تورکیه مطبوعاتی اؤزتی 13.08.2014
یئنی شفق قزئتی، خاریجی ایشلر باخانی احمد داووداوغلونون، ایسلام امکداشلیق تشکیلاتینا فلسطین اوچون ۷ مادهلیک بیر ائیلم پلانی سوندوغونو ایفاده ائدیر. قزئت، ایسلام امکداشلیق تشکیلاتی کنفرانسی اوچون عربیستانین جده شهرینده اولان داووداوغلونون سوندوغو ائیلم پلانینین، غزهیه یاردیملارین آرتیریلماسی، شهرین یئنیدن اینشاسی، قالیجی آتیشکس، ایسراییلین هوجوملارینین قارشیسینین آلینماسی، اوزلاشما حکومتینین دستکلنمهسی و فلسطینین دؤولت کیمی تانینماسی کیمی قونولاری ایچردیگینی یازیر.
خبرتورک قزئتی، ایسراییل ایله حماس آراسیندا تامین ائدیلن ایکینجی ۷۲ ساعاتلیق آتیشکس دونن ده پوزولمازکن، هاوانین ایستیلیگیندن اؤترو مینلرجه ایسراییللینین، چیمرلیکلره آخین ائتدیگینی ایفاده ائدیر. قزئت، غزهده ایسه فلسطینلیلرین ایسراییل هوجوملاریندا ییخیلان ائولرینین ییخینتیلاریندان اشیالارینی توپلاماغا چالیشدیغینا وورغو ائدیر.
وطن قزئتی، جمهورباشقانی عبدالله گولون، چانکایا کؤشکونده وئردیگی ضیافتین سونراسیندا ۱۲.جی جمهورباشقانی سئچیلن باشباخان رجب طیب اردوغان ایله گؤروشدوگونو یازیر. قزئت، جمهورباشقانلیغیندا گرچکلشن و بیر ساعات داوام ائدن گؤروشمهده باش خانیم خیرالنسا گول و امینه اردوغانین دا اولدوغونو ایفاده ائدیر.
صاباح قزئتی، باشباخان رجب طیب اردوغانین، جمهورباشقانی سئچیلمهسینین اولوسلارآراسی مالی چئورلرده ده اولوملو قارشیلاندیغینی ایفاده ائدیر. قزئت، اقتصادچیلاری، "سونوج، اؤلکه اقتصادینا ثابتلیک تامین ائدر" دئدیگینی یازیر.
وطن قزئتی، "پئتکیم قازانجینی ۱۰آ قاتلادی" باشلیقلی خبرینده، پئتکیمین (پئترو کیمیا هولدینگ)، ۲۰۱٤.جو ایلین ایلک یاریسیندا ٥٥ میلیون تورک لیراسی تام قازانج آچیقلادیغینی ایفاده ائدیر. قزئت، ایلک ٦ آیلیق دؤورده ۲.٤٤ میلیارد لیرا گلیر الده ائدن شیرکتین توتوم قوللانیم نیسبتینین دا ۹ پوئن آرتاراق یوزده ۹۰آ چاتدیغینی یازیر.
وطن قزئتی، "توپراشین قازانجی یوزده ۲۲٦ آرتدی" باشلیقلی خبرینده، توپراشین (تورکییه نفت آریندیراقلاری آ.ش.)، ایلین ایلک یاریسیندا دؤنم قازانجینی یوزده ۲۲٦ آرتیراراق ۸٦۹ میلیون تورک لیراسینا چیخاردیغینی یازیر.
حریت قزئتی، آفریقانین قربیندکی اوچ اؤلکهده میندن چوخ جان آلان ائبولا اپیدمیسینین، قارهنین شرقینی ده تهدید ائتمهیه باشلادیغینی ایفاده ائدیر. قزئت، سون اولاراق نیجریهده ده گؤرولن ویروس سببیله سنگال و روآندادا دا چاخناشما میدانا گلدیگینی ایفاده ائدیر.
حریت قزئتی، "سنی آختارماغا داوام ائدهجهیم" باشلیقلی خبرینده، اؤلو اوزانلار درنگی ایله افسانهلشن جان دوستومداکی رولویلا اوسکار قازانان روبین ویلیامزین حیاتا وداع ائتدیگینی ایفاده ائدیر. قزئت، ائوینده اؤزونو کمرله آسان صنعتچینین قیزی زئلدانین، کیچیک پرنسدن آلینتییلا آتاسینا وداع ائتدیگینی ایفاده ائدیر: "سنی سئویرم. سنه داریخیرام. سنی آختاریمایا داوام ائدهجهیم" دئدیگینی یازیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.