تورکیه مطبوعاتی اؤزتی 08.11.2014
یئنی شفق قزئتی: "یئنی تورکیهنین باشاری حکایهسی
ایش دونیاسی، باشباخان احمد داووداوغلو طرفیندن آچیقلانان ائیلم پلانینین یئنی تورکیهنین موفقیت حکایهسی اوچون اؤنملی بیر آددیم اولدوغونو وورغولادی. 'هر صنایعچینین آلتینا ایمضاسینی آتاجاغی بیر دؤنوشوم اولاراق کاراکتریزه ائدیلن فعالیت پلانینین حیاتا گئچیریلمهسی اوچون صبیرسیزلندیکلرینی ایضاح ائدن ایش آداملاری، تورکیهنین یئنی اوغورلارا گبه اولدوغونو قید ائتدی. "
آخشام قزئتی: "پکک بایراغی اوزوندن توخونولمازلیغی قالدیریلدی
آلمانیادا فدرال پارلامنت، مونیخده ایشیده قارشی ائدیلن بیر گؤستریده پکک بایراغینی هاوایا قالدیردیغی گؤستریلن سول پارتی فدرال میلت وکیلی نیکول گولکهنین توخونولمازلیغینی قالدیردی. گولکهنین توخونولمازلیغینین قالخماسییلا، مونیخ ساوجیلیغینین ایستینتاق اوچون حرکته گئچهجیی ایفاده ائدیلدی. پکک، آلمان قانونلارینا گؤره یاساقلی تشکیلاتلار چرچیوهسینده یئر آلیر. "
ایستار قزئتی: "تاو قازانجینی یوزده 52 آرتیردی
تاو هاوالیمانلارینین دتام قازانجی 2014.جو ایلین ایلک دوققوز آییندا یوزده 52 آرتیشلا 174 میلیون یورو اولاراق گرچکلشدی. شیرکتین، ایشلتدیگی هاوالیمانلاریندا خیدمت وئردیگی یولچو ساییسی دا اوولکی ایله گؤره یوزده 14 آرتیش گؤستردی. "
صاباح قزئتی: "لیزر ذیروهسی
حیاتین هر ساحهسینه گیرن و دیش معالیجهسینده ده یاییلان لیزر، ایستانبولدا تشکیل ائدیلن اولوسلارآراسی لیزر کنگرهسینده اله آلیندی. سون تکنولوژی جیهازلارین ایستیفادهسی، یئنی حکیملره تانیدیلدی. کنگرهیه آمریکا، اینگیلتره، آلمانیا، سوئیس، پرتغال کیمی اؤلکهلردن بیلیم اینسانلاری قاتیلدی. "
میلیت قزئتی: "مومیا گؤرمک اوچون مصره دئییل کاپادوکیایا گلین
کاپادوکیانین 11 مین ایللیک تاریخینین گؤرولهبیلدیگی آکسارای موزهسینده سرگیلنن 10 یئتیشکین و اوشاق مومیاسی ایله 2 پیشیک مومیاسی، یئرلی و خاریجی توریستلردن بؤیوک ماراق گؤرور. آکسارای موزهسی مودور وکیلی فارض دمیر، دوزنلمه چالیشماسی تاماملانان موزهنین یئنیدن آچیلدیغینی سؤیلهدی. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718782713)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.