینی و بو گونه قدر 78 مسجیدین یاندیریلدیغی؛ باشقا آوروپا شهرلرینده ایسه دینی موتیو‌لی 60 هوجومون گرچکشدیگینه ایشاره ائدیلیر.
خبرتورک قزئتی، "فلسطین باش‌ووراجاق" باش‌لیق‌لی خبرینده، ایسراییلین فلسطین تورپاقلاریندان چئکیلمه‌سینی اؤن گؤرن قرار لایحه‌سی‌نین بیرلشمیش میللت‌لر تشکیلاتی‌نین امنیت شوراسیندا رد ائدیلمه‌سی‌نین آردین‌دان فلسطینین، اواوسلارآراسی جزا محکمه‌سینه اویه‌لیک اوچون باش‌ووردوغونو یازیر.
آخشام قزئتی، "صادراتدا تاریخی رکورد" باش‌لیغی آلتیندا یاییم‌لانان خبرینده، تورکیه‌نین، 2014.جو ایله جمهوریت تاریخی‌نین صادرات رکوردویلا وداع ائتدیگینی ایفاده ائدیر. قزئت، بیر اؤنجه‌کی ایله گؤره یوزده 4 آرتیش گؤسترن صادراتین، 157.6 میلیارد د‌لار اولا‌راق گرچکلشدیگینی یازیر. لوکوموتیو سئکتورون، 22.27 میلیارد د‌لارلا اتوموتیو اولدوغونا ایشاره ائدیلن خبرده، ان چوخ صادر ائدیلن بئش اؤلکه‌نین ایسه آلمانیا، عراق، اینگیلتره، ایتالیا و فرانسا اولدوغو یازیلیر.
صاباح قزئتی، "ایرانلا تیجارتده ترجیح‌لی دؤنم" باش‌لیغی آلتیندا یاییم‌لانان خبرینده، تورکیه ایله ایران آراسیندا ترجیح‌لی تیجارت موقاویله‌سی‌نین 1 ژانویه اعتباریله قوه‌یه گیردیگینی ایفاده ائدیر. قزئت، تورکیه‌دن 140، ایران‌دان 125 اولماق اوزره جمعی 265 محصولدا گؤمروک وئرگی‌لری‌نین آشاغی چئکیلدیگینی ایفاده ائدیر. خبرده، اقتصاد باخانی نیهات زیبکجینین، "بو گون تورک و ایران تیجارت حیاتی‌نین، دوست‌لوغونون، سیاسی و اقتصادی امکداشلیغین، چوخ اؤنم‌لی بیر امکداش‌لیق گونو، چوخ اؤنم‌لی بیر باشلانقیج گونو. تهراندا تورک تیجارت مرکزی قوراجاغیق" دئدیگی یازیلیر.
میلیت قزئتی، اقتصاد صحیفه‌سینده یاییم‌لانان "دونیا مقاطعه‌چی‌لرینه تورک باشقان" باش‌لیق‌لی خبرینده، تورکیه مقاطعه‌چی‌لر بیرلیگی باشقان وکیلی امره آیکارین، دونیا اینشات صنایعی‌نین ان یوکسک تمثیل اورگانی اولان اولوسلارآراسی مقاطعه‌چی‌لر کنفدراسیونو یؤنه‌تیم قورولو باشقانلیغینا سئچیلدیگینی ایفاده ائدیر. قزئت، آیکارین، بو وظیفه‌ده ایکی ایل مدتله قالاجاغینی ایفاده ائدیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
