تورکیه مطبوعاتی اؤزتی 14.07.2014
سلام حؤرمتلی اوخوجولار، تورک مطبوعاتیندا یئر آلان بعضی خبرلرین خلاصهسینی سیزلرله پایلاشاجاغیق.
میللیت قزئتی، "ان قانلی گئجهده 50-دن چوخ اؤلو" باشلیقلی خبرینده، ایسراییلین، باشلاتدیغی "قورویوجو اوچوروم" نیظامی عملیاتی آلتینجی گونونه گیررکن یوزلرله اینسانی اؤلدوردوگونو ایفاده ائدیر. قزئت، جمعه ارتئسینی بازارا باغلایان گئجه غزهنین اوزرینه دوشن بومبالارین ان آز 50 نفرین حیاتینی سونلاندیردیغینی کؤچورهرک بئلهلیکله هاوا و دنیزدن سالدیریلارین ان چوخ جان آلدیغی گونون شنبه اولدوغونا وورغو ائدیر. قزئت، غزهنین شیمالینداکی ائولره ائدیلن آختارمالاردا بؤلگهنین بومبالاناجاغی دئییلهرک فیلیسطینلیلرین ائولرینی ترک ائتمهلری ایستندیگینی یازیر. خبرده، تئز-تلسیک ائولرینی ترک ائدن فیلیسطینلیلردن بعضیلرینین، بیرلشمیش میللتلر تشکیلاتینین مکتبلرینه سیغیندیغی ایفاده ائدیلیر.
یئنی شفق قزئتی، "دونیا آیاقدا" باشلیغی آلتیندا یاییملانان خبرینده، شیلیده جنوبی کورهیه، ایسپانیادان افغانیستانا مینلرله اینسانین ایسراییلی قینادیغینی وورغولاییر. قزئت، آمریکادا گؤستریلرین عنوانینین آغ ائو اؤنو و سان فرانسیسکو اولدوغونو ایفاده ائدیر. لیبینین پایتختی طرابلوسدا دا خالقین غزهیه صاحب چیخدیغینی ایفاده ائدن قزئت، فرانسانین، ایسراییلی اؤلچوسوز اعتراض ائتمکله گوناهلاندیردیغینی ایفاده ائدیر. خبرین آیرینتیلاریندان تورک قیزیل آینین، ایسراییلین قزهیه ایستیقامتلی حرکتینین یول آچدیغی دهشتلی و قایغی وئریجی گلیشمهلر چرچیوهسینده بؤلگهیه قیدا کمکی گؤندرهجگی یازیر. 5 مین فیلیسطینلی عائلهیه قیدا کمکی گؤندریلمهسی اوچون حاضیرلیقلارین سوردوگونه دقت چکن قزئت، نقلیاتین نئجه تامین ائدیلهجگینین نتلشمسینین آردیندان یاردیملارین بؤلگهیه سؤوق ائدیلهجگینی ایفاده ائدیر. خبرده تورک قیزیل آینین، احتیاج دویولماسی حالیندا بؤلگهیه درمان کمکینده ائتمک وظیفهسینی ده قبوا ائه جگیغینه دقت چکیلیر.
یئنی شفق قزئتی، "آجیلار توپلاندی" باشلیقلی خبرینده، بوسنی ساواشیندا شهید اولانلارین یاخینلارینین، کراویتساداکی سویقیریم کمپینی زیارت ائتدیگینی یازیر. قزئت، میندن چوخ بوشناکین قتل ائدیلدیگی کمپه ائدیلن زیارتین، کدرلی آنلارا صحنه اولدوغونو ایفاده ائدیر.
ایستار قزئتی، "شوواردنادز-نی سون یولا سالماق" باشلیقلی خبرینده، کئچن هفته حیاتینی ایتیرن گورجوستانین اسکی جمهوریت باشقان ادوارد شوواردنادزنین، تشکیل ائدیلن دولت مراسیمینین آردیندان تورپاغا وئریلدیگینی ایفاده ائدیر.
خبرتورک قزئتی، "صادراتچی یوزده 10 بؤیوین اوتوموبیل رکوردا گئدیر" باشلیقلی خبرینده، تورک اوتوموبیل صنایعین، بو ایلین ایلک آلتی آییندا تولید گوجونو صادراتلا دستکلدیگینی ایفاده ائدیر. قزئت، کئچن ایلین عینی دؤورونه گؤره یوزده 10-ا چاتان بیر ظرفیت آرتیمینا چاتیلدیغینی یازیر. خبرده، سکتورون، ایل سونوندا 1 میلیون 190 مین عددی کئچهرک رکوردا ایمضا آتماغا حاضیرلاندیغینا ایشاره ائدیلیر.
صاباح قزئتی، "هاوادا تاریخی رکورد" باشلیقلی خبرینده، تورکیهده هاواچیلیق سکتورونون تاریخی بیر بؤیومهیه ایمضا آتدیغینی ایفاده ائدیر. قزئت، سون 10 ایلده تیجارت اوچوش سایسینین یوزده 168 آرتیم گؤستردیگینی یازیر. خبرده، جمعی مسافر سایسینین ایسه یوزده 233 آرتیم گؤسترهرک 150 میلیونا چاتدیغینی ایفاده ائدیر.
حریت قزئتینین ایدمان صحیفهسینده یاییملانان "فوتبالین کرالی آلمانیا" باشلیقلی خبرده 2014 دونیا کوپاسی فینالیندا اوزاتمالاردا ماریو گؤتزین قول ایله آرژانتینی 1-0 مغلوب ائدن آلمانیانین، دونیا شامپیونو اولدوغو و کوپا 4-جو دفعه موزهسینه آپاردیغی بیلدیریلیر. قزئت، بو نتیجه ایله ایلک دفعه بیر اوروپا تیمینین، آمریکا قارّهسینده اوینانان کوپا فینالینی قازانمیش اولدوغونا ایشاره ائدیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719082101)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.