تورکیه مطبوعاتی اؤزتی 23.10.2014
صاباح قزئتی: "'تورکیه ایله امکداشلیق آرتیریلمالی
برلین دووارینین ییخیلماسینین ۲٥.جی ایل دؤنومو سببی ایله آلمانیادا اولان آمریکا خاریجی ایشلر ناظری جان کری ایله مطبوعات کونفرانسی تشکیل ائدن آلمانیا خاریجی ایشلر باخانی فرانک والتر اشتانمایر، آوروپا و آمریکادان سوریه و عراقا ساواشمایا گئدنلرین قارشیسینین آلینماسی اوچون آمریکا-آلمانیا ایله آلمانیا-تورکیه گوونلیک بیریملری آراسیندا داها ساغلام امکداشلیق ائدیلمهسی لازیم اولدوغونو سؤیلهدی. "
یئنی شفق قزئتی: "سیغینماچیلارا موقتی کیملیک
تورکیهیه سیغینان قاچقینلارا موقتی کیملیک سندی وئریلهجک. بئلهجه سیغینماچیلارین تحصیل، ساغلیق، سوسیال یاردیم کیمی خیدمتلردن داها آسان ایستیفاده ائتمهلری تامین ائدیلهجک. کیملیک سندیله، قاچقینلارا تورکیهده قانونی اولاراق قالما حاقی تامین ائدیلمیش اولدو. باشدا ساغلیق خیدمتلری اولماق اوزره تحصیل، ایش بازارینا داخیل اولماق، اجتماعی کؤمک کیمی خیدمتلرین تامین ائدیلهبیلمهسی اوچون آیرینتیلی دوزنلمهلر ائدیلدی. "
خبرتورک قزئتی: "روژ تیوی آدینا ییغدیقلاری پولو پکاکایا گؤندرن ۱۰ سانیغا برائت
دانیمارکادا، باغلانان روژ تیوی آدینا ییغدیقلاری ۱٤۰ میلیون دانیمارکا کرونونون، پکاکایا گؤندرهرک ترورو مالیهلشدیردیکلری سببیله محاکیمه اولونان ۱۰ شوبههلی برائت ائتدی. ساووجینین ایکی هفته عرضینده اعتراض ائتممهسی وضعیتینده قرارین کسینلهشهجگی، اعتراض وضعیتینده ایسه قونونون اوست محکمهیه گئدهرک گلهجک ایله قالاجاق بیر پروسهنین باشلایاجاغی اؤیرنیلدی. "
ایستار قزئتی: "باخان فیکری ایشیقدان یئرلی اتومبیل آچیقلاماسی!
بیلیم، صنایع و تکنولوژی باخانی فیکری ایشیق، تورکیهده یئرلی اتومبیله علاقهلی جدی بیر چالیشما ایجرا ائدیلدیگینی سؤیلهدی. فیکری ایشیق، آلمانیانین فرانکفورت شهرینده تشکیل ائدیلن تورک-آلمان اینوواسیون ذیروهسینه قاتیلدی. ایشیق 'الکتریکلی اتومبیل کیمی یئنی بیر فرصت چیخدی. بو تکنولوژییه اویوم ساغلامادا بیر گئچیش مدتی وار. الکتریکلی واسطهلرده تورکیهنین اینشالله بیر مارکاسی اولاجاق' دئدی. "
آخشام قزئتی: "ایستانبولون میدوودو هالیوودلا یاریشاجاق
هالیوود و بالیووددان سونرا دونیانین ان بؤیوک اوچونجو فیلم پلاتوسو ایستانبولا قورولور. ژان کلود وان دامین دا اورتاق اولدوغو شیرکت، گیشه رکوردچوسو فیلملری آرتیق بؤیوک چئکمهجهده 'میدوود' آدی وئریلهجک پلاتودا حیاتا گئچیرهجک. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719008926)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.