تورکیه مطبوعاتی اؤزتی 11.07.2014
وطن قزئتی، "۳٦ ساعاتدا ٤۰۰ تن بومبا" باش‌لیق‌لی خبرینده ایسراییل اوردوسونون، قورویوجو خط عملیاتی‌نین ایلک ایکی گونونده غزه‌یه ٤۰۰ تنون اوزرینده بومبا آتدیغینی ایفاده ائدیر. قزئت، ایسراییلین، ۲۰۱۲.جی ایلده ۸ گون داوام ائدن بولوت سوتونو عملیاتیندا ووردوغو هدف ساییسینا ۳٦ ساعاتدا چاتدیغینا وورغو ائدیر.
یئنی شفق قزئتی، "غزه اوچون عاجل توپلانتی" باش‌لیغی آلتیندا یاییملانان خبرینده، ایسراییلین غزه‌یه هاوا و دنیزدن هوجوم باشلاتماسی‌نین آردین‌دان ایسلام امکداش‌لیق تشکیلاتی ایجرا کمیته‌سی‌نین، عربیستا‌نین جده شهرینده اولاغان اوستو توپلاندیغینی یازیر. قزئت، توپلانتیدا تورکیه‌نی تمثیل ائدن باشباخان کؤمکچی‌سی امراهلا ایشلرین، ایسراییلی غزه‌یه قارشی توپ‌لو جزالاندیرما اصولویلا داوام ائتدیردیگی سالدیری‌لارینی درحال دوردورماغا چاغیردیغینی یازیر. خبرین آیرینتیلاریندا باشباخان رجب طیب اردوغانین، ایسراییلین هوجوم‌لارینا معروض قالان غزه‌یه عاجل یاردیم ائدیلمه‌سی تعلیماتی وئردیگی ایفاده ائدیلیر. قزئت، باشباخانلیق قایناقلاریندان الده ائدیلن بیلگییه گؤره، باشباخان اردوغانین تعلیماتییلا باشباخان کؤمکچی‌سی امراهلا ایشلره باغلی تورک امکداش‌لیق و کووردیناسیون آژانسی‌نین (تیکا)، غزه اوچون عاجل قیدا و درمان کمکی ائدجیینی ایفاده ائدیر.
آخشام قزئتی، "او.ای.سی.دی تخمینینی یوزده ۳،۳ اولاراق یوکسلتدی" باش‌لیق‌لی خبرینده هر ایکی ایلده بیر یاییملان تورکیه اقتصادی آنکتی آدلی راپوروندا او.ای.سی.دی‌نین، تورکیه‌نین بو ایل بؤیومه گؤزلنتی‌سینی یوزده ۳،۳ رقمینه چیخاردیغینی یازیر. قزئت، می آییندا یاییملانان اقتصادی گؤرونوم راپوروندا بو گؤزلنتی‌نین یوزده ۲،۸ اولاراق گرچکلشدیگینی یازیر. خبرده، او.ای.سی.دی‌نین، اؤنوموزدکی ایل اوچون ایسه تورکیه‌نین یوزده ٤ بؤیویه‌جگینه دایر تخمین‌لرینده دییشیک‌لیک ائتمدیگی ایفاده ائدیلیر.
صاباح قزئتی، "گیریشیمچیلیک‌ده آوروپا لیدئری‌ییک" باش‌لیق‌لی خبرینده، اینگیلتره مرکزلی بیر مشاوره شیرکتی طرفین‌دن ائدیلن آراشدیرمایا گؤره، گیریشیمچیلیگین ان یوکسک اولدوغو آوروپا اؤلکه‌سی‌نین تورکیه اولدوغونو ایفاده ائدیر. قزئت، ایش آدام‌لاری‌نین آلدیغی ریسک‌لر، جسارت و تدبیرلرین آراشدیریلدیغی آراشدیرمادا تورکیه‌نین دونیا سویه‌سینده ایسه ایکینجی اولدوغونو یازیر.
خبرتورک قزئتی، "٥ آیدا ۱٥ میلیون زیارتچی" باش‌لیق‌لی خبرینده، تورکیه‌نین ان اؤنملی توریزم شهرلرین‌دن بیری اولان آنتالیادا توریزم مؤوسومونون حرکتلنمه‌یه باشلادیغینی ایفاده ائدیر. قزئت، هاوا‌لارین یاخشی‌دان یاخشییا ایستی‌لنه‌رک مؤوسوم نورماللاری‌نین اوزرینه چیخماسییلا بیرلیکده گلن توریست ساییسی‌نین دا آرتماغا داوام ائتدیگینه وورغو ائدیر. ایلین ایلک ٥ آییندا آنتالیایا گلن توریست ساییسی‌نین گئچن ایلین عینی دؤورونه گؤره آرتیش گؤستردیگینی یازان قزئت، ۲۰۱۳.جو ایلین ایلک ٥ آییندا آنتالیا هاوالیمانینا گلن یولچو ساییسی‌نین ۱٤ میلیون ۹٤۲ مین ٥٤٥ اولاراق آچیقلاندیغینی ایفاده ائده‌رک ۲۰۱٤.جو ایلین عینی دؤورونده بو سایینین ۱٥ میلیون ۱۷۷ مین ۷۱۲ اولدوغونو ایفاده ائدیر.
وطن قزئتی، "حاضر بتونچولار ایستانبولا گلیر" باش‌لیق‌لی خبرینده تورکیه حاضر بتون بیرلیگی‌نین، آوروپا حاضر بتون بیرلیگی ۲۰۱٥ کنگره‌سینی تورکیه‌یه قازاندیردیغینی ایفاده ائدیر. قزئت، تورکیه حاضر بتون بیرلیگی‌نین، دونیانین معروف نماینده‌لرینی ٤-٥ ژوئن ۲۰۱٥.جی ایلده ایستانبولدا آغیرلایاجاغینی یازیر.
میللیت قزئتی‌نین ایدمان صحیفه‌سینده یاییملانان "یئنی هدف ۲۰۱۸" باش‌لیق‌لی خبرده، آرژانتین-هلند یاری فینال اویونو باشارییلا یؤنه‌دن جونیت چاکیرین، ایندی‌دن یئنی هدفینی تعیین ائتدیگینی یازیر. خبرده چاکیرین، ۲۰۱۸.جی ایلده روسیادا گئچیریله‌جک دونیا کاپیندا فینا‌لی یؤنه‌دمک اوچون چالیشاجاغی بیلدیریلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
