تورکیه مطبوعاتی اؤزتی 24.11.2014
میللیت قزئتی: "تورکیه گیرمزسه هر کس ایتیرر
تورکیهنین اوروپا عضولوگونه ان گوجلو دستگی وئرن اوروپالی سیاستچیلردن هانس اسووبودا، ایکی طرفین گوجلنمک اوچون بیر-بیرینه احتیاج دویدوغو فیکیرینده. سابانجی اونیورسیتهتینده تشکیل ائدیلن "مذاکیرهلرین بیوند-اوروپادا تورکیهنین گلهجگی" پانلینده دانیشان اسووبودان، 'تورکیه عضو اولمازسا ایکی طرف ده حیاتدا قالار، اما پولیتیکالاریمیزی گوجلندیرمه فورصتی قاچار. تورکیه و اورپا بیرلیگی بؤلگهدکی ان اهمیتلی سیاسی گوجلر اولاراق بیرلشمزسه فورصت قاچار و گلهجک رولوموزله علاقهدار پیس سیگناللار وئریر. همیشه دئیرم کی مذاکیرهلره داوام ائدک، اما بونلارین خاریجینده ده علاقهلری گوجلندیریجی آددیملار آتاق "دئدی."
آخشام قزئتی: "آمریکادان تورکیه آچیقلاماسی
آغ ائودن اوست سویه بیر مسئول، عراق –شام ایسلام دولتی ترور اؤرگوتو ایله مباریزه چرچیوهسینده اینجیرلیک بازاسینین کوالیسیون تییارهلری طرفیندن ایستیفاده ائدیلمهسینه باغلی تورک مسئوللارله دانیشیقلارین داوام ائتدیگینی بیلدیردی. مسئول: "ترققی ائتدیغیمیزی دئمک ایستییرم، سونا گلدیگیمیزده، اگر هامیمیز راضی قالساق، کوالیسیون اوچون تورکیهده گئنیش ایستیفادهیه صاحب اولاجاغیق" دئیه دانیشدی.
وطن قزئتی: "اولوسلار آراسی پول ضاندیغی-نین هم خبردارلیق، هم تبریک
تورکیهیه باغلی 4. ماده کونسولتاسیونو راپورونو یایین ائتدی. راپور تورک مسئوللاری ایلین باشیندا یاشانان مالیه دالغالانما یاخشی ایداره ائتدیکلری اوچون تبریک ائدرکن، مختلیف ریسکلر و تطبیق اولونان ماکرو ایقتیصادی سیاستین لازیم اولدوغو قدر محکم اولمادیغی موضوعسوندا ایسه خبردار ائتدی. "
صاباح قزئتی: ان چوخ ایشچی عراق و روسیایا گئدیر
تورکیه ایش تشکیلاتی (ایشکور) واسطهسیله 2000-جی ایلده 13 مین 645 اولان یورد خاریجینه گؤندریلن ایشچی سایسی، کئچن ایل 55 مین 369 آدام اولدو. بونلاردان 33 مین 863و بو ایلین ایلک 10 آییندا گؤندریلدی. ایشچیلرین گئتدیگی اؤلکهلر باخیمیندان، روسیانین 7 مین 652 آداملا لیدر اولدوغو سیرالامادا عراق یوزده 51 آزالاراق 6 مین 598 ایشچیله ایکینجی اولدو. قزاقیستانا گؤندریلن ایشچی سایسی یوزده 257 آرتاراق مین 784ه چاتدی. "
ایستار قزئتی: "روسل کرو 'گلیبولودا مستقیل بیر اولوسو ایشغال ائتدیک
یئنی زلاندا دوغولان اوسترالیالی آکتور و یؤنتمن، اوسترالیاداکی سئونن نت وورک کانالیندا، چکیلیشلری تورکیهده ائدیلن و 26 دسامبردا ویزیونا گیرهجک اولان 'تورک هوا یوللاری The Water Diviner' فیلمیله باغلی سواللاری جوابلاندیردی. ، "منجه، 100 ایلین آردیندان، بو میفولوژییه آچیقلیق گتیرمهنین زامانی گلدی. بیز مستقیل بیر اولوسو ایشغال ائتدیک و بو غضبلی سؤزو هئچ ایستیفاده ائتمدیم." دئیه دانیشدی. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.