تورکیه مطبوعاتی اؤزتی 23.08.2014
صاباح قزئتی: "دینله‌مه‌لر شرودر ایله باشلادی."
تورکیه‌نین، آلمانیا فدرال استخبارات تشکیلاتینا ۱۹۹۸-۲۰۰٥ ایللرین‌دکی یاشیل‌لار پارتیسی و سوسیال دموکرات پارتی طرفیندن قورولان کوالیسیون حکومتی طرفیندن وئریلن تعلیمات ایله کشفیات فعالیتی یئریدیله‌جک اؤلکه‌لر لیسته‌سینه آلیندیغی ادعا ائدیلدی. بونا گؤره، استخبارات فعالیتی یئریدیله‌جک اؤلکه‌لر ۳ قروپدا توپلانیر، تورکیه‌نین ده بیرینجی درجه کشفیات فعالیتی یئریدیله‌جک اؤلکه‌لر آراسیندا ایشتیراک ائتدیگی قید ائدیلدی. سوسیال دموکرات پارتیلی اسکی باشباخان گرهارد شرودر، یاشیل‌لار پارتیسی ایله ۱۹۹۸.جی ایلده کوالیسیون حکومتی قورموش، ۷ ایل باشباخانلیق ائتمیشدی. آلمانیا خاریجی ایشلر باخانی اشتنمایئر ایسه او دؤورده استخبارات تشکیلات‌لاریندان مسئول باخاندی.
میلیت قزئتی: "ایستانبولدا افیس کرایه‌لری ذیروه‌ده."
ایستانبولداکی آ صینیف افیس‌لرین کیرایه‌سی یوزده ۱.٤۰، ب صینیفی افیس‌لرین کیرایه‌سی ایسه یوزده ۳.۷٦ آرتیش گؤستردی. اسن‌تپه، آ صینیف افیس‌لرین مربع متر قیمت‌لرینه گؤره ٤۳.٤٥ دو‌لار ایله ان یوکسک کیرایه دیرینه صاحب بؤلگه اولما عنوانینی قورودو.
وطن قزئتی: "٦ مین نفر ایله آتاتورک پورتره‌سی."
باش قوموتانلیق میدان محاربه‌سینین ۹۲.جی ایلدؤنومو بو ایل بیر رکورد سیناغی ایله قوتلانا‌جاق. بؤیوک تعروض‌ون باش قوموتانی مصطفی کمال آتاتورکون جان‌لی پورتره‌سی، آنیدقبیرین باغچاسیندا ٦ مین نفرله اولوشدورولا‌جاق. "دونیانین ان بؤیوک آتاتورک پورتره‌سی" اولا‌راق گینس رکوردلار کیتابینا گیرمه‌سی هدف‌لنن چالیشمانین ایلکی، ۲۰۱۲.جی ایلده ایزمیرده ۲ مین ٤۰۰ نفرله، ایکینجی‌سی ده ۲۰۱۳.جی ایلده بورسا دا ٥ مین ۹۹۰ نفرله گرچکلشمیشدی.
یئنی شفق قزئتی: "اینترنت ایستیفاده‌سی یوزده ٥۰-نی گئچدی."
دونیادا اینترنتی ان چوخ ایستیفاده ائدن اؤلکه‌لرین باشیندا گلن تورکیه‌ده، قوللانیم یوزده ٥۰لرین اوزرینه چیخدی. تورکیه استاتیستیک قورومونون آراشدیرماسینا گؤره، ۱٦-۷٤ یاش قروپون‌داکی فردلرده بیلگی سایار ایستیفاده نیسبتی یوزده ٥۳،٥، اینترنت ایستیفاده نیسبتی یوزده ٥۳،۸ اولدو. دایمی اینترنت ایستیفادچی‌لری‌نین نیسبتی ایسه یوزده ٤٤،۹آ یوکسلدی. اینترنت ایستیفاده‌سی ان چوخ ائولرده گرچکلشدی. بونو یوزده ۳۸،۷ ایله ایش یئرلری ایزله‌دی. بونون دیشیندا اینترنت اوچون داشینابیلیر/پورتاتیو جیهاز ایستیفاده‌سی ده آرتدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
