تورکیه مطبوعاتی اؤزتی 03.11.2014
صاباح قزئتی: "ساوونما صنایعینده اوچ بؤیوک پروژه داها
ساوونما صنایعینده خاریجه آسیلیلیغی بیتیرمهیی پلانلاشدیران تورکیه، اوچ بؤیوک پروژه اوچون 41 میلیون تورک لیراسی بودجه آییردی. ایلک آشامادا ساوونمادا اؤنملی ساییلان تکنولوژیلر اوزرینده ایش باشلادان تورکیه داها سونرا کیچیک ی سلاحلارا اوداقلاناجاق. بئلهجه قیسا مدتده هم الیندکی سلاحلاری گوجلندیرهجک هم ده دونیایا ساوونما تکنولوژیسی ساتان اؤلکه قونومونا گلهجک. "
آخشام قزئتی: "'فلسطین اوچون چؤرکلیک اون مناقصهسینی تورکلر قازاندی
اولوسوی اون، دونیا قیدا پروگرامی طرفیندن فلسطینه گؤندریلمک اوزره آچیلان اون مناقصهسینی قازاندی. دسامبر آییندا 3 مین 600 تن اونو فلسطینه تسلیم ائدهجک. اولوسوی اونون مودورو ارن گونحان اولوسوی، 2014.جو ایلده، بیرلشمیش میللتلر تشکیلاتینین فلسطینلی مهاجیرلره کؤمک قورولوشو واسطهسیله، فلسطین اوچون 22 مین 500 تن اون تداروک ائتدیکلرینی ایفاده ائتدی. "
یئنی شفق قزئتی: "تورکیهده گیریشیمچیلیک پتانسیلی یوکسلیر
دونیا جمعیتینین تخمینا یوزده 75ینی تمثیل ائدن فرقلی اقتصادی قالخینما سویهلرینده 70 اؤلکهنین ایشتیراکی ایله حاضرلانان گیریشیمچیلیک اندکسی آچیقلاندی. تورکیهده 33 میندن چوخ انسانین رکورد ایشتیراکی ایله گئچیریلن قلوبال گیریشیمچیلیک مونیتورو 2013 تورکیه نتیجهلرینه گؤره؛ هر 100 نفردن 32سینین اؤنوموزدکی اوچ ایل ایچینده گیریشیمچیلیک فعالیتینده ایشتیراک ائتمک هدفی وار. "
ایستار قزئتی: "اوتو وورلد آسیادا گئری ساییم باشلادی
تماتیک آلیش وئریش مرکزلرینین گوندمده اولدوغو گونوموزده اتومبیله دایر هر جور احتیاجین قارشیلانابیلهجگی اوتو آلیش وئریش مرکزلرینه ده ماراق آرتیر. یاتیریمچیلار، گالریچیلر و آراج صاحبلرینین احتیاجینی قارشیلایاجاق پروژه اوتو وورلد آسیا دا، آنادولو یاخاسی ایلک و تک اوتو آلیش وئریش مرکزی اولما اؤزللیگی ایله پندیکده یوکسلیر. اوتو آلیش وئریش مرکزلرینین آوریل 2015.جی ایلدن اعتباراً بؤلگهنی بیر اتومبیل مرکزی حالینا گتیرمهسی گؤزلنیلیر. "
یئنی شفق: "تکواندوچولار 9 مدال ایله دؤنور
مکزیکدهکی 9.جو پوومسه دونیا تکواندو شامپیوناسیندا تورکیه، 1 گوموش، 2 برنز داها قازاندی. بئلهجه تورکیه پوومسه میلی تاخیمی، اوچونجو گونون سونوندا مدال ساییسینی 2سی قیزیل، 2سی گوموش و 5ی برنز اولماقلا 9 مدالا چیخاردی. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.