تورکیه مطبوعاتی اؤزتی 14.08.2014
خبرتورک قزئتی، "غزه اوچون ۱۳٥ تلفن ۱۰ دفعه تله‌کنفرانس" باش‌لیق‌لی خبرینده، خاریجی ایشلر باخانی احمد داووداوغلونون، غزه بحرانی‌نین حلی اوچون آمریکا، قطر و فلسطین آراسیندا یئریتدیگی گئت-گل دیپلوماسی‌سینده ۱۳٥ تلفن دانیشماسی و ۱۰ دفعه اوچلو تله‌کنفرانس ائتدیگینی یازیر.
یئنی شفق قزئتی، "۱۸ فلسطین‌لی معا‌لیجه اوچون تورکیه‌ده" باش‌لیق‌لی خبرینده، ایسراییلین غزه‌یه هوجوم‌لاریندا یارا‌لانان فلسطین‌لی‌لردن ۱۸ی داها معا‌لیجه اوچون دونن آنکارایا گتیریلدیگینی بیلدیریر. قزئت، بئشی اوشاق بیری حامیله ۱۸ یارا‌لی‌نین معا‌لیجه ائدیله‌جک‌لری خسته‌خانایا، آمبولانس‌لار و آمبولانس هلیکوپترلرله داشیندیق‌لارینی یازیر. قزئت، تورک امکداش‌لیق و کووردیناسیون آژانسی‌نین (تیکا) دا ائولری ییخیلان غزه‌لی‌لر اوچون مین پره‌فابریک قونود اینشا ائتمه قراری آلدیغینی یازیر. خبرده باشباخان یاردیمچیسی امراهلش ایشلرین، "تورکیه، غزه‌نی یئنی‌دن اینشا ائده‌جک. دیل و دین آیریمی ائتمه‌دن مظلوم و ضرر چئکمیش اینسان‌لارین یانیندا اولماغا داوام ائدجییک" شکلین‌دکی ایفاده‌سینه یئر وئریلیر.
صاباح قزئتی، "ملی گوونلیک قورولوندا ایکی پرزیدنت" باش‌لیق‌لی خبرینده، تورکیه پرزیدنتی عبدالله گولون سون دفعه باشقانلیق ائتدیگی میلی گوونلیک قورولونا جمهورباشقانی سئچیلن باشباخان رجب طیب اردوغانین دا سون دفعه باشباخان اولا‌راق قاتیلدیغینی ایفاده ائدیر. قزئت، ۱.٥ ساعات داوام ائدن ییغینجاقدا ایچ و دیش گوندمی مشغول ائدن بؤلگه‌سل گلیشمه‌لرین اله آلیندیغینی یازیر.
وطن قزئتی، "گونلوک یولچو ۹۰ مین سرحدینی آشدی" باش‌لیق‌لی خبرینده، ایستانبول صابیحا گؤکچن اولوسلارآراسی هاوالیمانینین، گونلوک یولچو ساییسیندا بو گونه قدرکی ان یوکسک رقمینه آگوست آیی ایچینده اوچونجو دفعه چاتدیغینی ایفاده ائدیر. قزئت، داها اؤنجه ۳ و ۹ آگوست تاریخ‌لرینده گونلوک یولچو رکوردو قیریلان هاوا لیمانیندا ۱۱ آگوست تاریخینده توپلام ۹۰ مین ۳۳٦ یولچونون گیریش-چیخیش ائتدیگینی یازیر. خبرده، اؤته یاندان بو ایلین ایلک یئددی آییندا صابیحا گؤکچن هاوالیمانین‌دان توپلام ۱۳ میلیون یولچونون گیریش-چیخیش ائتدیگینه ایشاره ائدیلیر. قزئت، بئله‌جه ژانویه-جولای دؤورونده توپلام یولچو ساییسی‌نین، گئچن ایلین عینی دؤورونه نیسبتا یوزده ۳۱ آرتمیش اولدوغونون وورغولاییر.
آخشام قزئتی، "افسانه باشقان صبانی ایتیردیک" باش‌لیق‌لی خبرینده، بشیکتاشین تاریخینه آدینی قیزیل حرف‌لرله یازدیران فخری باشقان سلیمان صبانین حیاتینی ایتیردیگینی ایفاده ائدیر. قزئت، ۸۸ یاشیندا وفات ائدن صبانین، جنتلمن‌لیگی ایله هر کسین سایقیسینی قازانمیش اولدوغونا وورغو ائدیر. خبرده این‌اؤنوده ایلک گلو آتا‌راق تاریخه گئچن صبانین، ۱٦ ایللیک باشقانلیغیندا ۲۲ کاپ قازانا‌راق کلوبون سمبولو اولدوغونا دقت چئکیلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
