تورکیه مطبوعاتی اؤزتی 17.07.2014
سلام حؤرمت‌لی اوخوجولار، تورک مطبوعاتیندا یئر آلان بعضی خبرلرین خلاصه‌سینی سیزلرله پایلاشاجاغیق.
خبرتورک قزئتی، "ایسراییل، چمنلیکده اوینایان دؤرد اوشاغی اؤلدوردو" باش‌لیق‌لی خبرینده، ایسراییلین، غزه‌ده چمنلیگه ائتدیگی سالدیریدا 4 اوشاغین اؤلدوگونو ایفاده ائدیر. قزئت، سالدیریلارین باشلانغیجین‌دان بو یانا اؤلن اوشاق‌لارین سایسی‌نین 40-دان اوزرینه چیخدیغینا ایشاره ائدیر.
صاباح قزئتی، "بروشورله قیرغین اعلانی" باش‌لیق‌لی خبرینده، دونن سحر ایسراییل تییاره‌لری‌نین، شرق غزه‌یه بروشور یاغدیردیغینی ایفاده ائدیر. قزئت، بروشور‌لار و تلفونلا ائدیلن چاغری‌لاردا بؤلگه‌دکی 100 مین آداما، "عملیات باشلاداجاغی، ائوینیزدن چیخین" خبردارلیغی ائدیلدیگینی ائشیتدیریر. خبرده، کوچه‌لره تؤکولن مین‌لرله فیلیسطین‌لی‌نین، هارا سیغیناجاغینی بیله‌مدیغینی وورغو ائدیلیر.
حریت قزئتی، "غزه‌ده خسته‌خانا‌لار بئله هدف" باش‌لیغی آلتیندا یاییم‌لانان خبرینده، باشاریسز آتشکس جهدی سونراسیندا ایسراییلین، حماسین اوست سویه رهبرلرینه عایید ائولرین ده اولدوغو 35 بینانی هدف آلدیغینی یازیر. قزئت، فلج و کوماداکی خسته‌لرین قالدیغی وفا خسته‌خاناسینا داهی "بوشالدین" خبردارلیغی ائدیلدیگینی وورغولاییر.
وطن قزئتینده "ایسراییل دؤیوش جینایتی ایشلییر" باش‌لیغی آلتیندا یاییم‌لانان خبرینده، ایسراییل هاارئتض قزئتی‌نین یازاری گیدئون لئوی‌نین، غزه‌ده بیر مکتب و خسته‌خانانی بومبالایان ایسراییل اوردوسونو تنقید ائتدیغینی یازیر. قزئت، لئوی‌نین، ایسراییلین سیویل وطنداش‌لاری هدف آلان سالدیریلارییلا ساواش جینایتی ایشلدیگینی اهمیت سوردوگونو ایفاده ائدیر.
ایستار قزئتی، "هولندی سربرنیتسا قیرغی‌نیندا گوناهکار چیخدی" باش‌لیق‌لی خبرینده، هولند محکمه‌سی‌نین، 1995-جی ایلده رئال‌لاشان سربرنیتسا قیرغی‌نیندا 300 بوشناکین اؤلدورولمه‌سین‌دن اؤتورو هولندین مسئول اولدوغونا قرار وئردیگینی ایفاده ائدیر. قزئت، محکمه‌نین، هولند‌لی باریش گوجو عسگرلری‌نین بوسنیا‌لی صرب‌لر طرفین‌دن محاصیره اولان مسلمان‌لاری قورویامادیغینی ایفاده ائتدیگینی یازیر. سربرنیتسا قیرغینی اثناسیندا 7 مین‌دن چوخ اینسانین حیاتینی ایتیردیگینه ایشاره ائدن قزئت، سربرنیتسانین، 2-جی دونیا محاربه‌سین‌دن سونرا اوروپانین ان بؤیوک قیرغین اولا‌راق قیمتلندیریلدیگینی دقت چکیر.
وطن قزئتی، " BRICS-دن IMF-نین رقیب بانک" باش‌لیق‌لی خبرینده BRICS اؤلکه‌لری‌نین لیدرلری‌نین، 100 میلیارد دولارلیق یئنی بیر اینکیشاف بانکی و اولوسلار آراسی صاندیغی ایله دونیا بانکی کیمی تشکیلات‌لارا بنزر بیر شکیلده حرکت ائده‌جک ارز رزروی فوندو قورولماسی قوونوسوندا راضیلاشماغا چاتدیغینی ایفاده ائدیر. قزئت، برزیل دولت باشقانی دیلما روسفین، BRICS لیدرلری‌نین، فورتالزا بیاننامه‌سینی ایمضالاماسی‌نین آردین‌دان ائتدیگی دانیشمادا، یئنی قاخینما بانکی‌نین مرکزی‌نین شانگای، اوست ایدارچی‌سی‌نین هیند و بؤلگه اوفیسی‌نین جنوبی آفریقادا اولاجاغینی آچیقلادیغینی ائشیتدیریر.
ایستار قزئتی، "مسعوددا غزه‌یه 450 مین آورو" باش‌لیق‌لی خبرینده، آلمانیانین تورک اصیل‌لی اویونچوسو مسعود اؤزیل‌ین، دونیا شامپیون‌لوغو پریمینی غزه‌یه باغیشلادی کؤچورور. قزئت، اولدوز فوتبالچی‌نین، فدراسیوندا آلدیغی 300 مین آورویا 150 مین آورو علاوه 450 مین آورولوق هدیه ائتدیگینی ایفاده ائدیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
