تورکیه مطبوعاتی اؤزتی 23.11.2014
سلام حؤرمت‌لی اوخوجولار، تورکیه مطبوعاتیندا یئر آلان بعضی خبرلرین خلاصه‌لرینی سیزلرله پایلاشاجاغیق.
صاباح قزئتی، "تاریخی اجلاس‌ده بؤیوک اوزلاشما" باش‌لیق‌لی خبرینده پرزیدنتی رجب طیب اردوغان ایله آمریکا باشقان کؤمکچی‌سی جو بایدنین گؤروشمه‌سینده سوریه و عراقین ائنینه بویونا مذاکیره یاتیریلدیغینی ایفاده ائدیر. خبرده اردوغانین، "بؤلگه‌سل و اولوسلار آراسی باریش و گونلیگین قورونماسی اوچون آمریکا ایله علاقه‌لریمیزی درینلشدیررک داها دا تأثیرلی قیلماغا قرارلیییق." شکلینده دانیشدیغی یازیلیر. قزئت، بایدنین ایسه ائتدیگی دانیشمادا، "اسد‌سیز سوریه موضوعسوندا تورکیه ایله یاخینیق و بون‌دان سونرا دا یاخین اولماغا داوام ائدجگیک. آمریکا اولا‌راق تورکیه‌یه چوخ احتیاجیمیز وار "دئدیگینی یازیلیر.
یئنی شفق قزئتی، "حلب‌ده اسده ضربه" باش‌لیغی آلتیندا یاییم‌لانان خبرینده، سوریه‌نین حلب شهرینده سوریه رژیمی اوردوسونا بؤیوک بیر ضربه گلدیگینی ایفاده ائدیر. قزئت، مخالیف‌لرین یوخلاماسین‌داکی بؤلگه‌یه سیزماغا چالیشان اسد رژیمینه باغلی عسگرلرین باسقینا اوغرادیغینی یازیلیر. خبرده، ایسلامی جبهه‌یه باغلی بیرلیک‌لرین، هاوا کشفیات بیناسی یاخینلیغیندا 20 نیظامی اؤلدوردویو ایفاده ائدیلیر.
خبرتورک قزئتی، "اطرافیمیزدا ظلم رژیم‌لری و ترور تشکیلاتی ایستمیریک" باش‌لیق‌لی خبرینده، باش ناظیر احمد داوود اوغلونون، ایستانبولداکی آتلانتیک شوراسی انرژی و ایقتیصاد زیروه سینده ائتدیگی دانیشماغا توخونور. قزئت، داوود اوغلونون، "اطرافیمیزدا خالقینا ظلم بؤیوک قاچقین آخین‌لارینا یول آچان رژیم‌لر و بو گوج بوشلوغون‌دان ایستیفاده ائدن ترور تشکیلات‌لاری گؤرمک ایستمیریک" دئدیگینی یازیر.
آخشام قزئتی، " Made in Turkeyاتیکتی سرعتله بوتون دونیایا یاییلیر" باش‌لیق‌لی خبرینده، تورکیه‌نین اقتصادی پرفورمانسی‌نین، دونیا مطبوعاتی‌نین دا دقتینی چکدیگینی ایفاده ائدیر. قزئت، موضوعیلا علاقه‌دار سون آنالیزین آمریکانین نفوذلو قزئت‌لرین‌دن USA Today گلدیگینی یازیر. خبرده، USA Today قزئتی‌نین، تورکیه‌نین، دونیانین ان اهمیت‌لی اوره تیم مرکزی اولا‌بیله‌جک پوتناسیلی داشیدیغینی ایفاده ائتدیگینه وورغو ائدیلیر.
وطن قزئتی‌نین ایقتیصاد صحیفه‌سینده یاییم‌لانان "ایللیک صادرات‌لاری 2 میلیارد دولارا چاتدی" باش‌لیق‌لی خبرده، تورکیه تریکو صنایعچی‌لری درنکی (TRİSAD) صدری و ایستانبول تیجارت اوتاغی مجلیس عضوو مصطفی بالکووون، تورکیه‌نین، تریکو اوره‌تیمی موضوعسوندا صاحب اولدوغو تجروبه‌سی و" know-how " ایله دونیادا چوخ اهمیت‌لی بیر یئره اوتوردوغونو دیله گتیردیگینی ایفاده ائدیر. قزئت، تورکیه تریکو سکتورونون ایلده 150 میلیون عدد محصول چیخاردیغینی ایفاده ائدن بالکووون، "تریکو سکتورو اولا‌راق صادراتیمیزین یوزده 75ینی اوروپا اؤلکه‌لرینه ائدیریک. دونیانین ان بؤیوک مارکا‌لارینا یوکسک سویه‌ده محصول‌لار وئریریک. "شکلینده دانیشدیغینی یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
