تورکیه مطبوعاتی اؤزتی 17.06.2014
یئنی شفق قزئتی، تورکیه‌یه سفرده اولان ناتو-نون باش کاتیبی آندرس فوگ راسموسن‌ین، پرزیدنت عبدالله گول طرفین‌دن قبول ائدیلدیگینی یازیر. قزئت، گولون، گؤروشمه‌ده صلاحیت مدتی پاییزدا سونا چاتا‌جاق راسموسن‌ین، باش کاتیب اولا‌راق وظیفه یئرینه یئتیردیگی مدت بویونجا وئردیگی خیدمت‌لر اوچون تشککور ائتدیگینی یازیر. خبرده باش کاتیب راسموسن‌ین، سپتامبر آییندا کئچیریله‌جک ناتو ولز ایجلاسی‌نین گوندمینده یئر آلان موضوعلار حاقیندا پرزیدنت گوله معلومات وئردیگی یازیلیر. گؤروشمه‌ده عینی زاماندا عراق، اوکراین، سوریه و افغانیستان‌داکی وضعیت کیمی ایندیلیکده وار اولان بؤلگه‌سل موضوعلارین دا اله آلیندیغینا ایشاره ائدیلن خبرده راسموسن‌ین، داها سونرا باش ناظیر طیب اردوغان طرفین‌دن باش ناظیرلیک رسمی مقامیندا قبول ائدیلدیگی بیلدیریلیر. قزئت، گؤروشمه‌ده، تورکیه‌نین، افغانیستان‌داکی ایساف بونیه‌سین‌دکی فعالیت‌لری ایله اوکراین‌داکی گلیشمه‌لرین اله آلیندیغینی دا یازیر.
ایستار قزئتی، "دونیانین ان بؤیوک لیمانی دا یولدا" باش‌لیق‌لی خبرینده باش ناظیر رجب طیب اردوغان طرفین‌دن دونیانین ان بؤیوک هاوالیمانی‌نین تمه‌لی‌نین آتیلماسین‌دان سونرا بویوک بیر پروژه‌نین داها گلدیگینی یازیر. خبرده هاوالیمانی اطرافیندا 3. کؤرپو و کانال ایستانبول ایشلرین‌دن سونرا دونیانین ان بؤیوک 'لیمان شهری‌نین تیکیله‌جگینه ایشاره ائدیلیر.
آخشام قزئتی‌نین اقتیصاد صحیفه‌سینده یاییم‌لانان "تورک هاوا یولوندان 1.6 میلیارد دو‌لارلیق اوچاغی سیفاریشی" باش‌لیق‌لی خبرده، تورک هاوا یوللارینین (تهی) آمریکا‌لی بوئینگ‌ین بویوک سیفاریش وئردیگی یازیلیر. خبرده شیرکتین، قطعی سیفاریشه چئویردیگی 15 عدد B737 MAX 8s تییاره‌سی‌نین لیسته قیمتی‌نین 1.6 میلیارد دو‌لار اولدوغونو آچیقلادیغی ایفاده ائدیلیر. قزئت، تورک هاوا یولونون کئچن هفته ائتدیگی آچیقلامادا تییاره سیفاریشلری‌نین 2020ده تسلیم آلیناجاغینی ایفاده ائتدیگینی یازیر. تورک هاوا یولونون کئچن ایل 50 عدد 737 MAXs و 20 عدد 737s سیفاریشی وئرمیش اولدوغونو ایفاده ائدن قزئت، بو یئنی سیفاریشین کئچن ایلکی سیفاریش‌لره علاوه اولاجاغینی ایفاده ائدیر.
خبرتورک قزئتی، "دونیانین 1000ینجی میراثی تورکیه‌دن اولسون" باش‌لیق‌لی خبرینده، بیرلشمیش میللت‌لر تشکیلاتی‌نین تحصیل، علم و مدنیت تشکیلاتی‌نین (یونسکو) دونیا میراث کومیته‌سینه عضو سئچیلن تورکیه‌نین، اونلارلا اؤلکه‌دن شیکایت‌لری اولدوغو دونیا میراثی لیسته‌سی اوچون ایلک دفعه ماسانین دیگر طرفینده ایشتیراک ائده‌جگینی ایفاده ائدیر. قزئت، دونیا میراث لیسته‌سینه علاوه اولونا‌جاق 1000ینجی عنصورون بیللی اولاجاغی دونیا کومیته‌سی‌نین دونن باشلایان و 25 ژوئنه قدر داوام ائده‌جک دوحه‌دکی 38ینجی کونفرانسیندا، تورکیه‌دن ده "بورسا و جومالی کیزیک" ایله "برگاما" نین موضوعلاری‌نین گؤروشوله‌جگینی یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
