تورکیه مطبوعاتی اؤزتلری 26.10.2014

سلام حؤرمت‌لی دینلییجی‌لر، تورک مطبوعاتیندا یئر آلان بعضی خبرلرین خلاصه‌سی سیزلرله پایلاشاجاغیق.
یئنی شفق قزئتی، "د-8-ه موشاهیدچی ایستاتوسو وئریلدی" باش‌لیق‌لی خبرینده، گلیشمیش سککیز اولکه‌نین (د-8)، بیرلشمیش میللت‌لر تشکیلاتی‌نین (بمت) موشاهیدچی ایستاتوسو وئریلدیگینی کؤچورور. قزئت، پاکیستان خاریجی ایشلر نازیرلیگین‌دن ائدیلن آچیقلامادا، دسامبر آییندا تورکیه‌ده رئال‌لاش‌دیریلا‌جاق اجلاس‌دا 2014 سونراسی موقاویله‌لر و پروژه‌لره باغلی حرکت پلان‌لاری‌نین اونایلاناجاغی‌نین دیله گتیریلدیگینی ایفاده ائدیر. تورکیه‌نین لیدرلیگینده 1997-جی ایلده قورولان د-8-ین، تورکیه، پاکیستان، نیجریه، مالزی، ایران، اندوزی، میصیر و بنگلادش‌دن میدانا گلدیگینی یازان قزئت، قروپون دایمی کاتیب‌لیگی‌نین، ایستانبولدا اولدوغونویازیر.
صاباح قزئتی، "ابولا‌دان اؤلوم‌لر 4 مین 922یه یوکسلدی" باش‌لیق‌لی خبرینده، دونیا ساغلیق تشکیلاتی‌نین، 8 اؤلکه‌ده ابولایا توتولان‌لارین سایسی‌نین 10 مین 141ه چاتدیغینی، اؤلن‌لرین سایسی‌نین ایسه 4 مین 922یه یوکسلدیگینی آچیقلادیغینی ایفاده ائدیر. قزئت، آچیقلامادا، ویروسون ان چوخ تأثیر ائتدیگی غربی آفریقا اؤلکه‌لری لیبریا، سیرا لئون و گینه‌‌دن سووای 27 حادثه‌یه راست گلیندیگی، 10 آدامین ایسه حیاتینی ایتیردیگی‌نین ایفاده ائدیلدیگینی یازیز.
ایستار قزئتی، "خاریجی‌لر ساغلیق اوچون گلیر" باش‌لیغی آلتیندا یاییم‌لانان خبرینده، تورکیه‌نین، معا‌لیجه مقصدلی گلن زیارتچی‌لرین ماراق مرکزی اولماغا داوام ائتدیگینی وورغولاییر. قزئت، هر ایل تورکیه‌یه ساغلیق توریزمی مقصدیله تخمینن 300 مین توریست گلدیگینه ایشاره ائدیر.
وطن قزئتی‌نین ایقتیصادی صحیفه‌سینده یاییم‌لانان "پارچا اوره تیچی‌لری بویوکلری ایستانبولا گلیر" باش‌لیق‌لی خبرده، قلوبال مارکا‌لارین و مشهور دیزاینرلرین دونیا‌داکی ان اهمیت‌لی گؤروشمه نقطه‌سی پرمیئر ویزیونون، 29-31 اوکتوبر تاریخ‌لری آراسیندا ایستانبولدا ایلک دفعه تشکیل ائدیله‌جگی ایفاده ائدیلیر. خبرده، سرگییه، دونیا اولدوزلاری اولا‌راق گؤستریلن بعضی مارکا‌لارین، اوست سویه ایداره‌چیلریله قوشولما قراری ائتدیگینه وورغو ائدیلیر. قزئت، پرمیئر ویزیونون CEO-سو فیلیپ پاسقوت-ون، پرمیئر ویزیونو ایستانبولدا دوزنلمه قرارینی آلما‌لاریندا تورک تکستی‌لی‌نین سون ایللرده گؤسترمیش اولدوغو پرفورمانسین ان اهمیت‌لی فاکتور اولدوغونو سؤیله‌دیگینه دقت چکیر.
آخشام قزئتی، "تورکیه دیزی ایخراجاتیندا آمریکانین آردین‌دان ایکینجی" باش‌لیغی آلتیندا یاییم‌لانان خبرینده، تورکیه‌نین، 200 میلیون دو‌لارلیق دیزی ایحراجاتییلا آمریکا بیرلشمیش دولتلرید‌ن سونرا ایکینجی اولدوغونو ایفاده ائدیر. قزئت، 2023-جو ایلده 2 میلیارد دو‌لارلیق ایخراجاتا حاضیرلانان تورک فیلم سکتورونون، دیزی و فیلم‌لرله تورکیه‌نین دونیا‌داکی تقدیماتینا قاتقی تامین ائتمگی هدفلدیگینی یازیر.