تورکیه مطبوعاتی اؤزتی 02.11.2014
ایستار قزئتی، "سوریهده اکتبر راپورو: 1987 اؤلو" باشلیقلی خبرینده، سوریهده گئچن آی 1987 آانسانین اؤلدوگونو ایفاده ائدیر. قزئت، سوریه اینسان حاقلاری تشکیلاتینین راپوروندا اسد رژیمینه باغلی گوجلرین، اکتبر آییندا آرالاریندا 216 اوشاق و 121دن چوخ قادینین اولدوغو 1113 وطنداشی اؤلدوردوگونو یازیر. قزئت، رژیمه باغلی گوجلرین، گیردیگی چاتیشمالاردا و یا تشکیل ائتدیگی هوجوملاردا 492 مخالیفی اؤلدوردوگو بیلدیریلن راپوردا 118 نفرین رژیم گوجلرین طرفیندن ایشگنجیله اؤلدورولدوگونو ایفاده ائدیلدیگینه ایشاره ائدیر. خبرده، راپوردا آمریکا لیدئرلیگینده ایشیده قارشی اولوشدورولان اولوسلارآراسی کوالیسیون قوهلرینین، 9 وطنداشی اؤلدوردوگونه دقت چئکیلدیگینی ده یئر وئریلیر.
صاباح قزئتی، اقتصاد صحیفهسینده یاییملانان "صادراتدا جمهوریتین آی رکوردو" باشلیقلی خبرینده، تورکیهنین، اکتبر آییندا صادرات رقملرینی گئچن ایلین عینی دؤورونه گؤره یوزده 6.7 آرتیراراق، 12 میلیارد 598 میلیون دلارا چیخاردیغینی ایفاده ائدیر. قزئت، بئلهجه جمهوریت تاریخینین ان یوکسک اکتبر صادراتینین گرچکلشمیش اولدوغونو وورغولاییر. قزئت، اتومبیل صنایعینین 1 میلیارد 713 میلیون دولارلا اکتبردا ان چوخ صادرات رئاللاشدیران سئکتور اولدوغونو ایفاده ائدیر.
وطن قزئتی، "مئشه بالیندا آنتیاکسیدان 5 قات چوخ" باشلیقلی خبرینده، قارا دنیز تکنیک اونیورسیتهسی فن فاکولتهسی بیوکیمیا آنا بیلیم ساحهسی خوجاسی پروفسور دکتر سئوگی کولایلی ایله ائدیلن بیر موصاحیبهیه یئر وئریر. قزئت، کولایلینین، "مئشه بالی، فئنولیک بیلهشنلری/ترکیبی جهتدن زنگین اولوب، بئش قات داها چوخ آنتیاکسیدان کاراکتره مالیکدیر. بو دا دئمک اولور کی مئشه بالینین بدنین ساوونما سیستمینی قوووتلندیریجی تأثیری یوکسکدیر" دئدیگینی یازیر.
یئنی شفق قزئتی، "دونیانین فوتوگرافی یاریشاجاق" باشلیغی آلتیندا یاییملانان خبرینده، آنادولو آژانسی طرفیندن ایلک دفعه تشکیل ائدیلهجک دونیانین ان پرستیژلی فوتوگراف یاریشلاریندا اولماسی پلانلانان، اولوسلارآراسی "ایستانبول فوتو آووردز" اوچون باشوورولارین باشلادیغینی ایفاده ائدیر. قزئت، 100.جو ایل ویزیونو چرچیوهسینده دونیانین ان ائتکیلی 5 خبر آژانسیندان بیری اولماغی هدفلهین آنادولو آژانسینین، ایلک دفعه اولوسلارآراسی فوتو یاریشماسی تشکیل ائتدیگینی یازیر.
آخشام قزئتینین ایدمان صحیفهسینده یاییملانان "تکواندودا قیزیل چاغ" باشلیقلی خبرده، مکزیکده تشکیل ائدیلن پومسه دونیا شامپیوناسینین ایکینجی گونونده تورک ایدمانچی مولود پکجانین قیزیل مدال آلدیغی بیلدیریلیر. خبرده آیریجا تورک ایدمانچیلارین بیر گوموش اوچ ده برنز مدال قازاندیغی بیلدیریلیر. قزئت، 46 اؤلکهدن تخمینا 500 ایدمانچینین مباریزه ائتدیگی یاریشلارین ایلک گونونده ایسه تورکیهنین بیر قیزیل اوچ برنز مدال قازاندیغینی ایفاده ائدیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718772102)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.