تورکیه مطبوعاتی اؤزتی 15.06.2014
سلام حؤرمتلی دینلییجیلر، تورک مطبوعاتیندا یئر آلان بعضی خبرلرین خلاصهسینی سیزلرله پایلاشاجاغیق.
یئنی شفق قزئتی، "آلبانیایا نامیزدلیک ایستاتوسو" باشلیقلی خبرینده، تام عضولوک اوچون 2009-جی ایلده آوروپا بیرلیگینه (آب) مراجعت ائدن آلبانی'یه نامیزدلیک اؤلکه ایستاتوسو وئریلدیگینی ایفاده ائدیر. قزئت، لوکزمبورگدا بیر آرایا گلن 28 عضو اؤلکه خاریجی ایشلر ناظیرلرینین "آلبانییه داوام ائدن ایرهلیلمه مدتی ایشیغیندا" نامیزدلیک ایستاتوسونون وئریلمهسینین قرارلاشدیریلدیغینی آچیقلادیغینی یازیر. قزئت، قرارین اؤنوموزدکی گونلرده بروکسلده کئچیریلهجک لیدرلر اجلاسیندا دولت و حکومت باشچیلارینین تصدیقینه تقدیم ائدیلهجگینی یازیر. خبرده تصدیقین آردیندان آلبانینین، آوروپا کومیسیونو ایله چتین عضولوک مذاکیره پروسهسینه باشلایابیلهجگینه وورغو ائدیلیر.
ایستار قزئتی، "بو ایل 16 میلیارد دولار بیرباشا خاریجی سرمایه گؤزلنیلیر" باشلیقلی خبرینده، اولوسلار آراسی یاتیریمچیلار درنکینین (YASED) باشقان وکیلی آکین کوزانوغلونون، بو ایل تورکیهیه 16 میلیارد دولار جیواریندا خاریجی یاتیریم گیریشی اولماسینی گؤزلدیگینی ایفاده ائدیر. قزئت، کوزانوغلونون، تورکیهیه یؤنلیک اولوسلار آراسی بیرباشا یاتیریم گیریشینین سکتورل بازدا ایسه انرژی، مالی، ساغلیق و داشینماز آغیرلیق قازاناجاغینی سؤیلهدیگینه ایشاره ائدیر.
وطن قزئتی، "تورک هاوا یوللاری آفریقادا بنین-ه ده اوچاجاق" باشلیقلی خبرینده، تورک هاوا یوللارینین (تهی)، آفریقادا سفر تشکیل ائدیلن 39ونجو نقطهسینین بنین اؤلکهسی اولدوغونو ایفاده ائدیر. خبرده، ایستانبولدان بنین-ه سفرلری، بازار ارتهسی، چرشنبه، جمعه و بازار اولماق عذره هفتهده 4 گون قارشیلیقلی گئرچکلشدیریلهجگی ایفاده ائدیلیر.
صاباح قزئتینین اقتیصاد صحیفهسینده یاییملانان "سولکس، الکتریکلی بیسیکلیت چیخاراجاق" باشلیقلی خبرده فرانسیز بیسیکلت شرکتی سولکس-ین، تورکیه بازارینا سرعتلی گیردیگینی ایفاده ائدیر. قزئت، سولکسین صاحبی فرانسیز ایشادامی ژان پیرر بانسارد-ین، "تورکیهده 3 ایل ایچینده بیسیکلت چیخارماق اوچون مونتاژ تاسیسی قورماق ایستییریک. آردیندان بورانی بیر اورهتیم تاسیسی حالینا گتیرجگیک. پارچالاری دا تورکیهده چیخاراجاغی "دئدیگینی کؤچورور. خبرده، تورکیهده توریزم ایشینه گیرمک ایستدیکلرینی ده دیله گتیرن بانساردین، "خلیجده اوتل آچماق ایستییریک" شکلیندکی ایفادهسی ده یازیر.
آخشام قزئتی، "73 ظفرله گینس رکوردو" باشلیقلی خبرینده، واکیفبانک قادین ولیبال تیمی معجزهسینین، گینس طرفیندن تسجیلّندیغینی ایفاده ائدیر. قزئت، سون 73 اویونونون 73ونو ده قازانان ساری-قارالیلار موفقیتینین، "دونیانین اوست اوسته ان چوخ غالیبیت آلان والیبال تیمی" اولاراق رکوردلار کیتابینا گیردیگینی یازیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718523145)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.