تورکیه مطبوعاتی اؤزتی 24.10.2014
حریت قزئتی: "آنکارانین سئچیمی گئجه هاوا یولو ایله گئچیش
عراق کورد بؤلگه‌سل یؤنه‌دیمی مجلیسی‌نین ۲۰۰ سلاح‌لی پئشمرگه‌نی کوبانی‌نین گؤندرمه قراری آلماسی‌نین آردین‌دان، پئشمرگه‌نین گئچیشی‌نین نئجه اولاجاغینا دایر ملی استخبارات و بؤلگه‌سل یؤنه‌دیم یئتکی‌لی‌لری آراسیندا دانیشیق‌لارین سوردوگو بلیردیلدی. تورک طرفی‌نین پلانینا گؤره پئشمرگه گئجه اربیلده هاوایولویلا شانلی اورفایا گله‌جک. بورا‌دان دا هئچ گؤزلدیلمه‌دن قورویولویلا سوروچا گئده‌رک مورشیدپینار‌دان سوریه تورپاق‌لارینا گئده‌جک. "
وطن قزئتی: "تورکیه اوچون مدهیش بیر خبر!
اوای‌سی‌دی نزدینده قارا پول ایله مباریزه اوچون قورولان مالی ائیلم وظیفه گوجو، باشقان روگر ویلکینز باشقانلیغیندا پاریسده ائتدیگی ییغینجاقدا تورکیه‌نی ایزله‌مه سوره‌جین‌دن چیخارما قراری آلدی. توپلانتیدا یاییملانان ۱٥.جی راپوردا، تورکیه‌نین قارا پول آغلاما و ترورون مالیه‌لشدیریلمه‌سی ایله مباریزه مؤوضوعون‌داکی اکسیک‌لیکلری‌نین آرا‌دان قالدیریلماسی ساحه‌سینده اؤنم‌لی ایره‌لیلمه تامین ائتدیگی ایفاده ائدیلدی. "
یئنی شفق قزئتی: "قادین ایستخدامیندا هدف یوزده ٤۱
تورکیه ایش قورومو (ایش‌قور) مودور کؤمکچی‌سی جعفر اوزون‌کایا، تورکیه‌ده قادین استخدامینی آرتیرماق اوچون چالیشما یئریتدیک‌لرینی ایفاده ائده‌رک، "یوزده ۲٦لار سویه‌سینده اولان قادین‌لارین ایش حیاتینا قاتیلماسی، یوزده ۳۱ سویه‌سینه چیخمیش‌دیر. مقصدیمیز بونو ان قیسا زاماندا یوزده ۳٥ دولایینا، ۲۰۲۳ هدفی اولا‌راق دا یوزده ٤۱ دولایینا چیخارماق" دئدی."
صاباح قزئتی: "۳.جو کؤرپونون ۳۲۲ مترلیک آیاق‌لاری تاماملاندی
آسیا و آوروپانی بیر بیرینه باغلایا‌جاق اولان یاووز سلطان سلیم کؤرپوسونون اینشاتی سرعتله داوام ائدیر. کؤرپونون ۳۲۲ مترلیک آیاق‌لاری دا تاماملاندی. ٥۸،٥ متر گئنیشلیگین‌دکی کؤرپو گلیش و گیدیشلریله ۸ باند‌لی اولا‌جاق. کؤرپونون اورتاسیندا ایسه ۲ زولاق‌لی قاتار یولو اولا‌جاق. "
خبرتورک قزئتی: "ترابزون اسپور و بشیکتاش‌دان قالیبیت‌لر
یوفا آوروپا لیگی "ل" قروپو اویونوندا؛ ترابزون اسپور بلژیکا تاخیمی لوکرنی ۲-۰ مغلوب ائتدی. ٦ پوئنه یوکسه‌لن فیرتینایا قالیبیتی گتیرن گل‌لار؛ یاتاباره و کونستانت‌دان گلدی. باشقا طرف‌دن، "ج" قروپو اوچونجو اویونوندا بشیکتاش دا، صربیستان نماینده‌سی پارتیزانی رقیب ساحه‌ده ٤-۰ مغلوب ائتدی. "
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
