تورکیه مطبوعاتی اؤزتی 01.08.2014
صاباح قزئتی، "کؤرپه قاتیلی ایسراییل‌لی" باش‌لیغی آلتیندا یاییم‌لانان خبرینده، ۲٥۰دن چوخ اوشاغین اؤلدورولدوگو غزه‌ده یاشانان ایسراییل وحشتی‌نین، کسکین نیشانچی بیر عسگرین سوسیال مئدیادا اوشاق‌لاری اؤلدورمکله اؤوونمه‌سیله بیر دفعه داها بلگه‌لندیگینی یازیر. قزئت، دیوید اووادیا آدلی قاتیل عسگرین، اینستاگرامداکی حسابیندا "بو گون ۱۳ اوشاق اؤلدوردوم" دئیه یازدیغینی بیلدیریر.
آخشام قزئتی، "هاوا‌دان انسانی یاردیم" باش‌لیق‌لی خبرینده، خاریجی ایشلر باخانی احمد داووداوغلونون بحث ائتدیگی غزه‌یه بیر هاوا دهلیزی قورولماسی پروسه‌سی ایله ایلگیلی آیرینتی‌لارین بللی اولمایا باشلادیغینی ایفاده ائدیر. قزئت، آتیش‌کس ساغلانینجا یارا‌لی‌لارین معا‌لیجه‌سی و وضعیتی آغیر اولان‌لارین تورکیه‌یه گتیریلمه‌سی، تورکیه و اولوسلارآراسی توپلومدان گلن یاردیم‌لارلا قیدا، درمان، چادیر، ایچمه سویو کیمی یاردیم‌لارین غزه‌یه چاتدیریلماسی‌نین چوخ قیسا بیر مدت ایچینده قورولا‌جاق هاوا دهلیزی سایه‌سینده تامین ائدیله‌جگینی یازیر.
یئنی شفق قزئتی، "سؤزچو هؤنکور هؤنکور" باش‌لیغی آلتیندا یاییم‌لانان خبرینده، ایسراییلین ووردوغو مکتبین باغلی اولدوغو بیرلشمیش میلتلرین فلسطین سؤزچوسو کریس گونسین، شاهید اولدوغو قیرغینی ایضاح ائدرکن گؤزیاش‌لارینا بوغولدوغونو یازیر. قزئت، جان‌لی یاییندا هؤنکوره هؤنکوره آغلایان سؤزچونون، "منظره قورخونج" دئدیگینی یازیر.
میلیت قزئتی، "تورپاق سوروشمه‌سی بیر کندی اوددو" باش‌لیق‌لی خبرینده، هیندیستانین باتیسیندا موسون یاغیش‌لاری‌نین سبب اولدوغو تورپاق سوروشمه‌سینده اونلارجا انسانین اؤلدوگونو ایفاده ائدیر. قزئت، یئتکیلیلرین، مهاراشترا ایالتینه باغلی ۷۰۰ نفرلیک مالین کندینده میدانا گلن تورپاق سوروشمه‌سینده ۱۰۰دن چوخ انسانین دا هله تورپاق آلتیندا اولدوغونو سؤیله‌دیگینی یازیر. خبرده یئتکیلیلرین، تورپاق آلتیندا قالان کندلی‌لرین قورتولما اومودو‌نون گئده‌رک آزالدیغینا ایشاره ائتدیک‌لری بیلدیریلیر. قزئت، آیریجا پاکیستانین کراچی شهرینده موسون یاغیش‌لاری‌نین ایسه ن۲۰ین اوزرینده اینسانین حیاتینی ایتیرمه‌سینه سبب اولدوغونو ایفاده ائدیر.
ایستار قزئتی، "آیدین اونیورسیته‌سی آوروپا شامپیونو" باش‌لیق‌لی خبرینده، هلندده تشکیل ائدیلن و ۳٥ اؤلکه‌نین قاتیلدیغی ۲.جی آوروپا اونیورسیته‌لرآراسی ایدمان اویون‌لاریندا ایستانبول آیدین اونیورسیته‌سی کیشیلر تنیس تاخیمی‌نین آوروپا شامپیونو اولدوغونو ایفاده ائدیر. قزئت، آیدین اونیورسیته‌سی‌نین، مؤوسوم بویونجا ٤۲ شامپیونلوق الده ائتدیگینی یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
