تورکیه مطبوعاتی اؤزتی 13.06.2014
خبرتورک قزئتینین اقتصاد صحیفهسینده یاییملانان بیر خبرده، اولوسلارآراسی بازارلاردا برنت نفتین بوشقا قیمتینین دیرماندیغینا ایشاره ائدیلیر. خبرده عراقدا یاشانان گلیشمهلرین نفت عرضینی آخساداجاغی قایغیلارینین نفت قیمتلرینین یوکسلمهسینه سبب اولدوغونا دقت چئکیلیر.
ایستار قزئتی، "تورکسات ٤ب اویدوسو حاضر" باشلیقلی خبرینده، ژاپونیادا اورهدیلن و تورک مهندسلرینین ده اورهدیم و تستلرینده وظیفه آلدیغی تورکسات ٤ب اویدوسونون اورهدیمینین تاماملاندیغینی یازیر. قزئت، تورکسات ٤ب اویدوسونون اورهدیمینین تاماملانماسی دولاییسیلا میتسوبیشی الکتریک فیرماسینین کاماکوراداکی اویدو اؤرهدیم مرکزینده مراسیم تشکیل ائدیلدیگینی ایفاده ائدیر. خبرده مراسیمده دانیشان تورکسات باش مودورو انصار گولون، فوریهده آتیلان تورکسات ٤آ اویدوسونون یاخین زاماندا ٤۲ درجه دوغو بویلامینیندا خیدمت وئرمهیه باشلایاجاغینی ایفاده ائتدیگی یازیلیر.
صاباح قزئتی، "ایلک میلی اویدو سکوسو گلیر" باشلیقلی خبرینده ایلک میلی خبرلشمه اویدوسو تورکسات ٦آ اوچون ایمضالارین آتیلماسینا ساییلی گونلر قالا، اوید. آتماغا ایلک میلی سکو یاپیمی اوچون ده ایشلرین باشلادیغینی یازیر. خبرده یاتیریم اوچون موغلانین اؤنه چیخدیغی ایفاده ائدیلیر.
آخشام قزئتی، "قندیل جوشقوسو" باشلیقلی خبرینده، ایسلام عالمینین دونن آخشام رمضانین خبرچیسی برات قندیلینی ایدراک ائتدیگینی ایفاده ائدیر. قزئت، مسجیدلری دولدوران مؤمنلرین، گوناهلاریندان تمیزلنمک، برکته چاتماق اوچون ناماز قیلیب دعا ائتدیگینی یازیر.
وطن قزئتی، "ایشیق سرعتینده سفر ممکن اولاجاق" باشلیقلی خبرینده آمریکا میلی هاواچیلیق و اوزای دایرهسی ناسانین، یئنی بیر صنعتی تاساریم گلیشدیرهرک اولدوزلار آراسی سفرین ایشیق سرعتینده اولابیلهجگینی آچیقلادیغینی ایفاده ائدیر. قزئت، افسانه بیلیم قورغو سریسی اوزای یولوندا ایلهاملانیلاراق گیریشیلن پروژهده بیر اوزای گمیسینین، گونشه ان یاخین اولدوز سیستمی اولان آلفا قنطوره چاتماسینین یالنیز ایکی هفته سورهجیینین قید ائدیلدیگینی ایفاده ائدیر.
میللیت قزئتی، "فوتبال شؤلهنی سامبایلا باشلادی" باشلیقلی خبرینده، برزیلیانین ائو صاحبلیگی ائتدیگی ۲۰.جی دونیا کوبوکونون آچیلیشینین دونن سان پائولو آرئنادا گؤرکملی بیر مراسیمله ائدیلدیگینی یازیر. قزئت، ٦۰۰ صنعتچینین حاضیرلادیغی گؤرسل مراسیمده اؤلکهیه عاید رقصلر، اویونلار و شوولار صحنهلندیگینی ایفاده ائدیر. خبرده داها سونرا اوینانان آچیلیش اویونوندا برزیلیانین کروواسینی ۳-۱ گئچمیی باجاردیغی یازیلیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719027375)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.