تورکیه مطبوعاتی اؤزتی 23.06.2014

سلام حؤرمت‌لی دینلییجی‌لر، تورک مطبوعاتیندا یئر آلان بعضی خبرلرین خلاصه‌سینی سیزلرله پایلاشاجاغیق.
صاباح قزئتی، "کری میصیرا علی دولو گلدی" باش‌لیق‌لی خبرینده آمریکا خاریجی ایشلر ناظری جان کری، یاخین شرق تورو چرچیوه‌سینده دونن میصیری زیارت ائتدیگینی یازیر. قزئت، کری، پایتخت قاهیره‌ده میصیر پرزیدنتی عبدالفتاح السیسی ایله گؤروشدوگونو ایفاده ائدیر. خبرده، بو سفرین کئچدیگیمیز آی ائدیلن پرزیدنت‌لیک سئچیم‌لرین‌دن سونرا میصیرا آمریکا طرفین‌دن حیاتا کئچیریلن ان اوست سویه زیارت اولدوغونا ایشاره ائدیلیر. قزئت، آمریکانین، کری زیارتی‌نین عرفه‌سینده میصیرا 572 میلیون دو‌لارلیق نیظامی یاردیم ائتدیگینی یایز.
ایستار قزئتی، "برکت کرنوانی روم ائلی یولوندا" باش‌لیق‌لی خبرینده 'قارداش‌لیق مرز تانیماز شعارییلا هر رمضان بالکان‌لارا کؤمک الی اوزا‌دان ایستانبول بایرامپاشا بلدیه‌سی‌نین برکت کروان‌نین قارداش‌لیق سفرینه چیخدیغینی ایفاده ائدیر. قزئت، کورواسی، صربیستان، بوسنی و هرزگوئین، قاراداغ، کوسووو، آلبانی، مقدونیه، یونانیستان و بولغاریستاندا قورولا‌جاق ایفطار سوفره‌لرینده قارداشلیغین پایلاشیلاجاغینی یازیر.
آخشام قزئتی، "برگاما و جومالیکیزیک دونیا میراثی لیسته‌سینده" باش‌لیق‌لی خبرینده قطرین پایتختی دوحه‌ده بو ایل 38ینجی‌سی تشکیل ائدیلن دونیا میراث کومیته‌سی کونفرانسیندا یونسکو-نون، بورسا جومالیکیزیک و برگامایی دونیا میراثی لیسته‌سینه آلدیغینی ایفاده ائدیر. قزئت، تورکیه‌نین لیسته‌دکی وارلیق سایسی‌نین 13ه یوکسلدیگینی یازیر.
خبرتورک قزئتی، "بوش‌دان بورسایا 850 میلیون تورک لیره ‌سی یاتیریم" باش‌لیق‌لی خبرینده، بوشون، بورسا دا یئر الان اوره تیم تاسیس‌لرینده دیزل تکنولوژیسینه صاحب انژکتورلرینی چیخارماق عذره یئنی حیسه‌سینی چیخاردیغینی یازیر. قزئت، یئنی تاسیس 850 میلیون تورک لیره سی (300 میلیون آورو) سرمایه ائدیله‌جگینی یازیر. خبرده علم صنایع و تکنولوژی ناظیری فیکری ایشیغین دا قاتیلدیغی آچیلیشدا دانیشان بوش ترافیندان تورکیه نماینده‌سی استون یوونگ‌ین، "بو یاتیریما بوشون بورسا‌داکی تاسیس‌لرینه گوونی‌نین وورغولاییر" دئدیگی یازیر.
صاباح قزئتی، "آچار اؤلکه تورکیه" باش‌لیق‌لی خبرینده ولکس واگن قروپو مارکالاریندان‌ سیت‌ین، گؤزونو آرا‌لاریندا تورکیه‌نین ده اولدوغو یئنی بازارلارا چئویردیگینی ایفاده ائدیر. قزئت، شیرکتین، تورکیه، مکزیک و الجزایر کیمی اؤلکه‌لردکی مال وارلیغینی آرتیرما قراری ائتدیگینه ایشاره ائدیر.
میللیت قزئتینده "ماوی بایراق سرمایه‌دارییق" باش‌لیغی آلتیندا یایینلانان خبرده، تورکیه‌نین 2014-جو ایلده 397 ماوی بایراق‌لی پلاژییلا دونیا اوچونجوسو اولدوغو یازیلیر. قزئت، مارماریس توریزم و چئوره کؤنول‌لولری قروپو باشچی‌سی فیلیز ارسانین، ماوی بایراغین اولدوغو پلاژلارداکی دنیزین تمیز اولدوغو و لازیم‌لی گوونلیک تدبیرلری‌نین آلیندیغی معناسینی وئردیگینی سؤیله‌دیگینی یازیر.
وطن قزئتی، "آنتالیا‌دان بیر گونده 169 مین مسافیر اوچدو" باش‌لیق‌لی خبرینده، دولت هاوا میدان‌لاری ایشلتمسی (DHMİ) باش دیرکتورو اورحان بیردالین، توییتر اوزرین‌دن پایلاشدیغی بیر معلوماتا کؤچورور. قزئت، بیردالین وئردیگی معلوماتا گؤره آنتالیا هاوالیمانینا بیر گونده 971 اوچاغین ائنیش قالخیش ائتدیگینی و مسافیر سایسی‌نین ایسه 169 مین 122 اولدوغونو یازیر.
میللیت قزئتی، "تورک عالیم چؤلده سو پروبلمینی حل ائتدی" باش‌لیق‌لی خبرینده، آمریکادا یاشایان تورک عالیم شهموس اؤزدن و قروپونون، سو پروبلمی‌نین حلّی اوچون نانو تکنولوژینی ایستیفاده ائده‌رک اهمیت‌لی بیر گؤروشمه رئاللاشدیردیغینی یازیر. قزئت، کشفله باغلی معلومات وئرن اؤزدن، "طبیعتی آراشدیردیغیمیز زامان ایچمه سویونو هئچ بیر زامان انرژییه احتیاج دویما‌دان حلّ ائدن وارلیق‌لارلا قارشیلاشابیلیریک. مسئلن آفریقادا نامیب چؤلونده یاشایان استنوکارا آدلی حشره، هاوا‌داکی سو درّه‌لرینی کوره‌ک قیسیمین‌دکی و قانادلارین‌داکی موکمل دیزاین سایه‌سینده ییغا‌راق سو احتیاجینی قارشیلایا بیلیر. "شکلینده دانیشدیغینی یازیر.