تورکیه مطبوعاتی اؤزتی 28.06.2014

صاباح قزئتی: خاریجی ایشلر ناظری احمد داووداوغلونون "بؤلگه‌سل تشکیلات‌لارین آراچیلیقدا آرتان رولو" مؤوضوعلو اوچونجو ایستانبول آراچیلی‌لیق کنفرانسینداکی دانیشما‌لارینا یئر وئریر.
قزئت، داووداوغلونون عراق و سوریه بحرانی ایله مجادیله ایله ایلگیلی اولا‌راق، "ب.م.ت امنیت شوراسی‌نین دوغرو زاماندا دوغرو اینسانی، ائورنسل دگرلره ایستیناد ائده‌رک حیاتا گئچیره‌بیلمه‌دیگی چالیشمالاردان اؤترو بو نقطه‌یه گلمیش اولوروق. عراق و سوریه دولاشیق بیر شکیلده بیر بیرینه باغلانمیش وضعیتده. حاضردا بؤیوک بیر بحران قاپیمیزدا و بیز قونشولار اولا‌راق بون‌دان ائتکیله‌نیریک" دئدیگینی یازیر.
یئنی شفق قزئتی: "ایکی گونده ۱ الکتریک سانترالی" باش‌لیق‌لی خبرینده انرژی و طبیعی قایناق‌لار باخانی تان‌ار ییلدیزین، ۲۰۱٤ون ایلک بئش آییندا ۱۰۱ الئتریک سانترالی‌نین دؤوره‌یه آلیندیغینی ایفاده ائده‌رک، هر ایکی گونده ان آز بیر الکتریک سانترالینی خیدمته آچمیش اولدوق دئدیگینه یئر وئریر.
قزئت، گئچن ایلین ایلک بئش آییندا دؤوره‌یه گیرن توپلام الکتریک اوره‌دیم تاسیس‌لری‌نین قورولو گوجونون ۱۲٦٤ مگاواتدا قالدیغینی ایفاده ائدن ییلدیزین، بو ایلین عینی دؤورونده ایسه قورولو گوجون ۲۱۹۷ مگاواتا چاتدیغینی ایفاده ائتدیگینی یازیر. خبرده، تان‌ار ییلدیزین، قورولو گوجوموز یوزده ۱۳ آرتیشلا ٦٦ مین ۱۳٤ مگاواتا چاتدی. سانترال ساییسی ایسه عینی دؤورده یوزده ۲۰،۸ آرتیشلا ۸۲۲دن ۹۹۳ اوادو شکلین‌دکی آچیقلامالاریمی پایلاشیر.
میلیت قزئتی: ایلک دفعه بیر تورک تانکینا رئاکتیو زره قوروما قابیلیتی قازاندیریلدیغینی یازیر.
قزئت، کایسری ۲.جی آنا باخیم مرکزینده م٦۰ ت تانک پروژیه‌سیله ایلک دفعه بیر تورک تانکینا رئاکتیو زره قوروما قابیلیتی قازاندیریلدیغینی بیلدیریر.
خبرده، تورک سلاح‌لی گوج‌لری بنیه‌سینده اولان زنجیرلی آراج‌لارین یئنی‌له‌شدیریلمه‌سینی، مودرنیزاسیونونون باشارییلا یاپان ۲.جی آنا باخیم مرکزی‌نین، ناتو کیفیت گوونجه‌سیله تورک اوردوسونون الین‌دکی بوتون تانک‌لاری الدن گئچیره‌رک، یئنیلمه وظیفه‌سینی داوام ائتدیریب، اؤلکه بودجه‌سینه اؤنم‌لی قناعت تامین ائتدیگینه یئر وئریلیر.
حریت قزئتی: ت.ر.ت باش مودورو ابراهیم شاهینین، یاخین‌لاشان یئنی یایین دؤورونو دگرلندیردیگینی یازیر.
قزئت، بو ایل ت.ر.ت‌نین اللینجی، تورک سینماسینین یوزونجو ایلینی قوتلادیغینی خاطیرلا‌دان شاهینین، ت.ر.ت‌نین وظیفه‌لرین‌دن بیری‌نین ده سینما سئکتورونا قاتقی وئرمک اولدوغونو سؤیلدیگینی، بونون اوچون ت.ر.ت اولا‌راق اوتوزو تلویزیون فیلمی یاپدیرما قراری آلدیق‌لارینی ایفاده ائتدیگینی بیلدیریر.
خبرده، شاهینین، "تورکیه‌‌ده هله گیریلممیش حکایه‌لر اولدوغونا اینانیریق. الینده سسناریو‌سو اولان، شیرکت یا دا شخص هئچ فرق ائتمز، کیم اولورسا اولسون ۳۱ جولایا قدر بیزه مراجعت ائده‌بیلر. بون‌لار ایچین‌دن سئچه‌جگیمیز اوتوزونو تلویزیون فیلمی یاپدیراجاییق. بیز هر کسین یاپدیغینی دئییل، کیمسه‌نین یاپمادیغی، گیرمه‌یه جسارت ائتمدیگی ایشلره گیریریک. بئله‌جه سئکتورا یئنی سناریست‌لر، اویونچولار و یاپیمچیلارقازاندیرمایی پلان‌لاشدیریریق" دئدیگی یازیلیر.