تورکیه مطبوعاتی اؤزتی 25.10.2014
صاباح قزئتی: "آنی تاریخی شهری یونسکو اوچون حاضرلانیر
مدنیت و توریزم باخانلیغیندان وئریلن یازیلی آچیقلامادا، "۱۰۰۱ کیلسه" و "٤۰ قاپیلی شهر" اولاراق آدلاندیریلان آنی تاریخی شهرینین، ۲۰۱۲.جی ایلده یونسکونون دونیا میراث کئچیجی لیستهسینه آلیندیغی خاطیرلادیلدی. ایندی ایسه تاریخی شهرین ۲۰۱٦دا اصل لیستهیه گیرهرک اینسانلیق میراثیندان حاق ائتدیگی یئری تاپماسینین هدفلندیگی یازیلان آچیقلامادا، مدنیت و توریزم باخانی عمر چلیکین آنادولوداکی بوتون مدنیتلرین قورونماسی و اینسانلیق میراثینا آرماغان ائدیلمهسینده قرارلی اولدوغو دا بیلدیریلدی. "
خبرتورک قزئتی: "عراقین یئنی واگونلاری تورکیهدن
نقلیات، دنیزچیلیک و خبرلشمه باخانی لوطفو الوان، عراقین یئنی قاتار ستلرینین تورکیه طرفیندن تولیده باشلاندیغینی ایفاده ائدهرک، تورکیه واگون صنایع شرکتی طرفیندن اورهدیمی تاماملانان ٦ واگونون بو آیین سونوندا عراقلی یئتکیلیلره تسلیم ائدیلجیینی بیلدیردی. "
میلیت قزئتی: "آلیش وئریشده کرهلی سورپریزی
بعضی جاده و آلیش وئریش مرکزلرینده خاریجی مشتری نیسبتینین یوزده یئتمیشه چیخدیغینی سؤیلهین بوتون آلیش وئریش مرکزلری و پراکنده ساتیش فدراسیونو باشقانی واهاب کوچوک، "عرب و آذربایجانلی مشتریلرین یانیندا بو ایل گونئی کرهلی توریست ساییسینداکی آرتیش دقت چئکیجی" دئدی. "
ایستار قزئتی: "توریزمده اودون اوزریندن آتلادیق
تورکیهیه گلن توریست ساییسی بو ایلین ایلک ۹ آییندا گئچن ایلین عینی دؤورونه گؤره یوزده ٦.۱۱ آرتاراق ۳۰.۹ میلیون نفری آشدی. سون دؤورده تورکیهنین اطرافیندا یاشانان سیاسی اینکیشافلارا باخمایاراق توریست ساییسینداکی آرتیشی دگرلندیرن تورکیه سیاحت آژانسلاری بیرلیگی باشقانی باشاران اولوسوی "اطرافیمیزداکی آلوو چمبرینه باخمایاراق، توریزمده بؤیوک اوغورلار الده ائدیریک. آرتیق تورکیه توریزمی، اودون اوزریندن آتیلماغی اؤیرندی" دئدی."
آخشام قزئتی: "گبزهده ۳٤۰ میلیون ایللیک دایناسور
مرمره دنیزینده دلفینلرین آتاسی اولاراق قبول ائدیلن تاپقیلاری آراشدیران و گبزه-دیل اسکلهسی یاریم آداسیندا آراشدیرما یئریدن بیلیم آداملاری علی مراد قیلیج، جمال گؤنجواوغلو و هانس هاگدورن، قالیق/داشیل تاپدی. بیلیم آداملاری، بو فسیلین دایناسورلارلا عینی دؤورده یاشایان ۳٤۰ میلیون ایللیک ۱٦ متر بویونداکی دنیز سورونهنی اولدوغونو تثبیت ائتدی. "
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.