تورکیه مطبوعاتی اؤزتی 19.12.2014
خبرتورک قزئتی: "تورکیه حرکته گئچدی!
تورکیه هئچ بیر اؤلکهنین اگمنلیگی آلتیندا اولمایان آنتارکتیکا قارهسینین یؤنهدیمینده سؤز صاحبی اولا بیلمک اوچون "دانیشمان اؤلکه" ایستاتوسو قازانمانین شرطی اولاراق، قارهده علمی مرکز قوراجاق. تورکیه بؤیوک میلت مجلیسینه قونویلا علاقهلی سونولان یاسا تاساریسینین سببینی، آنتارکتیکا قارهسینین دنیز بیلیملری آراشدیرمالاری، ایقلیم دییشیکلیگینین جانلیلار و دنیز سویهسی اوزریندکی تأثیرلری، بالیقچیلیق، ژئولوژی، طب، آسترونومی کیمی ساحهلرده اؤنملی آراشدیرمالارین ائدیلدیگی، زنگین معدن رزرولرینین اولدوغو دگرلندیریلن بؤلگه اولدوغو بیلدیریلدی. "
آخشام قزئتی: "تورکیه بؤیوک بیر اورتاقلیغا داها گئدیر
دونیانین اؤنده گلن انرژی شیرکتلریندن مالزیلی پتروناس، تورکیه پتروللاری آنونیم اورتاقلیغی (تپاو) ایله کریتیک بیر امکداشلیق ائدهجک. الده ائدیلن معلوماتلارا گؤره 2015.جی ایلین ایچریسینده پتروناس، آغدنیزده نفت، تراکیادا ایسه طبیعی گاز آختارما فعالیتینه باشلایاجاق. "
صاباح قزئتی: "پوتین:" آوروپا ایستییرسه تورکیهدن ساتین آلابیلر "
روسیا دؤولت باشقانی پوتین، تورکیه و یونانیستان سرحدینده آوروپا طبیعی گاز مرکزینین تیکینتیسینین آوروپابیرلیگینین ایستگینه باغلی اولدوغونو، روسیانین بو یولدا چالیشمایا حاضر اولدوغونو ایفاده ائتدی. پوتین، "آوروپا گوونلی گاز ایستییرسه تورکیهدن آلابیلر" دئدی. "
ایستار قزئتی: "دونیانین ان باهالی بیتکیسی میلی اولدو
"دونیانین ان باهالی بیتکیسی" اولاراق بیلینن و کوزمتیک، درمان، قیدا کیمی بیر چوخ ساحهده ایستیفاده ائدیلهبیلن زعفرانین تورکیهدکی نؤوعو، دونیادا بو ساحهده ثبت ائدیلن ایلک آلت تور اولدو. آغیرلیغینین 100 مین قاتی قدر مایعنی سارییا بویایابیلن، دونیادا 3 مین 500 ایللیک گئچمیشه صاحب اولان و اوغرونا ساواشلارین ائدیلدیگی زعفران، تورکیهده 1400.جو ایللردن اعتباراً یئتیشدیریلمهیه باشلاندی. "
حریت قزئتی: "قان درمانلاری تورکیهده اوره دیلهجک
تورک قیزلآیی، ساغلیق باخانلیغی ایله یئریتدیگی پروژه چرچیوهسینده یئرلی قان درمانی یاپاراق اؤلکهنی خاریجه آسیلیلیقدان قورتارمایی هدفلهییر. باشقان احمد لوطفو آکار، قان و تؤرهولری، کؤک حجره و سرطان معالیجهسینده ایستیفاده ائدیلن قان درمانلاری قونوسوندا ساغلیق باخانلیغی ایله اورتاق شکیلده چالیشدیقلارینی سؤیلهدی. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.