تورکیه مطبوعاتی اؤزتی 08.06/2014
سلام حؤرمتلی اوخویوجولار، تورک مطبوعاتیندا یئر آان بعضی خبرلرین خلاصهسینی سیزلرله پایلاشاجاغیق.
یئنی شفق قزئتی، "محمدین قاتیللریندن اعتراف" باشلیقلی خبرینده فیلیسطینلی گنج محمد ابو خضیرین، شرقی قودسده قاچیریلاراق اؤلدورولمهسیندن سونرا نظارته آلینان آلتی شوبههلی اوچونون گوناهلارینی اعتراف ائتدیگینی ایفاده ائدیر. قزئت، ایسراییل هاآرتض قزئتینین اینترنت سایتینداکی خبره گؤره خضیری اؤلدوردوکلرینی قبول ائدن شوبههلیلر حادثه یئرلرینده پولیس طرفیندن مانئور ائتدیریلدیگینی یازیر.
وطن قزئتی، "آکان مسلمان قانینی دایاندیرماغا چالیشاجاغیق" باشلیقلی خبرینده، الجزیره تلویزیونونون، دیانت ایشلری باشقانی پروفسور دوکتور محمت گؤرمز ایله ائتدیگی رپورتاژا توخونور. قزئت، گؤرمزین، "بو آیین 17-ده آوراسیا جوغرافیاسینداکی بوتون دینی قوروملارلا، چاتیشما بؤلگهسیندکی اؤلکهلرین علم آداملارینی دعوت ائتدیک. قانی دایاندیرماق ایستییریک "دئدیگینی ایفاده ائدیر.
یئنی شفق قزئتی، "گوموش تولکودن وداع" باشلیغی آلتیندا یاییملانان خبرینده گورجوستانین کئچمیش جمهور باشقانی ادوارد شواردنادزنین، 86 یاشیندا وفات ائتدیگینی ایفاده ائدیر. قزئت، شواردنادزنین اوزون مدتدیر معالیجه گؤردوگونو یازیر.
میللیت قزئتی، "تورک دوستو یازار مانگویا وداع" باشلیقلی خبرینده، آتاتورک حاقیندا یازدیغی بیوقرافیا کیتابلاری تانینان اینگیلیس تاریخچی و یازار اندروومانگو-نون، اوّلکی گون 88 یاشیندا حیاتینی ایتیردیگینی ایفاده ائدیر. قزئت، ایستانبولدا 1926-جی ایلده دوغان مانگونون، 1940-جی ایللرده اینگیلترهنین آنکارا سفیرلیگینده مطبوعات واحیدینده چالیشدیغینی یازیر. قزئت، اینگیلیس نشر قورولوشو بی.بی.سی-ده 14 ایل بویونجا تورکجه یاینلار بؤلومونون ایدارچیلیگینی ائدن مانگونون تقاودچو اولدوقدان سونرا تئز-تئز تورکیهیه گلدیگینی و بوتون ایشلرینی تورکیه ایله باغلی موضوعلارا آییردیغینی وورغولاییر.
ایستار قزئتی، "پاکیستاندان تورکیهیه قاطار سفری" باشلیقلی خبرینده، 2009-جو ایلده باشلایان آنجاق 2011-جی ایلده مختلیف سببلرله دایانان تورکیه-پاکیستان آراسینداکی کانتینر قاطارلارینین یئنیدن یولا چیخاجاغینی یازیر. قزئت، پاکیستانلی قایناقلارین، ایشلرین سورعتلندیگینی ایفاده ائدهرک گؤزلنیلندن داها قیسا مدتده سفرلری باشلایاجاغینی سؤیلهدیگینی یازیر.
آخشام قزئتی، ایقتیصاد صحیفهسینده یاییملانان "خاریجی بانکلارین ماراغی داوام ائدهجک" باشلیقلی خبرینده، ایتالیان یونی کرئدیت بانکینین ایجراچی دیرکتورو فدرریکو گیزونینین، بیر تلویزیون کانالینا وئردیگی رئپورتاژدا تورکیهیه خاریجی بانکلارین علاقهسینین داوام ائدهجگینی سؤیلهدیگینی یازیر. قزئت، گیزونینین، "تورکیه بوگویهجگیمیز 3-4 اؤلکهدن بیری. باشقا خاریجی بانکلار دا تورکیهنین قاپیسینی چالاجاقدیر. بو معنادا اینتزانین دا شعبه آچاجاق اولماسینی ممنونیتله قارشیلاییریق. "شکلینده دانیشدیغینی کؤچورور.
صاباح قزئتی، "تورک اف-16لار حیرتلندیردی" باشلیقلی خبرینده، اینگیلترهنین وادنگتون شهرینده کراللیق هاوا قوجلری (RAF) هاوا شووو کیمی نوماییش رئاللاشدیران تورک اف-16لارینین، اینگیلیس مئدیاسینا بومبا کیمی دوشدوگونو یازیر. قزئت، داها اوّل "ان یاخشی اوچوش گؤستریسی" موکافاتینی قازانان سولو تورک قروپوندان بیر اف-16-نین، نورمالیندان داها آلچاق ائنیش ائدینجه، پیست یاخینینداکی تاماشاچیلارین اورکلرینین آغزینا گلدیگینی ایفاده ائدیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718832921)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.