تورکیه مطبوعایت اؤزتی 01.07.2014
سلام حؤرمتلی اوخوجولار، تورک مطبوعاتیندا یئر آلان بعضی خبرلرین خلاصهسینی سیزلرله پایلاشاجاغیق.
یئنی شفق قزئتی، "مشعل ایله تلفوندا گؤروشدو" باشلیقلی خبرینده، حماس سیاسی بورو رئیسی خالد مشعلین، تورکیه خاریجی ایشلر ناظیری احمد داوود اوغلونا ایسراییلین غزه و غرب شرعییهدکی عملیاتلاری حاقیندا معلومات وئردیگینی ایفاده ائدیر. قزئت، مشعلین، داوود اوغلوندان ایسراییلین سالدیریلارینین دایاندیریلماسی اوچون اولوسلار آراسی جمعیتین بیر آن اوّل حرکته کئچیریلمهسینی طلب ائتدیگینی یازیر. خبرده، مشعلین، آیریجا غزهیه تطبیق اولونان تحریمه سون وئریلمهسینی ایستدیگی ده یازیلیر.
وطن قزئتی، "رودوسلولار مکتبین آچیلماسینی ایستییر" باشلیغی آلتیندا یاییملانان خبرینده، عثمانلی امپراتورلوغونون تخمینن 400 ایل حؤکم سوردوگو رودوسدا یاشایان مسلمانلارین، 42 ایل اوّل رستوراسیون سببیله باغلانیلان تورک مکتبینین یئنیدن آچیلماسینی ایستدیگینی بیلدیریر.
میللیت قزئتی، "مظفرگرهده' طیب اردوغان هاسپیتیل سئوینجی" باشلیقلی خبرینده، پاکیستانین جنوبونداکی مظفرگاره شهرینده تیکیلن و بؤلگهنین ان معاصیر ساغلیق تاسیسی اولان طیب اردوغان خسته خانانین، خسته قبوللاریندا و معالیجهلرینه باشلادیغینی یازیر. قزئت، تیکمهسینی تورکیهنین بوینونا گؤتوردوگو خستهخانانی زیارت ائدن و بوتون واحیدلردن معلومات آلان پنجاب ایالتی باش ناظیری محمد شاهباز شریفین، ان سون تکنولوژی جیهازلار و ساغلیق جیهازلارییلا تجهیز ائدیلن 500 یاتاقلی طیب اردوغان هاسپیتیلی، تورکیه حکومتینین و خالقینین جنوبی پنجاب ایالتینده بیر هدیهسی اولدوغونو سؤیلهدیگینی یازیر.
صاباح قزئتی، "تیکادان کنیایا دستک" باشلیقلی خبرینده، تورک امکداشلیق و کووردیناسیا آژانسی باشقانلیغی (تیکا) ایله ایستانبول بؤیوکشهر بلدیهسینین، کنیانین گاریسا ایالتینه 6 هیدرولیک سیخیشدیرمالی زیبیل ماشینی و 400 زیبیل کانتینر دستگینده اولدوغونو ایفاده ائدیر. قزئت، سؤز موضوعسو زیبیل ماشینی و کانتینرلر تورکیهنین نایروبی سفیرلیگینده تشکیل ائدیلن مراسیمله مسئوللارا تسلیم ائدیلدیگینی یازیر. خبرده، گاریسا والیسی ناتیف ژاماه آدام-ین، تیکانین کئنیادا، خصوصیله ده شیمال-شرق کنیادا بیر چوخ لاییحه بوینونا گؤتوردوگونو ایفاده ائتدیگی یازیلیر. قزئت، تورکیهنین نایروبی سفیری حسین آونی آکسویون ایسه تیکانین کنیادا اینسانلارین حیاتلارینی دگیشدیردیگینی سؤیلهدیگینی بیلدیریر.
خبر تورک قزئتی، "تورک علم آداملارینا اؤدولو" باشلیقلی خبرینده، تورک علم آداملارینین، اورولوژی ساحهسینده اهمیتلی بیر تئزی چوروتدوغونو ایفاده ائدیر. قزئت، دونیادا مشهور اولان "بؤیرهیه سوندا تاخیلماسی" تطبیقینین فایدالی اولمادیغینی اورتایا قویان علم آداملارینین؛ اینگیلتره، فرانسا، آلمانیا، هلند، آمریکا، ژاپون و کوره داخیل بیر چوخ اؤلکهنین ایشتیراکی ایله هر ایل ائدیلن آوروپا اوشاق اورولوژیسی کونقرهسینده (ESPU) اؤدوله لاییق گؤرولدوگونو یازیر.
خبرتورک قزئتی، "دونیانین ان گؤزده شار اوچوش ساحهسی" باشلیغی آلتیندا یاییملانان خبرینده، کاپادوکیانین، ایلده 300 گون اوچوش ائدیله خوصوصیتیله دونیادا ایستی هاوا بالونجولوغونون ان گؤزده مرکزی حالینا گلدیگینی وورغولاییر. قزئت، کئچن ایل بؤلگهیه گلن چوخو خاریجی 430 مین آدامین میندیگی ایستی هاوا بالونلارینین کاپادوکیا ایله اؤزدشلشدیغینه دقت چکیر.
آخشام قزئتی، "بارسلونانین قانادلاری بئکو" باشلیقلی خبرینده، دونیا فوتبالینین نهنگ مارکاسی بارسئلونایا تورک دامغاسینین وورولدوغونو ایفاده ائدیر. قزئت، اولوسلار آراسی آغ اشیا اورهتیجیسی تورک مارکاسی بئکونون، مشهور فوتبال تیمینین 3. ان بؤیوک ایسپونسورو اولدوغونو ایفاده ائدیر. خبرده، هیاتینده مئسی، نیمار کیمی اولدوزلاری ساخلایان بارسلونانین فورماسینین قوللاریندا 4 ایل بویونجا بئکو یازاجاغی یازیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718828369)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.