تورکیه مطبوعاتی اؤزتی 24.08.2014

حرّیت قزئتی: "آلمانیا مگر تورکیه‌نی چوخ داها اسکی‌دن بری دینلییرمیش".
آلمان کشفیاتی‌نین تورکیه‌نی 2009 ایلین‌دن بری دئییل، 1976‌دان بو یانا دینلدیگی ادعا ائدیلدی. آلمانیادا هفته‌لیک خبر ژورنا‌لی فوکوس، آلمان فدرال کشفیات تشکیلاتی‌نین (BND)، تورکیه‌نی 1976‌دان بری دینلدیگینی یازدی. ژورنالین خبرینه گؤره، BND، دؤورون باش ناظیری هلموت اشمیدتین ایزنی ایله تورکیه‌نی دینلمه‌یه آلدی. بوگونکی دینلمه‌لری ایسه مجلیس کومیسیونونجا قرار وئریلدیگینی یازان فوکوس، دینلمه ایجازه‌سینی وئرن کومیسیونونون باش ناظیرلیق، مدافعه ناظیرلیگی، خاریجی ایشلر ناظیرلیگی و ایقتیصاد ناظیرلیگی متخصص‌لرین‌دن میدانا گلدیگینی ایفاده ائتدی.
میللیت قزئتی: "اؤزونه میراث قالان ائوی تمیزلیرکن 4 مرتبه‌لی یئرآلتی شهری تاپدی."
کایسئریده، عائله‌سین‌دن میراث قالان ائوی تمیزله‌ین 50 یاشین‌داکی مصطفی بوزدمیر، ائوین 4 قات آلتینا قدر اوزانان بیر یئرآلتی شهری تاپدی. 80 مین آورو خرجله‌ییب، 100 یوک ماشینیدا چوخ تورپاق چیخارا‌راق یئرآلتی شهرینی تمیزله‌ین بوزدمیر 'یئرآلتی شهری‌نین تمیزلیگی اثناسیندا مختلیف قالیق‌لارا دا راست گلینیر. اکثریتینی اینسان سوموک‌لری‌نین میدانا گتیردیگی بو قالیق‌لار ارجیس اونیورسیته‌سین‌دن بیر قروپ طرفین‌دن آراشدیریلیر. 'دئیه دانیشدی.
یئنی شفق قزئتی: "آمریکا پولیسی‌نین تورک ژورنالیسته ایشگنجه‌سی راپوردا گیردی."
آا موخبیری شاشمازین فرگوسوندا آبش پولی‌سین اؤلومله تهدید ائدیلیب نظارته آلینماسی زامانی تطبیق اولونان شدت، دوکتور راپوروندا سندلشدیریلدی. شاشمازا درمان معا‌لیجه‌سینه باشلاندیغی و لازیم‌لی تشخیص قویولماسی مقصدیله تدقیق‌لرین داوام ائده‌جگی بیلدیریلدی.
ایستار قزئتی: "تورک اوردوسونون بؤیوک باشاریسی."
دونیانین مشهور ایش-تکنولوژی ژورناللاریندان‌ Business Insider ژورنا‌لی متخصص‌لری دونیانین ان گوج‌لو 35 اوردوسونون ایشتیراک ائتدیگی بیر سیاهی حاضیرلادی‌لار. آمریکانین بیرینجی اولدوغو لیسته‌ده تورکیه آلمانیانین درهال گئری‌سینده 8. سیرادا ایشتیراک ائتدی. تورکیه‌نین ایلک اوندا ایشتیراک ائتمه‌سینه باخمایا‌راق اوردویا ان آز بودجه آییران اؤلکه‌لردن بیری اولماسی دا دقت‌لردن قاچمادی.
وطن قزئتی: "2 میلیون اینسان تورکیه‌یه دوغرو یولا چیخدی."
اینگیلتره و بعضی اینگیلیس دولت‌لر بیرلیگی عضوو دولت‌لرده تطبیق اولونان و 26 آوقوست پازارتئسینئ برابر گلن اننوی "بانک تعطیلی" سببیله میلیون‌لارلا اینسان جمعه آخشامی اعتباریله یول‌لارا تؤکولدو. اینگیلیس مطبوعاتیندا یئر آلان خبرلره گؤره، 2 میلیون اینسانین، آوقوست آیی‌نین سون بازارتئسینه برابر گلن تعطیل اوچون تورکیه، یونانیستان و ایسپانیا کیمی اینگیلیس‌لرین گؤزده تعطیل مکان‌لارینا آخین ائتمه‌سی گؤزلنیلیر.