تورکیه مطبوعاتی اؤزتی 09.06.2014
صاباح قزئتینین اقتیصاد صحیفهسینده یاییملانان "ایخراجاتین ان یاخشی موشتریسی آلمانیا" باشلیقلی خبرده، تورکیهنین ان چوخ ایخراجات ائتدیگی اؤلکهنین آلمانیا اولدوغو یازیلیر. خبرده اولوداغ اوتوموبیل صنایعسی ایخراجاتچیلاری بیرلیگینین معلوماتلارینا گؤره می آییندا آلمانیایا ایخراجاتین یوزده 46 آرتاراق 358 میلیون دولارا چیخدیغی یازیر. قزئت، ایلک 5 آیداکی ایخراجاتین ایسه یوزده 30 آرتاراق 1.6 میلیارد دولارا یوکسلدیگینی ایشاره ائدیر.
یئنی شفق قزئتی، "تورکیه قازاناجاق" باشلیغی آلتیندا یاییملانان خبرینده، تورکیه جمهوریتی تاریخینین ان اهمیتلی پروژهسی اولان ایللیک 150 میلیون ظرفیتلی اوچونجو هاوالیمانینین تمل آتما مراسیمینین دونیا مطبوعاتیندا گئنیش یئر تاپدیغینا ایشاره ائدیر. قزئت، مگا پروژه ایله علاقهدار بی.بی.سی-نین، "حکومت، تورکیهنی اوروپانین نقلیات مرکزی حالینا گتیرمگی هدفلییر" دئیه یازدیغینی یازیر. مالزی، عمان و بیرلشمیش عرب امیرلیکلری مئدیاسینین، هاواجیلیقدا اولوسلار آراسی انتقال کمرلرینین دگیشجگینه وورغو ائتدیگینی ایفاده ائدن قزئت، AFP-نین، "تورکیه قازاناجاق" دئدیگینی یازیر.
ایستار قزئتی، "پرمیئر ویزیون اوکتوبردا ایستانبولدا" باشلیقلی خبرینده، تخمینن 30 ایلدیر پاریسده تشکیل ائدیلن و تورک تکستیل-حاضیر گئییم مارکالارینین گلهجک مؤوسوم ترندلری حاقیندا فیکیر صاحبی اولدوغو سرگیلر باشیندا گلن پرمیئر ویزیونون آرتیق ایستانبولدا ایلده ایکی دفعه تشکیل ائدیلهجگینی یازیر. قزئت، پرمیئر ویزیون ایستانبولون، ایلک دفعه 29-30-31 اوکتوبردا CNR سرگی مرکزینده گئرچکلشدیریلهجگینی ایفاده ائدیر.
میللیت قزئتی، "14 اؤلکهنین دوکتورو ایستانبولدا گؤروشدو" باشلیقلی خبرده، ایستانبولدا دونیانین 14 اؤلکهسینین تمثیل ائدیلدیگی و 300-ا یاخین دوکتور قاتیلدیغی اولوسلار آراسی نؤرالتراپی کونقرهسینین 5ینجیسینین موفقیتلی بیر شکیلده رئاللاشدیریلدیغینی یازیر. قزئت، پروفسور دوکتور حسین نازلیکول باشچیلیغیندا رئاللاشان نؤرویممونولوژی موضوعلو کونقره چرچیوهسینده 140 سونوم و 15 وورک شاپ یئر الاجاغینی ایفاده ائدیر.
آخشام قزئتی، "شنلیگی تورکجه دامغا ووردو" باشلیغی آلتیندا یاییملانان خبرینده، آلمانیانین باویئرا ایالتیندکی تاریخی فریسینگ شهرینده تشکیل ائدیلن عنعنوی تورکیه-باویئرا یاز شنلیغینه تورکجهنین دامغاسینی ووردوغونو یازیر. قزئت، فریسینگ بلدیه باشچیسی توبیاس اشنباچرین، آچیلیش دانیشماسینین ایلک حیسهسینی تورکجه ائتدیگینی ایفاده ائدیر.
خبرتورک قزئتی، "ان بؤیوک یئلکنلی ایستانبولا گلیر" باشلیقلی خبرینده، دونیانین ان بؤیوک یئلکنلی تحصیل گمیسی اولان STS SEDOV-ون، 12 ژوئنده ایستانبولا گلیب ایستانبوللو یئلکن سئورلرله گؤروشهجگینی یازیر. قزئت، 4 دیرکلی 93 یاشینداکی گمینین زیارتچیلرییله گؤروشمک اوچون ایستانبول بوغازینا دمیر آتاجاغینی یازیر. خبرده 1921-جی ایلده ائدیلن گمینین اوزونلوغونون 117 متر اولدوغو یازیلیر.
وطن قزئتینده "اوروج بدنی مغلوب" باشلیغی آلتیندا گؤستری اولونان خبرده، آمریکالی متخصصلره گؤره 3 گون اوروج توتانلارین ایمنی سیستمینین یئنیلندیگی بیلدیریلیر. خبرده، خصوصیله یاشلانماغا و یا سرطانا باغلی زیان گؤرن ایمنی سیستمی اوزرینده اوروج توتمانین چوخ فایدالی اولدوغونون اورتایا چیخدیغینا ایشاره ائدیلیر. قزئت، اوروج سایهسینده بدنده یئنی آغ قان حوجرهلری اورهدیغینی و بدندکی یاغ نیسبتینین ده آزالدیغینی یازیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719100739)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.