تورکیه مطبوعاتی اؤزتی 20.06.2014
یئنی شفق قزئتی، باشباخان رجب طیب اردوغانین، اتریشین باشکندی ویانادا، آوروپا‌لی تورک دموکرات‌لار بیرلیگی‌نین ۱۰.جو قورولوش ایلدؤنومو فعالیت‌لری چرچیوه‌سینده تشکیل ائدیلن ویانا بولوشماسینا قاتیلدیغینی ایفاده ائدیر. قزئت، اون مین‌لرجه تورکون جوشغویلا قارشیلادیغی اردوغانین، "بیز بو گون ویانایا گؤنول‌لر قازانماق اوچون گلدیک. بیز اتریشده، آلمانیادا، آوروپانین دیگر بوتون اؤلکه‌لرینده امگیله، تجروبه‌سیله، ان اؤنم‌لی‌سی ده باریش و دوستلوق مئساژلاری ایله وار اولان بیر میلتیک"دئدیگینی یازیر.
صاباح قزئتینده یاییملانان "ایسپانیا یئنی کرالینا قوووشدو" باش‌لیق‌لی خبرده، ایسپانیا کرا‌لی خوان کارلوسون، تاختینی دونن رسمی اولا‌راق اوغلو فلیپه وئردیگی یازیلیر. قزئت، عسگری مراسیمین آردین‌دان مادریدده شهر تورونا چیخان کرال فلیپ و کرالیچه لتیزیانین، داها سونرا قیزلارییلا بیرلیکده سارایین بالکونون‌دان خالقی سلاملادیغینی یازیر.
ایستار قزئتی، "آ.ب-نین یئنی بیر انرژییه احتیاجی وار" باش‌لیق‌لی خبرینده تورکیه اودلار و بورسالار بیرلیگی باشقانی و یوروچمبرس باشقان کؤمکچی‌سی ریفات حیصارجیقلی‌اوغلونون ایزمیرده تشکیل ائدیلن ۳۳.جو تورکیه آ.ب قارما مشاویره کمیته‌سی توپلانتیسیندا دانیشماسینا توخونور. قزئت، آ.ب-نین گنیشلمه‌سی‌نین بیرلییه یئنی بیر انرژی قاتاجاغینی ایفاده ائدن حیصارجیقلی‌اوغلونون، "تورکیه اولا‌راق گؤستردیگیمیز پئرفورمانسی آوروپابیرلیگی ایچینده داوام ائتدیرمک ایستییریک. ویزا قونوسو دا تورکیه‌نین آوروپا بیرلیگینه باخیشی و آ.ب-نین دگرلریله اویوشمور"دئدیگینی یازیر.
خبرتورک قزئتی، "بورسایا یئنی یاتیریم سیگنا‌لی" باش‌لیق‌لی خبرینده، تورکیه‌ده اویاق قروپو ایله اوره‌دیم ائدن رنونون پئرفورمانس‌دان مسئول باشقان یاردیمچیسی ژرمی ایستول‌ون، شیرکتین دونیا‌داکی آنا اوره‌دیم مرکزلرین‌دن بیری اولان بورسا دا اویاق رنو فابریکاسیندا یاپیلاجاق مدل یئنیلمه یاتیریمی اوزرینده چالیشدیق‌لارینی سؤیلدیگینی یازیر.
قزئت، تورکیه سفرینده سوال‌لاری جاوابلان‌دیران ایستول‌ون، "رنو گلیشدیردیگی چئشیدلی محصول‌لار وار و بعضی‌لری تورکیه‌ده ساتیلا‌جاق و اوره‌دیله‌جک. بیر نئچه آی ایچینده یئنی یاتیریمیمیز قونوسوندا بیر میقدار داها آچیقلاما وئرمه‌یه حاضر اولاجاغیمیزی دوشونورم" دئدیگینی ایفاده ائدیر.
آخشام قزئتی، "یئللن تدبیرلی اما پئسیمیست دئییل: گوج‌لو بؤیومه ۲۰۱٥.جی ایلده" باش‌لیق‌لی خبرینده، آمریکا مرکز بانکی‌نین، اوزونجا بیر مدت داها فایزلری آشاغی توتما قونوسوندا قرارلی اولدوغونو ایفاده ائدیر. قزئت، آمریکا مرکز بانکی باشقانی جنت یلن‌ین، "آمریکانین بؤیومه پتانسیلی بیر مدت داها دوشوک قالا‌جاق، ۲۰۱٥ و ۲۰۱٦دا داها گوج‌لو بیر بؤیومه یاشایاجاییق" شکلینده دانیشدیغینی یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
