تورکیه مطبوعاتی اؤزتی 15.08.2014
یئنی شفق قزئتی، "باش باخانین ۲۱ آگوستدا آچیقلایا‌جاق" باش‌لیق‌لی خبرینده، آک پارتینین ۱۳.جو قورولوش رسپسیونوندا دانیشان تورکیه‌نین ۱۲.جی پرزیدنتی سئچیلن باشباخان رجب طیب اردوغانین چیخیشینا توخونور. قزئت، اردوغانین، آک پارتینین یئنی صدری و باش ناظرین اؤنوموزدکی جمعه آخشامی گونو ائدیله‌جک مرکز یؤنه‌دیم قورولوندا معینلشدیریله‌جگینی سؤیلدیگینی یازیر.
صاباح قزئتی، "رابیعه گونونده قان آخدی" باش‌لیق‌لی خبرینده، مصرده گئچن ایل گرچکلشن چئوریلیشه مقاومتین ایل دؤنومونده قاهیره‌دکی نوماییش‌لرده اولای چیخدیغینی ایفاده ائدیر. قزئت، پلیس مداخیله‌سی ایله ۷ نفرین حیاتینی ایتیردیگینی یازیلیر. خبرده، ۷ ائلده‌کی نوماییش‌لرده ٦۳ نفرین نظارته آلیندیغی یازیلیر.
ایستار قزئتی، "یارا‌لی غزه‌لی‌لره عیادت" باش‌لیق‌لی خبرینده خاریجی ایشلر ناظری احمد داووداوغلونون، آنکارادا یئنی‌محله‌ده دؤولت خسته‌خاناسیندا معا‌لیجه گؤرن غزه‌لی یارا‌لی‌لاری عیادت ائتدیگینی یازیر. قزئت، سیویل‌لرین تورکیه‌یه گتیریلمه‌سی اوچون سعی‌لرین آرتدیریلدیغینی دیله گتیرن داووداوغلونون، دونن ۱۳ غزه‌‌لی‌لارین داها گتیریلدیگینی سؤیلدیگینی یازیر.
ایستار قزئتی، "تورک هاوا یوللاری ۷ آیدا ۳۱ میلیون آدامی اوچوردو" باش‌لیق‌لی خبرینده، تورک هاوا یوللارینین ژانویه-جولای دؤورونده یولچو ساییسینی یوزده ۱٥،۲ آرتیرا‌راق ۳۱ میلیون نفره یوکسلتدیگینی ایفاده ائدیر. قزئت، یولچو ساییسین‌داکی آرتیشین ایچ خط‌لرده یوزده ۱٤،٤، دیش خط‌لرده ایسه یوزده ۱۳.۸ اولدوغونو ایفاده ائدیر. خبرده عینی دؤورده اوچولان شهر ساییسی‌نین دا ۲۳۷دن ۲٥۹آ چیخدیغی یازیلیر.
وطن قزئتی، "آنتالیا هاوالیمانی یولچو رکوردو قیردی" باش‌لیق‌لی خبرینده، توریزمین باشکندی آنتالیادا هاوالیمانینین، ۱۳ آگوست تاریخینده یولچو ساییسی باخیمین‌دان اؤز رکوردونو قیردیغینی ایفاده ائدیر. قزئت، دؤولت هاوا میدان‌لاری ایشلتمه‌سی باش دیرکتورو اورحان بیردالین، آنتالیا هاوالیمانینا اولکی گون ۱۹۱ مین ٦۹٥ یولچونون گلدیگینی بیلدیردیگینی یازیر. خبرده، بیردالین، آنتالیا هاوالیمانینین یولچو ساییسیندا یئنی بیر رکورد قیردیغینی سؤیلدیگی یازیلیر.
آخشام قزئتی، "تورک فیلم‌لری بوسنی‌ده" باش‌لیغی آلتیندا یاییملانان خبرینده، بو گون اعتباریله باشلایان ۲۰.جی سارایئوو فیلم فستیوا‌لی‌نین، ۲۳ آگوستدا سونا چاتاجاغینی ایفاده ائدیر. قزئت، تورک سینماسینین ۱۰۰.جو ایلی شرفینه، آرا‌لاریندا قیش یوخوسونون دا اولدوغو ٦ فیلمین بوسنی‌لی‌لره سونولاجاغینی یازیر.
حریت قزئتی، "رنگ‌لرین سایقی دوروشو" باش‌لیغی آلتیندا یاییملانان خبرینده، فوتبال دونیاسی‌نین، بشیکتاشین فخری باشقانی سلیمان صبایا آغلادیغینی ایفاده ائدیر. قزئت، بشیکتاشین یانیندا فنرباغچا و گالاتاسارایین دا دوننکی مشقه بیر دقیقه‌لیک سایقی دوروشو ایله باشلادیغینی یازیر. خبرده، ترابزون اسپورون، مؤوسوم آچیلیشین‌داکی موزیک شؤله‌نینی لغو ائتدیگی ایفاده ائدیلیر.
صاباح قزئتی‌نین ایدمان صحیفه‌سینده یاییملانان "سلیمان صبانین ائوی موزه اولور" باش‌لیق‌لی خبرده، اؤلومویله ایدمان دونیاسینی یاسا بوغان افسانه باشقان سلیمان صبانین یاشادیغی ائوین بون‌دان بئله موزه اولا‌جاغی ایفاده ائدیلیر.
وطن قزئتی، "تورکیه‌نین قورورو اولدو" باش‌لیق‌لی خبرینده، زوریخ‌ده‌کی آوروپا آتلتیزم شامپیوناسیندا کنیا اصل‌لی علی کایا و پولات آریکانین تورکیه آدینا یاریشدیغینی ایفاده ائدیر. قزئت، کایانین ۱۰ مین مترده برنز مدال قازاندیغینی بیلدیریر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
