تورکیه مطبوعاتی اؤزتی 21.07.2014
سلام حؤرمتلی اوخوجولار، تورک مطبوعاتیندا یئر آلان بعضی خبرلرین خلاصهسینی سیزلرله پایلاشاجاغیق.
وطن قزئتی، "قانلی بازار" باشلیغی آلتیندا یاییملانان خبرینده، ایسرائیلین، غزه عملیاتینین ان قانلی گونونه ایمضا آتدیغینا وورغو ائدیر. قزئت، هاوادان و یئردن وورولان شوجایهده کوچهلرین قادین و اوشاق مییتلری دولو اولدوغونو کؤچورور. ایسرائیل اوردوسونون، 100 مین اهالیسی اولان شهرده داش اوستونده داش بوراخمادیغینا ایشاره ائدن قزئت، شهردن قاچماغا چالیشان اون مینلرله فیلیسطینلینین آتش آلتیندا قالدیغینی یازیر. خبرین آیرینتیلاریندان، 85 مین غزهلیلارین، بمت نظارتینده اولان 6 مکتب و خستهخانالارا سیغیندیغینی، آنجاق ایسرائیل اوردوسونون بورالارا بئله آتش آچتیغینا دقت چکیلیر. خبرده، قیدا انبالاری آزالدیغینا و اینسانی فلاکتین قاپیدا اولدوغونا دا ایشاره ائدیلیر.
ایستار قزئتی، "آتشکس اوچون دئورهدییز" باشلیغی آلتیندا یاییملانان خبرینده، فیلیسطینده آتشکس اوچون دؤورهده اولدوقلارینی سؤیلهین باش ناظیر رجب طیب اردوغانین، "فیلیسطین، قطر و آمریکا ایله بیرلیکده چالیشیریق. میصیر ایسه کشفیات اورقانلارییلا دؤورهده. 2012-جی ایلدکی آتشکس سویهسینده بیر آتشکس اوزرینده گؤروشوروک. حال-حاضیردا اولوسلار آراسی حقوق باخیمیندان ایسرائیلین ائتدیگی جینایت. بو چوخ جدی بیر اوزی طلب ائدیر "دئدیگینی یازیر.
میللیت قزئتی، "باریشین قیمتینی بیلین" باشلیقلی خبرینده، باریش و آزادلیق بایرامی قید ائتمهلری اوچون قوزئی قیبریس تورک جمهوریتینه گئدن تورکیه پرزیدنتی عبدالله گولون، 20 ژوئیه 1974دن بو یانا آدادا 40 ایلدیر باریش و امین-آمانلیغین حاکم اولدوغونو قید ائتدیگینی ایفاده ائدیر. قزئت، گولون، قیبریسلی تورکلره "خصوصیله اورتا شرق و آغدنیزینین شدت، ترور و سیلاحلی چاتیشمالارا صحنه اولدوغو ایندیکی واختدا بونون دگرینین هر کس طرفیندن بیلینمهسی لازیمدیر" شکلینده سسلندیگینی یازیر.
صاباح قزئتی، "بوسنیالی قوربانلارا کدیرلی وداع" باشلیقلی خبرینده، بوسنیده 1992-1995 ایللری آراسینداکی ساواشده اؤلدورولن و اؤلکهنین ان بؤیوک کوتلوی مزاری اولان توماشیتسادان کئچن ایل چیخاردیلان قوربانلاردان شخصیت تثبیتی تاماملانان 284 آدامین، دونن تشکیل ائدیلن جنازه مراسیمینین آردیندان تورپاغا وئریلدیگینی یازیر . قزئت، بو گونه قدر 20 مین بوشناکین جسدینه چاتیلدیغینی 7 مین 324 قوربانین جسدینین ایسه هله ایتکین اولدوغونو ایفاده ائدیر.
آخشام قزئتی، "مرسدس-بنز تورک 6 آیی رکورلا باغلادی" باشلیقلی خبرینده، مرسدس-بنز تورک شیرکتی. دیرکتورلار هیاتی باشقانی راینر گینسین، ائتدیگی آچیقلامادا 2014ون ایلک یاریسی اوچون تورکیه اوتوموبیل سکتورونو و مرسدس-بنز تورکون ساتیشلارینی قیمتلندیردیگینی ایفاده ائدیر. قزئت، راینر گنسین، "مرسدس-بنز تورک اولاراق هر محصول قروپوموزدا موشتری مرکزلی یاناشمامیز ایله ایلکلره ایمضا آتماغا و ترند یاراتماغا داوام ائدیریک. باشاری خطیمیزی هر کئچن گون داها دا آرتیریلیریق"دئدیگینی یازیر.
خبر تورک قزئتی، "ایستانبول گونشی" باشلیقلی خبرینده، TEB BNP Paribas İstanbul Cup -ین، 'گونش ایشیغی لقبلی Caroline Wozniacki اولدوغونو ایفاده ائدیر. قزئت، دانمارکلی راکتین، فینالدا بو ایل مادریدده مغلوب ایتالیان روبرتا وینچینین ایکی ستده مغلوب ائتدیگینی یازریر.
خبرتورک قزئتینین ایدمان صحیفهسینده "بوغازدا مینلرله قولاج" باشلیغی آلتیندا نوماییش اولونان خبرده، 26. سامسونگ بوغازیچی قاره لر آراسی اوزمه یاریشلارینا 45 اؤلکهدن 1749 یوزوجونون قاتیلدیغی کؤچورولور. خبرده، حسن امره موسلووغلونون، یاریشی اوست-اوسته بئشینجی دفعه قازاناراق رکورد قیردیغی ایفاده ائدیلیر.
آزادلیق قزئتینین مدنیت-صنعت صحیفهسینده یاییملانان " بویوک پروژهنین تورک اولدوزو" باشلیغی آلتیندا نوماییش اولونان خبرده، چینین ان باهالی فیلمی "دراگون بلد" ده تورک اویونچو سورپریزی یاشاندیغی ایفاده ائدیلیر. قزئت، جکی جان، ژوهن جوساجک و آدریئن برودینین باش رولو پایلاشدیغی فیلمده امراه ییلمازین دا رول آلدیغینی یازیر. خبرده، امراه ییلمازین، بو رول اوچون 1200 آدام آراسیندان سئچیلدیگینی کؤچورور.
میللیت قزئتی، "گنج بویوکلر شامپیون" باشلیقلی خبرینده، آلت ایستروکتورلارداکی مهتشم موفقیتلره بیر یئنیسینین یونانیستانین گیریت آداسیندا داخیل ایفاده ائدیر. قزئت، اومیدلر آوروپا شامپیونلوغو فینالیندا تورکیه ایله ایسپانیانین قارشی-قارشییا گلدیگینی یازیر. خبرده میللی تیمین، ایسپانیانی 65-57 مغلوب ائدهرک ایلک دفعه اومیدلر کاتقوریسینده اوروپا شمپیونو اولدوغونو یازیلیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.