تورکیه مطبوعاتی اؤزتی 20.07.2014
سلام حؤرمتلی اوخوجولار، تورک قزئتلریندن اؤزتلرله قارشینیزداییق.
یئنی شفق قزئتی، "کریتیک 3 گون" باشلیقلی خبرینده، ایسرائیلین ایکی هفتهدیر یئردن هاوادان ووردوغو غزهده اینسانی درامین درینلشدیغینی یازیر. شهرده الکتریک و سویون اولمادیغینی، درمان رزرولرینین آزالدیغینی ایفاده ائدن قزئت، مسئوللارین، "شهرده کریتیک 3 گونه گیریلدیگینه" دقت چکیب کؤمک طلبینده اولدوغونو یازیر.
"غزهلی اوشاقلار اوچون آتشکس اعلان ائدین" باشلیغییلا میللیت قزئتی ده، ایسرائیلین عملیاتیندا 80-ا یاخین اوشاغین حیاتینی ایتیردیگینی بیلدیریر. قزئت، بین الخالق و فیلیسطینلی سیویل تشکیلاتلارینین، غزهده اؤلن اوشاقلارین سایسینداکی آرتیما دقت چکهرک، عاجیل آتشکس چاغیریسی ائتدیگینی یازیر.
خبر تورک قزئتی ده، "آنکارانین آتشکس پلانی" باشلیغییلا وئردیگی خبرده، آنکارانین، غزه قیرغینینین بیتمهسی و بؤلگهده قالیجی باریش اوچون بیر یول پلانی چکدیگینی ائشیتدیریر. قزئته گؤره آنکارا، بو 5 مادهنی تکلیف ائدیر: عملیات دورسون، قالیجی آتشکس اولسون، غزه محاصیرهسی قالخسین، کؤمک اوچون بیر لیمان، هاوا یولو آچیلسین و شالید تاکاسینداکی 59 فیلیسطینلی سربست قالسین.
حریت قزئتی، "سون گزی نیشانی" باشلیغییلا وئردیگی خبرده، پرزیدنت سئچیلدیگی 2007-جی ایلده ایلک خاریجی سیاحتینی قوزئی قیبریس تورک جمهوریتینه ائدن عبدالله گولون، پلانلاشدیریلان سون خاریج سفرینی ده قوزئی قیبریس تورک جمهوریتینه ائتدیگینی یازیر. قزئت، گوله، پرزیدنت درویش اروغلو طرفیندن قوزئی قیبریس تورک جمهوریتینین ان بؤیوک نیشانی اولان دولت نیشانی وئریلدیگینی ایفاده ائدیر. خبرده، گولون، 20 ژوئیه باریش و آزادلیق بایرامینین 40. ایلدؤنومو قید ائتمهلرینه قاتیلماق اوچون گئتدیگی آدادا، قیبر یس مسئلهسینین داها چوخ تاخیره سالینمادان بیر حلّه قوووشدورولماسی هدفینین، تورکیهنین اؤنجهلیکلی خاریجی سیاست موضوعلاری آراسیندا یئر الدیغینی سؤیلهدیگی یازیلیر.
وطن قزئتی، "هاوالیمانی علاقه آرتیمیندا اوروپا بیرینجیسیییز" باشلیقلی خبرده، نقلیات، دنیزچیلیک و خبرلشمه ناظیری لوتفو ائلوانین، تورکیهنین هاواجیلیقدا دونیانین ان اهمیتلی آکتورلاری آراسیندا ایشتیراک ائتدیگینی ایفاده ائتدیگینی یازیر. قزئت، ائلوانین، 44 اوروپا اؤلکهسیندکی 461 هاوالیمانینی ایچهرن راپورونا گؤره، تورکیهنین 2004-2014 دؤورونده هاوالیمانی علاقه آرتیمیندا اوروپا بیرینجیسی اولدوغونو سؤیلهدیگینی یازیر.
یئنی شفق قزئتی، "فیلهنین سلطانلاری اوروپا شامپیونو" باشلیقلی خبرینده، آ میللی قادین والیبال میللی تیمینین، CEV اوروپا لیگی فینالیندا، آلمانیانی ایلک اویسونوندا اولدوغو کیمی عینی حسابلا 3-1 مغلوب ائدهرک تاریخینده ایلک دفعه شامپیونلوق سئوینجی یاشادیغینی ائشیتدیریر. قزئت، فیلهنین سلطانلارینین، بیر سونراکی FIVB دونیا لیگیینه بیرباشا قاتیلما حقی ده الده ائتدیگینی یازیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.