تورکیه مطبوعاتی اؤزتی 15.10.2014
آخشام قزئتی: "تورکیه عملیاتا قاتیلا‌جاق می؟
آمریکا پرزیدنتی باراک اوباما، آرا‌لاریندا تورکیه و سعودی عربیستانی‌نین دا اولدوغو تخمینن 20 اؤلکه‌نین اوست سویه عسگری مسئوللاری ایله عراق -شام ایسلام دولتی ترور اؤرگوتو ایله مباریزه ایستراتژیسینی گؤروشور. آمریکا باش قرارگاه باشقانی مارتین دئمپسی لیدرلیگین‌دکی توپلانتی‌نین دوننکی حیسه‌سینه پرزیدنت باراک اوباما دا قاتیلدی.
اوباما، کوالیسیون اؤلکه‌لری‌نین نیظامی لیدرلری‌نین عراق -شام ایسلام دولتی ترور اؤرگوتو ایله مباریزه‌نین یالنیز نیظامی بیر کامپانیا اولمادیغینا راضی قالدیغینی ایفاده ائده‌رک، "قارشیمیزدا، ساحه‌ده مغلوبیته اوغراتاجاغیمیز و بئله‌جه تامامیله تسلیم اولا‌جاق کلاسیک بیر اوردو قورولماسی یوخ. بیزیم ساواشدیغیمیز دیگر شئی ده بؤلگه‌نین بیر چوخ پارچاسینا کؤک سالمیش حدین‌دن آشیریلیق ایدئولوژیسی." دئدی .
خبرتورک قزئتی: "سوریه و عراق‌لی خاریجی‌لر اوچون 4 یئنی کووردیناسیون مرکزی
ایزمیرده، تورکیه‌یه گلن سوریه و عراق‌لی خاریجی‌لرین قید آلتینا آلینماسی مقصدیله 4 یئنی کووردیناسیون مرکزی آچیلدی. مسئول‌لار، سوریه و عراق اویروک‌لو خاریجی‌لرین ساغلیق، تحصیل و سوسیال یاردیم خیدمت‌لرین‌دن فایدا‌لانا اوچون قیدیات‌دان عملیات‌لارینی ائتدیرمه‌لری‌نین ضروری اولدوغونو وورغولاییر. »
یئنی شفق قزئتی: «تورکیه‌نین درمان صنایعسی پاریسده تانیدیلدی
تورکیه‌نین درمان صنایعسی، بو ایل پاریسده تشکیل ائدیلن دونیانین ان بؤیوک و احاطه‌لی درمان سرگی‌سینده-CPhI Worldwide- آچیلان غرفه ایله تانیدیلدی. کیفیت‌لی اینسان گوجو و یوکسک تکنولوژی ایله اینکیشاف ائتمیش اؤلکه‌لرله رقابت ائده بیله‌جک پوتانسیله صاحب محصول‌لار، ایشتیراکچی‌لارین ماراغینی ییغدی. "
صاباح قزئتی: "کوره‌‌لی‌لر میلیارد دو‌لارلیق یاتیریما گلیر
' ریسک‌سیز اؤلکه اولا‌راق گؤرولن تورکیه‌یه سون اولا‌راق کوره‌‌دن ده بیر یاتیریم هیاتی گلیر. کوره‌نین ان بؤیوک اجتماعی 25 فوندون رهبرلری، تورکیه‌نین، کانال ایستانبول و 3-جو کؤرپو کیمی بویوک پروژه‌لرینه یاتیریم ائتمک و سرمایه بازارلاری حاقیندا معلومات آلماق اوچون، 16-17 اوکتوبر تاریخ‌لرینده، ایستانبولو زیارت ائده‌جک. "
ایستار قزئتی: "نفت قیمتی 2015-جی ایلده ده بیزه یارایا‌جاق
آچیقلاما انرژی آژانسی (IEA)، 2015-جی ایلده نفت ایستگیندکی‌نین بؤیومه‌نین تخمین ائدیلن‌دن چوخ داها آشاغی اولاجاغینی و نفت قیمت‌لری‌نین دوشمه‌یه داوام ائده‌جگینی آچیقلادی. برنت نفت قیمتی، دولارداکی دگرلنمه‌نین ده تاثیریله 88 دولارین آلتینا ائنه‌رک 4 ایلین ان آشاغی سویه‌سینی گؤردو. آشاغی نفت قیمتی تورکیه‌نین ایشینه یاراییر. "
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
