تورکیه مطبوعاتی اؤزتی 22.07.2014
سلام حؤرمتلی اوخوجولار، تورک مطبوعاتیندا یئر آلان بعضی خبرلرین خلاصهسینی سیزلرله پایلاشاجاغیق.
حریت قزئتی، "غزه اوچون 3 گونلوک یاس" باشلیغی آلتیندا یاییملانان خبرینده، باش ناظیر معاوینی و حکومت سؤزچوسو بولنت آرینچین، فیلسطینله همرایلیک اوچون تورکیهنین، 3 گونلوک یاس اعلان ائتدیگینی سؤیلهدیگینی ائشیتدیریر. قزئت، آرینچین، ناظیرلر کابینهسینین سونراسی ائتدیگی مطبوعات کونفرانسیندا، "" غزهده بؤیوک بیر فاجعه یاشانیر. بونونلا علاقهدار اولاراق ناظیرلر قورولوموزدا 3 گونلوک یاس اعلان ائدیلمهسی قراری آلیندی. "دئدیگی یازیلیر.
وطن قزئتی، "جیویل قیرغین" باشلیقلی خبرینده، غزهده چوخو قادین و اوشاق یوزلرله فیلسطینلینی اؤلدورن ایسرائیلین، یئنی قیرغینلارین ایچلرینده اوخ شکلینده 5-8 مین میسمار اولان توپ گوللهسی ایستیفاده ائتدیگینی ایفاده ائدیر. خبرده، داها اوّل غزهدکی وفا خستهخاناسینا هدف آلاراق ایستیفاده ائدیله بیلمز حالا گتیرن ایسرائل تانکلارینین دونن ده الاقسا شهیدلری خستهخاناسینا ووردوغونو یازیر.
خبر تورک قزئتی، "قیرغین دانسی" باشلیقلی خبرینده، 7 ژوئیهده باشلایان یئر حرکاتیندا یوزلرله فیلسطینلی اؤلرکن مینلرله ده یارالاندیغینی یازیر. قزئت، بعضی ایسرائیل عسگرلری و آشیری ساغچیلارین، سرحددکی تانکلارین قارشیسیندا رقص ائدهرک قیرغینی قوتلادیغینی وورغولاییر. خبرده، آیریجا، ایسرائیل اوردوسونون، اولوسلار آراسی مقاویلهلره ضد اولاراق فوسفور و میسمار بومبالاری ایستیفاده و میسمار بومباسی پارچاجیقلارینین بتونا ساپلانابیلهجک قدر تخریب ائدیجی اولدوغونا دقت چکیلیر.
ایستار قزئتی، "پئتکیم رکورد مدتده فابریک" باشلیقلی خبرده، پتکیم (پتروشیمیا هولدینگ آ.ش.) ایزمیردکی پلاستیک ایشلمه آمبالاز کارخاناسینین 5 آی کیمی قیسا بیر مدتده تیکیلهرک خیدمته گیردیگینی ایفاده ائدیر. قزئت، اورتیمه باشلایان فابریکین آچیلیشینی آذربایجان ایقتیصاد و صنایع ناظیری شاهین مصطفی اوف و آذربایجان دولت نفت شیرکتی (SOCAR) باشقانی رونق عبدالها اوف ایله SOCAR-ین دیگر اوست سویه ایدارچیلرینین ائتدیگینی یازیر. قزئت، مراسیمده دانیشان آذربایجان ایقتیصاد و صنایع ناظیری شاهین مصطفی اوفین، فابریکده دالغالانان تورکیه و آذربایجان بایراقلارینی گؤرمکدن بؤیوک خوشبختلیک دویدوغونو ایفاده ائتدیگینی ایفاده ائدیر. خبرده، مصطفی اوفوین، SOCAR-ین، آذربایجان خاریجیندکی ان بؤیوک یاتیریمینی تورکیهده ائتمهسینین ایکی اؤلکه آراسینداکی قارداشلیق علاقهسینین ان اوست نقطهیه چاتدیغینین علامتی اولدوغونا دقت چکدیگینه وورغو ائدیلیر.
میللیت قزئتی، "دونیا دئوی ده گلدی" باشلیقلی خبرینده، دونیانین اهمیتلی اوتوموبیل ایجارهسی مارکاسی اولان و ژوئن آییندا تورکیهده خیدمت وئرمهیه باشلایان انترپریسین، 3 ایلده 150 میلیون تورک لیراسی یاتیریم پلانلادیغینی یازیر. قزئت، انترپریس تورکیهنین، 2 مین 500 واسطهلیک فلوتو، اؤلکه سویهسینده 46 خیدمت نقطهسینه خیدمت وئررکن 2015 سونونا قدر اوفیس سایسینی 60-آ چیخاراجاغینی ایفاده ائدیر. خبرده، گلهجک 3 ایلده فیلو ظرفیتینین 5 مین واسطهیه چیخاریلاجاغی یازیلیر.
آخشام قزئتی، "موسیقینین داهیلری سزنی کشف ائتدی" باشلیقلی خبرینده، داها اوّل مارمارا اونیورسیتهسی ایلتیشیم فاکولتهسی طلبهلرینین تز موضوعسو اولان صنعتچی سزن آکسونون، بو دفعه تورکیه مرزلرینی آشدیغینی ایفاده ائدیر. قزئت، 'کیچیک سئرچه صنعتچینین، دونیانین ان پرستیژلی موسیقی مکتبی Berklee College of Music-ین لیریک یازما بؤلومو شاگیردلرینه آراشدیرما موضوعسو اولدوغونو یازیر. خبرده، طلبهلر، ایندی سئزن آکسونون یاشادیغی جمعیتین شیفرهلرینی حلّ ائتمه قابیلیتینی و واختسیز ماهنیلارا نئجه ایمضا آتدیغینی اؤیرنجگینی یازیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718881010)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.