تورکیه مطبوعاتی اؤزتی 09.10.2014
صاباح قزئتی: آمریکا و اینگیلتره‌دن تامپون بؤلگه آچیقلاماسی
آمریکا خاریجی ایشلر باخانی جون کری و اینگیلتره خاریجی ایشلر باخانی فیلیپ هاموند واشینگتوندا بیرگه مطبوعات کونفرانسی تشکیل ائتدی. کری، بورادا، تورکیه‌نین ایشید ایله مباریزه مؤوضوعوندا هانسی رولو اوینایاجاغینین اؤنوموزدکی گون‌لرده دقیقلشمه‌سینی گؤزلدیگینی ایفاده ائده‌رک، "تورکیه‌نین سوریه سرحدینده تامپون بؤلگه تکلیفی آراشدیریلماسی لازیم اولان بیر فیکیر" دئیه دانیشدی.
آخشام قزئتی: ناتونون باش کاتیبی تورکیه‌ده!
سوریه‌ده یاشانان گلیشمه‌لری دگرلن‌دیرمک اوزره آنکارایا گلن ناتونون باش کاتیبی ینس ایستولتنبرگ، "اتفاق تورکیه داخیل بوتون عضو اؤلکه‌لری قوروماغا حاضردیر" دئدی. بو ایستیقامتده ایشلرین داوام ائتدیگینی دئین باش کاتیب، "اتفاق سرحددکی اینکیشاف‌لاری چوخ یاخین‌دان ایزلییر. آنجاق آنکارا‌دان هله سرحد تهلوکه‌سیزلیگینی آرتیرماغا ایستیقامت‌لی اولا‌راق رسمی بیر طلب گلمه‌دی" دئیه دانیشدی. "
میلیت قزئتی: کوبانییه ۲ میلیون د‌لار باغیشلادی!
آمریکاداکی یاتیریملارییلا مشهور ایش آدامی حمدی اولوکایا، ایشید هوجومو آلتین‌داکی کوبانییه ۲ میلیون د‌لار باغیشلادی. بیر یوغورد فیرماسی‌نین قوروجوسو و صاحبی اولان حمدی اولوکایا، "یا اورا‌داکی قیرغینی سیر ائده‌جییک یا دا او اینسان‌لاری قورتارماق اوچون بیر شئی‌لر ائدجییک" دئییر.
خبرتورک قزئتی: تورکیه حرکته گئچیر!
تورکیه، هاواچی‌لیق ساحه‌سینده حمله‌یه حاضیرلاشیر. یئرلی اوچاق، هلیکوپتر، انسانسیز هاوا آراجی و بالن اوره‌دیمی اوچون حرکته گئچیر. بو آراجلار، تاساریمین‌دان بوتون پارچا و الکترونیک پارچالارینا قدر هر شئیی یئرلی اولاجاق. پارچا یاپیمینا قاتقی تامین ائتمک ایسته‌ین تورک فیرما‌لاری دا تشویقله دستکلنه‌جک.
ایستار قزئتی: تورکیه‌نین ایلک اؤزل حربی ائییتیم شیرکتی قورولدو
باشدا آمریکا اولماق اوزره مختلیف اؤلکه‌لرده اؤزنگینه راستلانان آنجاق تورکیه اوچون یئنی بیر قاورام اولان "ساوونما و حربی ائییتیم اؤزل شیرکتی" فعالیته گئچدی. امکلی عسگرلردن قورولان و باش قرارگاه باشقان‌لیغی‌نین دا اونایینی آلان شیرکت، کوماندو عملیاتیندان اؤزل عملیاتا، هاوا عملیاتیندان سو آلتی هوجوم عملیاتینا قدر بوتون ساحه‌لرده خاریجی اوردولارا دانیشمانلیق و ائییتیم خیدمتی وئره‌جک.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
