تورکیه مطبوعاتی اؤزتی 20.09.2014
ایستار قزئتی: "باشباخان داووداوغلو: اون‌لاری قوناق ائتمکده قرارلیییق
باشباخان احمد داووداوغلو، سوریه سرحدین‌دکی گلیشمه‌لره باغلی تویتر حسابین‌دان آچیقلاما وئردی: جان قورخوسو ایله اؤلکه‌میزه گلن قارداش‌لاریمیزی عیرق، دین، اتنیک، مذهب فرقی گودمه‌دن قوناق ائتمه‌یه قرارلیییق. تاریخ اوزریمیزه بو یوکو یوکله‌دی ایسه عزیز میللتیمیز یئنه بونون حاقینی وئره‌جک، مظلوم‌لارا قوجاغینی آچا‌جاق.
صاباح قزئتی: هاوا دهلیزی باغلانا‌جاق، تامپون بؤلگه قورولا‌جاق
تورکیه ایشیدله موباریزه‌نین سوریه آیاغیندا، اوزرینده ایصرارلا دوردوغو اوچوشا قاداغان بؤلگه و تامپون تکلیف‌لرینه سون شکلینی چانکایادا وئردی. آنکارادا، آمریکانین آرتیق بو تکلیف‌لره ایستی باخدیغی فیکیری حاکم‌دیر. موخالیف‌لرین گوونلی بیر ساحه‌ده ائییدیلمه‌سی قرارینی اؤنجه‌کی گون آمریکا کنگره‌سی‌نین یاساما اورگانی اولان نماینده‌لر مجلیسین‌دن گئچیرن آمریکا رهبرلیگی‌نین، حل اوچون ایلک دفعه "اوچوشا قاداغان بؤلگه" فیکرینه یاخین اولدوغو اؤیرنیلدی.
میلیت قزئتی: ایش گوونلیگینده یئنی پلان‌لار وار
چالیشما و سوسیال گوونلیک باخانلیغی، ایش گوونلیگی قونوسونو ایلک دفعه مستقیل بیر قانوندا اله آلدی. قامو و اؤزل سئکتور آیریمی گودمه‌دن بوتون چالیشان‌لار قانون چرچیوه‌سینده قورالچی بیر یاناشیم یئرینه اؤنله‌ییجی یاناشیم اساس آلیندی. ایش یئرلری، ائدیلن ایشین اؤزللیگینه گؤره گوونلیک صینیف‌لرینه آیریلیر. بوتون ایش یئرلرینده ایش گوونلیگی اوزمانی، ایش یئری حکیمی کیمی اوزمان پرسنل وظیفه یئرینه یئتیره‌جک. ایش وئرن‌لر اورتاق ساغلیق و گوونلیک بیریملرین‌دن خیدمت آلابیله‌جک.
یئنی شفق قزئتی: قلوبال استخدامی یؤنه‌دمه‌یه آدای
دونیا قامو استخدام قوروم‌لاری بیرلیگینه ۲۰۱٥ دونیا کنگره‌سینده ائو صاحب‌لیگی ائده‌جک اولان تورکیه ایش قورومو هدف بؤیودرک بیرلیگین یؤنه‌دیم قورولو باشقان‌لیغینا نامیزد اولدوغونو اعلان ائتدی. ایش قورومو مودورو دکتر نصرت یازیچی بو قونودا، قلوبال اقتصادی بحرانین منفی تأثیرلرینه باخمایا‌راق اورتایا چیخان بو موفقیتین آرخاسیندا، یئنی‌لیکچی ویزیونوموز و اولوسلارآراسی استخدام یاراتما و قوروما مدل‌لری‌نین میلی پولیتیکا‌لاریمیزا اویغونلاشدیریلماسی یاتماقدادیر دئدی.
وطن قزئتی: اونیورسیته‌یه گیریشده دئوریم کیمی دوزنلمه!
میلیون‌لارجا گنجین گله‌جیینی تک سیناوا باغلایان اویقولاما ۲۰۱٦دا اعتباراً بیتیر. یئنی سیستمله لیسانس یئرلشدیرمه سیناوی و یوکسک اؤیرتیمه کئچیش سیناوی قالدیریلا‌جاق. اؤیرنجی، سون‌اوخول سیناو‌لاریندا آلدیغی نمره و ماراق ساحه‌سینه گؤره ایستدیگی اونیورسیته‌یه باش‌ووراجاق.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
