تورکیه مطبوعاتی اؤزتی 19.09.2014
ایستار قزئتی: سرحد بویون‌داکی والی‌لره تعلیمات‌لار وئریلدی
باشباخان احمد داووداوغلو، اؤلکه‌لرین‌دکی چاتیشما‌دان قاچا‌راق تورکیه سرحدینه گلن سوریه‌لیلرله ایلگیلی، "سوریه‌دکی سرحد بوی‌لاریندا ییغیلمیش قارداش‌لاریمیزا، هانسی ائتنیک، دینی و یا مذهبی کؤکنلی اولورسا اولسون کؤمک ائتمه‌یه حاضیریق" دئدی. داووداوغلو، سوریه و عراق‌داکی ثابیتسیزلیگین یول آچابیله‌جیی اولابیله‌جک نتیجه‌لر قونوسوندا تورکیه‌نین بوتون اویاری‌لارینا باخمایا‌راق اولوسلارآراسی جمعیتین واختیندا لازیم آددیم‌لاری آتامادیغینی ایفاده ائتدی.
صاباح قزئتی: "تورکیه‌نین یئنی آوروپا بیرلیگی ایستراتژیسی آچیقلاندی
آوروپا بیرلیگی باخانی و باش مذاکره‌چی وولکان بوزقیر، تورکیه‌نین یئنی آوروپا بیرلیگی ایستراتژیسینی آچیقلادی. آوروپا بیرلیگی باخانلیغین‌دان وئریلن یازی‌لی آچیقلامادا، "تورکیه‌نین یئنی آوروپا بیرلیگی ایستراتژیسی، تورکیه-آوروپا بیرلیگی ایلیشکی‌لرینه سرعت قازان‌دیرا‌راق عضو‌لویه گئدن یولون اؤنون‌دکی مانع‌لرین اوسته‌سین‌دن گلینمه‌سینه چالیشیر" دئییلدی. یئنی ایستراتژیسی چرچیوه‌سینده تورکیه‌نین اؤنجه‌لیک‌لری و وطنداش‌لارین یاراری‌نین اؤن پلاندا توتولاجاغی ایفاده ائدیلن آچیقلامادا، "هم اصلاحات سوره‌جیمیزین سرعت قازاندیریلاجاق، هم ده تورکیه و آ.ب آراسیندا یئنی ایله‌دیشیم کؤرپولری قورولا‌جاق" ایفاده‌لری ایستیفاده ائدیلدی.
وطن قزئتی: پاریس‌دن چوخ میلیاردریمیز وار
۳٥ دو‌لار میلیاردرینه ائو صاحب‌لیگی ائدن ایستانبول، پاریس، توکیو، مادرید، ژنو، بمبئی، دبی و ریاض کیمی شهرلری گئریده بوراخدی. ویلت-ایکس و اوبی‌اس آراشدیرماسینا گؤره ۲۰۱٤.جو ایلده، دو‌لار میلیاردرلری‌نین ساییسی ۱٥٥ نفر آرتیشلا ۲ مین ۳۲٥ نفره چخاراق رکورد قیردی. میلیاردر ساییسی ۲۰۱۳ ایلینه گؤره یوزده ۷ یوکسلدی.
آخشام قزئتی: فیرتینا سون ثانیه‌ده اسدی
یوفا آوروپا لیگی ل قروپوندا مباریزه ائدن ترابزون اسپور، ایلک هفته اویونوندا رقیب ائوینده اوکراینانین متالیست خارکیو تاخیمی ایله قارشیلاشدی. قارادنیز تاخیمی، متالیست خارکیوی سون ثانیه‌ده آتدیغی گللا ۲-۱ مغلوب ائتدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
