تورکیه مطبوعاتی اؤزتی 06.07.2014
حریت قزئتی: "پاریسده فرقلی بیر تورکیه ایماژی.
فرانسادا، محلی خاریجی بیر چوخ حاضیر گئییم فیرماسینی بیر آرایا گتیرن " Who's Next " پاریس مودا سرگیسی قاپیلارینی آچدی. بو ایلکی فخری قوناغی تورکیه اولان سرگییه، تورکیهدن واککو، اؤزلم سوئر و مهتاب الایدی کیمی آدلاردان عبارت اولان تخمینن 50 مارک و دیزاینر قاتیلدی. سرگیده، مختلیف اؤلکهلردن 2 مینی آشان حاضیر گئییم و آکسئسوار مارکی ایشتیراک ائدیر. "
میللیت قزئتی: "چیندن بویوک تورکیه پروژهسی.
چین رهبرلیگی سینجان اویغور بؤلگهسیندن تورکیهیه اوزاناجاق سرعتلی قاتار خطی اوچون 150 میلیارد دولاری گؤزدن چیخارتدی. چینین ان بؤیوک لوکوموتیو و واگون اوره تیسی اولان جسرین باشقانی زهاو خیاویانگ، سینجاندا باشلایاجاق 6000 کیلومتر اوزونلوغونداکی سرعتلی قاطار خطینین قیرقیزیستان، تاجیکیستان، اؤزبکیستان، تورکمنیستان، ایران و تورکیهیه اوزاناجاغینی قید ائتدی. "
آخشام قزئتی: "تورکیهدکی ایشلرDMW-یه ECOSOC عضولوگو گتیردی.
تورکیه ایله اوروپا بیرلیگیی آراسیندا بو گونه قدر کؤرپو وظیفهسی گؤرن DMW بین الخالق دیپلوماتلار بیرلیگی، ایللردیر داوام ائتدیردیگی چوخلو چابالارینین قارشیلیغینی آلدی. بیرلیک، اوچ ایل اوّل مراجعت ائتدیغی بیرلشمیش میللتلر تشکیلاتینین اقتصادی و سوسیال شوراسینین (ECOSOC) عضولوگونه قبول ائدیلدی. تورکیهنین اوروپا بیرلیگی عضولوگونون یانیندا قیبریس مسئلهسی، فرانساداکی سؤزده ارمنی سویقیریم قانون پروژهسی، اوروپاداکی ایسلام علیهدارلیغی و سون اولاراق دا آلمانیادا اؤلدورولن تورکلر موضوعسوندا ائتدیگی ایشلرله دقتلری اوزرینه چکن بین الخالق دیپلوماتلار بیرلیگی، بئلهجه، بیر قانون داها ایمضا آتدی . "
ایستار قزئتی: "1 میلیون محلی توریست تعطیلی 15 گونه سیغدیردی.
تورکیه سیاحت آژانسلاری بیرلیگی، (TÜRSAB) 2014 تورکیه توریزم فصلی راپورونو آچیقلادی. سون ایللرده رمضان آیینین فصلین تام اورتاسینا گلمهسینین ده تاثیریله محلی توریستین سئچیمی ده ایکییه بؤلوندو. توپلام محلی توریستین یوزده 28ه، یعنی تخمینن 1 میلیون محلی توریست 15 ژوئن-30 ژوئیه تاریخلری آراسیندا تعطیله قاچیر. ایکینجی بؤیوک حرکت ایسه رمضان بایرامینین باشلادیغی 27 ژوئیه ایله مکتبلرین آچیلاجاغی 15 سپتامبر تاریخلری آراسینداکی 6 هفتهلیک مدتده رئاللاشاجاق. "
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718874438)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.