تورکیه مطبوعاتی اؤزتی 27.08.2014
رادیکال قزئتی اینترنت سایتی: "عبدالله گولدن وعدا مساژی.
وظیفه مدتی 28 آوقوستدا دولاجاق اولان پرزیدنت عبدالله گول، خالقا خیطاب اولاراق وعدا مساژی نشر ائتدی. گول وعدا مساژیندا، "میللی ایرادهنین نمایندهسی، اوجا تورکیه بؤیوک میللت مجلیسی طرفیندن سئچیلدیگینی پرزیدنت وظیفهمیز، اوّلجه، چانکایانین قاپیلارینی خالقیمیزا آچدیم. دولتی و میللتی قوجاقلاشدیردیم، قایناشدیردیم. آنایاسانین ایجرا و دولت قوروملاری آراسیندا اویوم تامین ائتمه وظیفهمی، ان یاخشی شکیلده یئرینه یئتیرمهیه چالیشدیم "دئدی."
ایستار قزئتی: "مارمارای 10 آیدا 34 میلیون یولچو داشیدی.
مارمارای خیدمته گیردیگی 29 اوکتوبردان بو یانا یونانیستان، هولند و بولغاریستانین اهالیسی قدر یولچو تاشیدی.10 آیدا 34 میلیون یولچو داشییان مارمارای هر آی اوروپانین کیچیک بیر اؤلکهسی قدر یولچو داشیمیش اولدو. گونده اورتالاما 102 مین آدامی داشییان مارمارای، 29 اوکتوبردان بو یانا تام 34 میلیون یولچونو دنیزآلتیندان قاره لر آراسی سیاحت ائتدیردی. چاتدیغی یولچو سایییلا بیر چوخ اوروپا اؤلکهسینین اهالیسینی سوللایان مارمارای، یونانیستان، هولند و بولغاریستان اهالیسینین جمعی قدر یولچو داشیمیش اولدو. "
حریت قزئتی: "بوگوکئلچینین گؤزوندن تورکیه.
تورکیهده 2012-جی ایلدن بو یانا اسلوواکی سفیری اولاراق وظیفه یئرینه یئتیرن میلان زاچار، وظیفه مدتی بویونجا تورکیهنین دؤرد بیر یانینی گزدی و 50 مینین اوزرینده فوتوشکیل چکدی. زاچار، ایندی بو فوتوشکیللری پایلاشما دوشونجهسیله بیرلیکده بیر تورکیه کیتابی حاضیرلاییر. زاچارین "تورکیهنین تاریخی قاوشاقلارینا بوگوک ائلچینین سفری" آدلی کیتابی یاخین بیر زاماندا رفلرده یئرینی آلاجاق. "
یئنی شفق قزئتی: "پ.ک.ک 3 چینلی مهندیسی قاچیردی!
ترور تشکیلاتی پ.ک.ک منسوبلاری، شیرناکین سیلوپی محلیندکی ترمیک سانترالدا چالیشان چینلی 3 ایشچینی، سانترال یاخینلیغینداکی بیر دوکاندان آلوئر ائدرکن قاچیردی. چینلیلرین قورتاریلماسی اوچون بؤلگهده گئنیش میقیاسلی عملیات باشلادیلدی. تروریستلر، ترمیک سانترالا راکلی و اوزون لولهلی سلاحلارلا سالدیری، حادثهده بیر گوونلیک ایشچیسی یونگول یارالانمیشدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.