تورکیه مطبوعاتی اؤزتی 17.10.2014
آخشام قزئتی: "٦ بؤلگه‌ده ۸ گوونلی بؤلگه
ایشیده حربی حرکت‌لی‌لیک سیخلاشارکن تورکیه آمریکا لیدئرلیگین‌دکی کوالیسیونا قیرمیزی خط‌لرینی چاتدیردی: تورکیه طلبی‌نین، تامپون دئییل گوونلی بؤلگه اولدوغونو وورغولاییر. قارشی‌داکی‌لارا، اوچوشا قاداغان بؤلگه اعلان ائدیلمه‌سی‌نین قاچقین‌لارین گوونلیگی باخیمین‌دان حیاتی دگرده اولدوغو مئساژی وئریلیر. اعتبارلی بؤلگه‌لرین بیرلشمیش میلتلر و یا اولوسلارآراسی کوالیسیونون تأمیناتی آلتیندا اولماسی بیر باشقا قونو. "
یئنی شفق قزئتی: "باخان بؤیوک پروژه اوچون تاریخ وئردی
رسمی گؤروش‌لر آپارماق اوچون آذربایجانا گئدن نقلیات، دنیزچی‌لیک و خبرلشمه ناظری لوطفو الوان، باکی-تفلس-قارس دمیر یولو پروژه‌سی‌نین هر هانسی بیر پروژه دئییل، قارداش‌لیق، بیرلیکده اینکیشاف و گوجلنمه پروژه‌سی اولدوغونو سؤیله‌دی. الوان، پروژه اوچون "هدفیمیز ۲۰۱٥.جی ایلین ایچینده آرتیق قاتاری ریله ائندیریب حرکت ائتدیرمک" دئدی. "
وطن قزئتی: "تورکییه‌یه یئنی وظیفه
آمریکادا ایمضا‌لانان یئنی اؤلکه قروپو آنلاشما‌سی ایله تورکیه ۲۰۱٤-۲۰۱٦ ایللری آراسیندا ایجرا مودورو وکیلی، ۲۰۲۰-۲۰۲٤ ایللری آراسیندا ایسه ایجرا مودورو وظیفه‌سینی اوستله‌نه‌جک. بئله‌لیکله تورکیه، اولوسلارآراسی پول صاندیغینین آردین‌دان دونیا بانکی ایجرا دیرکتورلاری قورولوندا دا ایلک دفعه ایشتیراک ائده‌جک. "
یئنی شفق قزئتی: "استینمایر پ‌کاکایا سلاح کمگینه قارشی
آلمانیا خاریجی ایشلر باخانی فرانک والتر استینمایر، سوسیال پایلاشیم سایتی تویترده ایستیفادچی‌لرین سوال‌لارینی جاوابلادی. استینمایر، یاشیل‌لار پارتیسی‌نین ایچ سیاست سؤزچوسو وولکر بک‌ین سوروشدوغو 'آلمانیانین ترور هؤرگوتو پ‌کاکانی سیلاحلاندیرماسی نه قدر دوغرو؟' سوالینا جاواب اولا‌راق، 'پ‌کاکا، تورکیه‌نی یئنی بیر شدتله تهدید ائتدیگی مدتجه بونون سوا‌لی بئله اولماز دئدی. "
صاباح قزئتی: "سوملا صومعه‌سی، اسکی گؤرونتوسونه قوووشور
ترابزونون ماچکا ائلچه‌سینده تاریخی سوملا صومعه‌سی‌نین اوناریم و خریطه‌لمه چالیشماسی اوچون مدنیت و توریزم باخانلیغی طرفیندن حاضرلانان پروژه تاماملاندی. تورکیه و دوغو قارا دنیزین ان اؤنملی توریزم مرکزلرین‌دن بیری اولان صومعه‌نی هر ایل یوز مین‌لرجه یئرلی و خاریجی توریست گزیر. "
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
