تورکیه مطبوعاتی اؤزتی 27.11.2014
سلام حؤرمتلی اوخویوجولار، تورک مطبوعاتیندا یئر آلان بعضی خبرلرین خلاصهلرینی سیزلرله پایلاشاجاغیق.
ایستار قزئتی، "فرگوسن آتشی 170 شهره یاییلدی" باشلیقلی خبرینده آمریکادا سلاحسیز قره گنج میشل براونی اؤلدورن پولیسی پاکلاشدیران منصیف قرارینین آردیندان فرگوسن قصبهسینده باشلایان 'دالت اعتراضلارینین، اؤلکهنین 170 شهرینه یاییلدیغینی یازیر.
آخشام قزئتی، سی. ان. ان-نین، آمریکاداکی قارا حیرصی گؤرمدیگینه وورغو ائدیر. قزئت، 18 یاشینداکی سلاحسیز گنجی ووراراق اؤلدورن پولیس مامورونون محاکیمه اولونماماسی ایستیقامتیندکی قرار سونراسی بیر چوخ شهرده چیخان حادثهلری آز قالا هئچ یایینلامایان کانالین، بؤیوک اعتراضلارین هدفی اولدوغونا ایشاره ائدیر.
یئنی شفق قزئتی، "راککا آغلیر" باشلیقلی خبرینده، سوریه اوردوسونا عاید ساواش تییارهلرینین عراق –شام ایسلام ترور اؤگوتونون ایدارهسیندکی راککایا تشکیل ائتدیگی هاوا سالدیریلاریندا چوخو قادین و اوشاق اولماقلا 100-دن چوخ وطنداشین حیاتینی ایتیردیگینی ایفاده ائدیر. خبرده سالدیریلاردا 50-دن چوخ آدامین ایسه آغیر یارالاندیغی ایفاده ائدیلیر.
صاباح قزئتی، "ایسلام دونیاسی ایقتیصاد اوچون ایستانبولدا گؤروشدو" باشلیقلی خبرینده موسیاد تشکیل ائتدیگی 18-جی اولوسلار آراسی ایش فورومو (IBF) و سرگیسینین آچیلدیغینی یازیر. قزئت، 103 اؤلکهدن 7 مین ایش آدامینی قوناق تشکیلاتین بازار گونونه قدر آچیق قالاجاغینی یازیر. خبرده سرگیتینین آچیلیشیندا چیخیش ائدن پرزیدنت رجب طیب اردوغانین، تورکیه ایقتیصادینین ثابتلیکله بؤیومگی داوام ائتدیردیگی و 12 ایلده اورتالاما یوزده 5 بؤیودوگونو خاطیرلاتدی دقت چکیلیر. قزئت، اردوغانین، "تورکیه یاتیریم اوچون بنزرسیز بیر اؤلکهدیر" مساژی وئردیگینی ایفاده ائدیر.
وطن قزئتی، "دقیقهده 2 ساعاتدا 129 منزیل ساتیلدی" باشلیغی آلتیندا یاییملانان خبرینده، تورکیه اومومیسیندکی ائو ساتیشلارینین ژانویه- اوکتوبر دؤورونده 1 میلیونا یاخینلاشدیغینی یازیر. قزئت، بونا گؤره گونده اورتالاما 3090، ساعاتدا، 129، دقیقهده 2 ایقامتگاهی ال دییشدیردیگینی ایفاده ائدیر. خبرده تورکیه عمومیسیندکی ساتیشلارین بؤیوک اکثریتینین ایستانبول، آنکارا و ایزمیرده رئاللاشدیغی ایفاده ائدیلیر.
حریت قزئتی، "'جسور اورک توغچهنین بئیین اؤلومو رئاللاشدی" باشلیقلی خبرینده، آلمانیانین اوفنباخ شهرینده، سالدیرییا اوغرایان آلمان قیزی قورتارماق ایستیرکن، سالدیریقانلارین اؤزونه یؤنهلهرک وورماسی نتیجهسینده بیلینجینی ایتیرن تورک قیز توغچه آلبایراق حیات ساواسینی ایتیردیگینی بیلدیریر.
خبرده، دوکتورلارین بوتون مداخیلهلرینی باخمایاراق، 22 یاشینداکی توغچهنین قورتاریلامایاجاغینا، بئیین اؤلومونون رئاللاشدیغینی، عائلهلرین قیزلارینی یاشاتماق اوچون آلمانیاداکی بوتون نؤرو جراحلارا مراجعت ائتدیگینه یئر وئریلیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.